Isaías 21:10 - Dios Iwene

¹⁰ Jobekwö yötawaduwakwö chömöledö juda jojodö, ökwödö jwiinö usula emawadönö. Jau chömöledö, wanedö yöta̧la usula emawö kwö̧jaduwi̧ma, trigo waji̧ chabö loawejutjö, isa'ye ja̧tö loawa'ye ji̧danö usula emawadöja, ja̧danö ökwödö usula emawadönö jweinö yötawajabe Dios yöawaja̧ma, Isabenö Jo̧ Okobe Jwiinö Juluwo̧ Dios, ökwödö israel jojodö dösödökwe Dios ökwödönö yötawobö weaja̧ma.

Isaías 21:10 Referans Kwoze

Mateo 3:12

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

2 Reyes 13:7

Joacaz bajaliyanö Isabenö Jo̧nö aebakwa̧ abönö, isabenö ujulu jwiamachibinobe. Siria la'aka luwedö Joacazkwö ölakwabikwawö, isabenö ba̧jȩkwadö ömöayedönö kwabawö lotjinobe, wanedö yöta̧la: Jwiinö israel jojodönö ja̧tö lotjinobe, trigo sula'wodanö batjibenanö kabatö, ja̧danö Joacaz ömöayedö ba̧jȩkwadöbinadötjö, sule kabayudönö wa̧nö ölakwabikwawadö cincuentabedö tjö̧jibinobe, ja̧danö kolukiya domulataja jawa kolukiyada ji̧binobe, ja̧danö tjömasapiyanö kwebachö ölakwabikwawadötjö, sule diez milbedöda tjö̧jibinobe.

1 Reyes 22:14

Yöa̧lökwe, —Sule Isabenö Jo̧ yötawobö wei̧ jawada yötawakwo̧sa. Jau, chuluwo̧ Isabenö Jo̧ öba a'otjö isabenö yötawakwö, Isabenö Jo̧ yötawobö wei̧danöda yötawakwo̧sa, —jö̧ba̧lö atadinobe.

Isaías 28:28

Ja̧danö pan otikwa jawa trigo wa̧ji̧ma, i̧sopja baibanö 'dobö otidadö, jo̧kwaijayonö kabatibökönö 'dobö otidöködö, jö̧tö? Ja̧danö, trigo jawa ochobiya wamenö, ajwimu kabayudö koluka tötjobö weijayonö, kabatibökönö wamenö tjöbaledobö webö̧kö̧, trigo jawa 'dainö suli̧ waekwapji jö̧ba̧lö, jö̧tö?