Isaías 22:2 - Dios Iwene

² Kwiteboduwi comunidadma labinö ökwöobe, jojodö ba'ali tjukwobe ökwöi̧danö ökwöobe, tajawedö kwo̧'duwi ösöwanö kwö̧jaduwobedaja? Kwo̧'woduwi ösöwanö kwö̧jaduwobö jwibadöja chömöledö. —Ökwödönö baledaja̧ma, baikwö yöta̧la: Ökwödötjö ö'wö babibajadöma, tjöpöjojodökwö ölakwabikwawö ja̧nö, tjöpöjojodö dȩdȩbö lotjajawö̧ ö'wö babibajöködö.

Isaías 22:2 Referans Kwoze

Isaías 32:13

ja̧danö chömöledö israel jojodö tjöbatjiju ji̧nayuma, bakwai̧ sȩakada, ja̧danö ju'wi sȩi̧ pokwi̧da pokwayu ji̧bakobetjö̧. Ja̧danö ju'wibi, ajayinö Jerusalen comunidad ju̧kwadö tjejubiya, babe tjo'wo ösöwachibanö tjö̧jemi comunidad o̧dijuma, jojodö dei̧ ejuda ji̧bakobetjö̧, kwo̧'woduwi tjo̧bekwö kwö̧jaduwo.

Isaías 23:7

—Ayö, bi̧ya söbebö loawemima ajayinö Tiro comunidad, jwiinö tjo̧'wo ösöwanö tjö̧jinemi comunidad ji̧naji̧? Tiro comunidadma damötjö tjujunina comunidad, ja̧danö i̧ya̧da comunidadtjö damötjö jelobekwö latjebinelö, 'yayi comunidadbiya tjujunobö.

Isaías 37:36

Ja̧danö, ja̧ yöte Isabenö Jo̧ weökwe angelma Asiria ölakwabikwawa jojodö tjabakwemi tebachö i̧'yinobe, ja̧danö jobadötjö ciento ochenta y cinco milbedö ölakwabikwawadönö kwabö loinobe. Ja̧danö, yȩayi ju'wedö wilubö tja̧la̧ibenama, okobe deinö Dios weajökwe angel kwabö loaja̧wö̧ tjiteba'iju nijinö bo̧be tjedinobe.

Isaías 37:33

—Ja̧danö baikwö yötawakwö Isabenö Jo̧ Asiria la'aka luwo̧nö yöawi̧ma: –Asiria la'aka luwo̧ma Jerusalen comunidad teachökakwo̧. Ju'wibi, nayunu bakwanubi Jerusalentjö 'böökakwo̧, ja̧danö tjöekwapi kwebatö, meibökakwo̧, ja̧danö Jerusalen tjöekwemi pjolö lootö jö̧ba̧lö, pjolö loawakama ujunökakwo̧.

Isaías 10:4

Isabenö ji̧ikwa jwiköbaduwakwedöja, sule dötölataja jawada kwöbaledaduwobö ja̧kobe, tjujuluwajawö̧, jelobekwö ökwödönö töbö ötjibawö̧ kwi̧'yaduwoböö̧kö̧, kwabö lotjawö̧ debö kwi̧'yaduwoböö̧kö̧, isabenö ji̧ikwa jwiakobe ökwödönö. Ja̧danö jobekwö ökwödönö lȩebijayonö, ina iteda ömamu kabebö i̧sȩba̧lö ö̧jakwo̧ Diosma, tupakwönönö ökwödönö kwaakobetjö̧, ¡ökwödöwe!

Isaías 32:14

Jau, inesö la'aka luwo̧ eju otiwejuma, deeju ji̧bakobe, ja̧danö ba̧jȩkwadö tjuju̧kwemi comunidadma, jojodö dei̧ comunidad ji̧bakobe. Ja̧danö 'diinö tjöbebö tjotidina'o mösa'obi, mösaka mö wa̧nö eda̧lakwawakabi, lekwe möle tebonö ju̧kwadö tjö̧jemida jakobe, ja̧danö tjajikwököwö̧ bu̧lu̧döbi, obejadöbi jobe pjeanö tjukwobö tjösödakwedö.