Isaías 20:1 - Dios Iwene

¹ Asiria jojodötjö inesö la'aka luwo̧ Sargon mikwo̧ma, iteda ömöayedö ölakwabikwawa jojodötjö la'aka luwo̧nö weinobe, ömöayedönö öbibö, filisteo jojodö tjitebo comunidad Asdodbe ölakwabikwawö tji̧'yobö. Weökwe, ölakwabikwawö tji'yinobe, ja̧danö Asdod comunidad jojodönö tjujuluwinobe. Ja̧ baledina o̧bama, Isabenö Jo̧ma iteda yöawi̧ i̧sȩbinobe, tupakwö baledakwa̧ jawama.

Isaías 20:1 Referans Kwoze

2 Reyes 18:17

Jo̧kwaijayonö, jobekwö iyajayonö, yayonö Asiria la'aka luwo̧ma iteda ömöayedönö, ölakwabikwawadötjö la'aka luwo̧nöbi, eju teada̧ladötjö la'aka luwo̧nöbi, yöawi̧ la'aka yöbawo̧nöbi weinobe, ba̧jȩkwadö ölakwabikwawadönö öbibö, Jerusalenbe 'yanö Ezequiaskwö yötja̧lakwawobö. Ja̧danö, Jerusalenbe ichibajadö, kamisi dichawemibe 'ya̧kwawama mananö tjöjamatinobe, möakwö ojwese'dotjö i̧sa̧la sotjinemi bajale ö'öbö.

1 Samuel 6:17

Filisteo jojodö Isabenö Jo̧nö tjiyina, kwöba a'otjö isabenö wene juna̧ladösa jö̧ba̧lö tjiyinama, baikwö laebobe. Tutiyu orotjö otikwa o̧'wo jawama, bakwamu jawa wetjinobe, Asdodtjö bakwayu, Gazatjö bakwayu, Ascalóntjö bakwayu, Gattjö bakwayu, Ecróntjö bakwayu.

1 Samuel 5:1

Filisteo jojodöma Dios iteapjo israel jojodötjö 'dötjebinobe, Ebenezertjö israel jojodönö tjujuluwenama, ja̧danö 'döbebajadö, tjitebo comunidad Asdodbe tje'ewinobe.

Josué 11:22

Jwiinö jobadönö söbebö loinobe, israel nijitjö bakwo̧bi ö̧jibökenanö. Jo̧kwaijayonö israel nijitjö detjijayonö, jobadötjö o̧bukwedöma ina filisteo jojodö tjitebonö tjö̧jinobe, Gaza comunidadtjöbi, Gat comunidadtjöbi, Asdod comunidadtjöbi.

Isaías 14:31

Jo̧kwajabetjö̧ kwiteboduwi comunidad apjude a'o ja̧nö, kwubudekwaduwo, ökwödö comunidad jojodö yebabinö jwökeba̧laduwo, kwomajadeduwinö yebabinö kwö̧jaduwo, okobe deinö ökwödö filisteo jojodöma. Jau, imiyu'wo ichi̧danö, ökwödönö metjibakwedöma tjichobe, bakwo̧bi ime'dawachibökönö, ökwödönö metji̧bakwedö ölakwabikwawa jojodöma tjichobe, jo̧kwajabetjö̧ yekabiduwo, isabenö ökwödönö söbebö lotjakobetjö̧, —jö̧ba̧lö yöawobe Diosma, filisteo jojodönö.