Isaías 24:12 - Dios Iwene

^12-13 Bö̧jȩ ba̧kwemeachibanö tjitebo comunidadbiyama, söbebö loawemida ji̧bakobe, comunidad apjubebi 'dobö loawadeda ji̧bakobe. Jo̧bekwö bö̧jȩ ba̧kwemeachibanö ja̧kobe, ja̧danö bö̧jȩnö ju̧kwadötjö o̧bukwedöda tjö̧jibakwedö, wanedö yötawa: Uba waji̧ emajitja möle baledaja̧ ikena, uba waji̧ ja'yubeda ji̧danö, ja̧danö olivo towi kwakwabajadö, e'dö tjemaja̧ ikena olivo waji̧ ja'yubeda wa̧ji̧danö, bö̧jȩnö ju̧kwadötjö sule o̧bukwedöda tjö̧jibakwedö.

Isaías 24:12 Referans Kwoze

Isaías 32:14

Jau, inesö la'aka luwo̧ eju otiwejuma, deeju ji̧bakobe, ja̧danö ba̧jȩkwadö tjuju̧kwemi comunidadma, jojodö dei̧ comunidad ji̧bakobe. Ja̧danö 'diinö tjöbebö tjotidina'o mösa'obi, mösaka mö wa̧nö eda̧lakwawakabi, lekwe möle tebonö ju̧kwadö tjö̧jemida jakobe, ja̧danö tjajikwököwö̧ bu̧lu̧döbi, obejadöbi jobe pjeanö tjukwobö tjösödakwedö.

Mateo 22:7

Jejenö ja̧tjiökwe, la'aka luwo̧ma ödameakwinobe, ja̧danö iteda ömöayedö guardia jojodönö weinobe, jobadö iteda ömöayedönö kwabö lobajadönö kwabö lotjobö, ja̧danö tjö̧jinemi comunidad juwö lotjobö.

Isaías 14:31

Jo̧kwajabetjö̧ kwiteboduwi comunidad apjude a'o ja̧nö, kwubudekwaduwo, ökwödö comunidad jojodö yebabinö jwökeba̧laduwo, kwomajadeduwinö yebabinö kwö̧jaduwo, okobe deinö ökwödö filisteo jojodöma. Jau, imiyu'wo ichi̧danö, ökwödönö metjibakwedöma tjichobe, bakwo̧bi ime'dawachibökönö, ökwödönö metji̧bakwedö ölakwabikwawa jojodöma tjichobe, jo̧kwajabetjö̧ yekabiduwo, isabenö ökwödönö söbebö lotjakobetjö̧, —jö̧ba̧lö yöawobe Diosma, filisteo jojodönö.

Isaías 32:19

Ja̧danö tiyuwaso pjei̧ öwiya tjoduwinö tebo kwabibö meitjö̧bi, comunidad bakwainö nijakwö meitjö̧bi, yayonö otiwanö tjö̧jakwedö chömöledö Juda jojodöma, Dios otiwanö paatobetjö̧.

Isaías 45:2

Ciro, ötjöda kwabönö 'ya̧nö, mösa'iju ba̧ba̧ladö lotocha, wene jwiinö kwi̧'yobö, ja̧danö ötjöda comunidad apjude broncetjö otikwade 'dabebö lotocha, wene jwiinö comunidad tekachobö, ja̧danö 'dii jawatjö otikwa 'diebaso̧jwa̧ ötjöda 'debatö lotocha, wene jwiinö 'ya̧nö kwujuluwakobetjö̧.