Isaías 23:12 - Dios Iwene

¹² Jobekwö webö, Sidon jojodönö yöa̧lajabe: –Bemi tupakwö kwo̧'wo ösöwanöma yöka̧lökakwujuja, ökwö Sidon itjiju möayujuma. Usula emawö, jwaibalawa pebibö, Chipre ö'wejesa'obe kwi̧'yo, jo̧kwaijayonö jobe kwichibijayonö, yayonö wene jwiinö kwö̧jökakwujuja, –jö̧ba̧lö yöa̧lajabe, Sidon niji jojodönö, —jö̧ba̧lö laebobe Dios yöawi̧, Tiro comunidad baledakwa̧ jawama.

Isaías 23:12 Referans Kwoze

Apocalipsis 18:22

Yelösöda, otiwinemi ajayinöma, Babiloniama. Ba̧jekwadö otiwanö harpa, ju'wi opjianö pjeawa pjebö ju̧kwiatjinobe. Ja̧danö, lo̧böbi lo̧biatjinobe. Pjuawanubi pjubiatjinobe. Trompetabi pjubiatjinobe ajayinöma, Babiloniatjöma. Jo̧kwaijayonö detjakobe, pjetji̧bi, lo̧tji̧bi, pjutji̧bi ökwöökönö. Ja̧danö, otidinadö, okobe jwiinö jawa otidinadöma detjakobe. Ja̧danö, trigo dobö tjotidi̧ ökwöi̧ma ökwöökakobe, dotjokobetjö̧.

Isaías 47:1

Baikwö laebobe Dios Babilonia jojodönö wanedö yöa̧li̧ma: Ökwö Babilonia jojosuju, möayujuma, la'aka luwuju jiteakanö wa̧nökönö, nijinöda kwö̧bakwujuja. Jau möayuju, ajayinö ökwönö otiwuju, ji̧sȩdo otiwanö sayuwuju jö̧ba̧lö ötjabinokoja, kweju otiwejunö wene jwiinö kwö̧jinobetjö̧, jo̧kwaijayonö bemi tupakwö jobekwö ötjabökakwujuja.

Isaías 47:5

Tupakwö wanedö yöawobe Diosma, Babilonia jojodönö: Ökwö Babilonia jojojosujuma, wi̧inö ba̧wi̧, jelobe ju̧kwawaji. Ajayinö ökwönö, —Tjitebotenia jojodötjö inesö la'aka luwuju, —jö̧ba̧lö ötjabinokoja, jo̧kwaijayonö bemi tupakwö jobekwöma ötjabökakwedö.

Isaías 37:22

ötjö Isabenö Jo̧ma baikwö yöta̧la jo̧banö: Senaquerib, Sion mösa'o ya̧dö möayedöma ökwönö öpöjödö yö̧ba̧ladö, -Senaqueribma juluwö̧kö̧, -jö̧ba̧lö, Jerusalen ya̧döma tjuu löwö löwö ja̧bö obadö ökwönö.

Isaías 23:7

—Ayö, bi̧ya söbebö loawemima ajayinö Tiro comunidad, jwiinö tjo̧'wo ösöwanö tjö̧jinemi comunidad ji̧naji̧? Tiro comunidadma damötjö tjujunina comunidad, ja̧danö i̧ya̧da comunidadtjö damötjö jelobekwö latjebinelö, 'yayi comunidadbiya tjujunobö.

Josué 11:8

ja̧danö Isabenö Jo̧ma israel jojodönö iyinobe, jwiinö jobadönö tjujuluwobö. Jwiinö jobadönö tjujuluwinobe israel jojodöma, jobetjö dötjibajenanö, ja̧danö israel jojodöma jobadönö lubö kwabawö lotjinobe, u'dakwö jalobe comunidad Sidonbebi, jawo̧ meajobekwö Misrefot Mayin comunidadbebi, jawo̧ laebobekwö Mizpa wabekobebi. Jwiinö jobadönö tjujuluwinobe, ölakabikwawadötjö bakwo̧bi ö̧jibökenanö baibanö.

Génesis 49:13

Ikenama Jacobma yöbawijetö itji̧ Zabulónnö: —Zabulón, ökwötjö tupadanö jojodöma ojwe ö'öbö kwö̧jaduwakwedöja, Sidón niji ichibanö. Jemi tjolanöma isowibiya owiawi ichö lamatakwemi— yöbawijetö Jacob Zabulónnö.

Daniel 11:30

Quitim nijitjö Egipto jojodönö pjabatadö tjisowinö tjichakobetjö̧. Ja̧danö, pjabatö ichajadönö edö, yeaibakobe, ja̧danö ȩwa̧jakobe. Ja̧danö ȩwa̧jö, jwiinö ölabikobe Diosnö ösödadönö, ja̧danö Diosnö ösödakwawa söbebö lootö jö̧ba̧lö ja̧akobe, ja̧danö Israel jojodötjö Diosnö kabatibadönö pjaatakobe.

Génesis 10:4

Ja̧danö, Javántjö tupadanö jojodöma bidö: Elisa jojodö, Tarsis jojodö, Quitim jojodö, Dodanim jojodö.