Isaías 21:11 - Dios Iwene

¹¹ Baikwö laebobe Dios yöawi̧, Edom niji jojodönö: —Edom niji mösa'o Seirtjö bakwo̧ abebö a̧ja̧kwö jwöobe, –Teada̧lö eda̧lo̧, dokwa lekwe yöte ina yȩakwa̧da? Dokwa lekwe dewachakwa̧da? –jö̧ba̧lö.

Isaías 21:11 Referans Kwoze

Génesis 25:14

Jo̧ba öjawo̧ma Misma mikwo̧. Jo̧ba öjawo̧ma Duma mikwo̧. Jo̧ba öjawo̧ma Massa mikwo̧.

Isaías 21:6

Jau, chuluwo̧ Diosma juluwanö badekwachakwa̧ jawa yöbawö, baikwö weinobe: —Bakwo̧ tjöbeba̧lö eda̧lo̧nö kwujuno, comunidad tjöekwemi ja̧nö eda̧lo̧nö, ja̧danö kwujunajökwenö weköbo, edaja̧ jawa yöawakobetjö̧.

1 Crónicas 1:30

Misma mikwo̧bi, Duma mikwo̧bi, Massa mikwo̧bi, Hadad mikwo̧bi, Tema mikwo̧bi,

Deuteronomio 2:5

jobadökwö kwölakwabikwawaduwapji jö̧ba̧lö. Jobadö tjitebo Seir mösa'oma, ötjöma jobadö Esau itji̧mu tupadanö jojodönöda chiyijatö, tjitebo baibanö jobe tjö̧jobö, ja̧danö tjitebo niji ja'yubebi ökwödö israel jojodönö chiyökakwo̧sa. Jo̧kwajabetjö̧ jobadökwö kwölakwabikwawaduwobö jwiobe.

Génesis 32:3

Ikenama Jacobma webijetö ömöayedönö yöbawö tji̧'yobö öpöe Esaú ö̧jobekwö, Seir mö'ösa'iju ju̧kwobekwö, Edom nijibe.

Isaías 21:12

Abebö a̧ja̧kwökwe, teada̧lö eda̧lo̧ma, –Tjo̧wi yȩayi dewachakwa̧ yöneawachibobe, jo̧kwaijayonö jemi ikenama juluwanö yemidanö yi̧ibakobe. Kwitebonö baledakwa̧ abebö kwa̧ja̧kwobö jö̧ka̧litjö̧ma, yemidanö abebö a̧ja̧kwö kwicho, –jö̧ba̧lö atado̧, —jö̧ba̧lö Dios iteda yöawi̧ yöawinobe, Edom niji jawama.

Génesis 32:4

Baikwö yötjawobö webijetö: —Ötjö chuluwo̧ Esaúnöma baikwö yökawaduwo, ötjö yötja̧li̧ma: Chuluwo̧, ötjö Jacob, dokwa, jö̧ba̧lö, atebobe ökwönö. Ötjöma Labánkwö lekwe o̧biya baledinö ji̧na babeda chȩwa̧ja.

Josué 15:52

Ja̧danö Arab comunidadbi, Dumá comunidadbi, Esán comunidadbi,