Isaías 19:11 - Dios Iwene

¹¹ —Egipto niji comunidad Zoan luwedöma, waisanö omukwatöködö, ja̧danö Egipto niji la'aka luwo̧ Faraon ömöayedötjö waisanö omukwatobö pjabatadöma, jwiinö suli̧ lȩekwa yöbawadö, –Bejenö ja̧bö kwö̧jo duluwo̧, –jö̧ba̧lö. Jobadö Faraon ömöayedönö baikwö yöta̧la: Ökwödö Faraonnö yöka̧laduwi̧ma, –Ötjöma waisanö omukwatakwawa ba̧jadö yöbawo̧sa, ajayinö ji̧nadö la'aka luwedöbinadö tjöwaisina jawa otiwanö waiso̧sa, –jö̧ba̧lö yöka̧laduwi̧ma, wajwibadö kwö̧jaduwonö tajawedö jobekwö yöka̧laduwobeda? –jö̧ba̧lö.

Isaías 19:11 Referans Kwoze

Hechos 7:22

Ja̧danö, Moisésma okobe jwiinö Egiptonö ju̧kwadö tjöwaisi̧ jawa waisachijetö. Jojodöma Moisésnö edö jö̧ba̧lijadötö, Jo̧bama waisö yöba̧lo̧, otiwanö ja̧bo̧, jö̧ba̧lö— yöbawijetö Estebanma.

Isaías 30:4

Jau, kwuluwedöduwi Faraon ö̧jobekwö, Zoan nijibe tjichibijayonö, ja̧danö tjömöayedö yöbawadö Hanes comunidadbe tjichibijayonö,

1 Reyes 4:30

Okobe deinö jawo̧ laebobekwö ju̧kwadötjö, bajalekwönönö waisanö omukwato̧ ö̧jinobe Salomonma, ja̧danö okobe deinö Egipto nijitjö waisanö omukwatadö ötjabawö̧tjö, bajalekwönönö waisanö omukwato̧ ö̧jinobe.

Isaías 44:25

Ötjöma tupakwö baledakwa̧ yöbawadösa jö̧ba̧lö omöna yötja̧li̧ waekwobö webo̧sa. Ötjöma baledi̧ edö yadakwö baledakwa̧ yöba̧ladö tabakwö tjö̧jobö webo̧sa. Ja̧danö waisadö waisanö yötjawi̧ balewö lobo̧sa waisakwawa jwii̧ yöawakwawa baibanö balewö lobo̧sa.

Isaías 29:14

Jo̧kwajabetjö̧ yemidanö tjöbajale jalaka baibanö, jojodö edajitjökö jawa chi̧sebocha, yemidanöbi, yemidanöbi. Jobekwö i̧sȩbö, jobadötjö –Waisadösa, –jö̧ba̧ladö tjöwaisi̧ 'dö̧ibajobö ja̧takwo̧sa, jadanö jobadötjö, –Okwa jawa döwaisachibanö omukwatadösa, –jö̧ba̧lö yöba̧ladöma, labebö lobö yötjawobö jwitjakwedö, —jö̧ba̧lö yöawobe Diosma.

Isaías 19:13

—Jau, isabenö wajwibö omukwatadö Zoan comunidad la'aka luwedöma, ja̧danö Menfis comunidad la'aka luwedöma, sulabenö tjomukwatobö ötjibinawö̧, ö'öbönö omukwatadö. Egipto jojodötjö sasokwena la'aka luwedöma, jweinö ötjibo jö̧tja̧linobe tjömöayedönö, jo̧kwaijayonö sulabenö öbibadö, tjile'dewenanö baibanö.

Isaías 19:3

—Egipto jojodö waisanö omukwatö tjujunaja̧ma waekwobö wetocha, ja̧danö waekwiawö̧, tjo̧'wo tjo̧bekwö tjö̧jakwedö, –Ayö, dakwö ja̧dakwajö, –jö̧ba̧lö. Ja̧tjakwa̧ tjöwaisachibotö jö̧ba̧lö, o̧'wo jawa tjösödawö̧nöbi atjebakwedö, jadanö ö'wö babibinadö tjo̧'wo luwo̧nö abebö tja̧ja̧kwotö jö̧ba̧lö, mea boawa otidadönöbi, ju'wedö ö'wö babibinadö tjo'wo luwo̧nö yöbaladönöbi abebö tja̧ja̧kwakwedö.

Proverbios 30:2

¡Ötjöwe! Ja'yubebi waisö̧kö̧sa, wajwibo̧sa. Jojo ichejekwö̧kö̧sa, jojo waisanö omukwati̧danö chomukwatokobetjö̧.

Diosnö ösödo̧ Job mikwo̧ usula emawina jawa 12:17

Diosda lȩekwa waisadö tjöwaisi̧ 'döbebö lobo̧ma, wajwibadö batjibanö, ja̧dano jo̧bada lȩekwa luwedönö balewö lobo̧, wajwibö omukwatadö batjibanö.

Éxodo 8:4

Ja̧danö, jwo̧i̧döma ökwönöbi, kwömöledönöbi, kwömöayedönöbi tjö̧nöchawakobe. Jejenö jö̧ba̧lö yöawobe Isabenö Jo̧ma ökwönöma. Moisés, jejenö yökawo faraónnö— webijetö Isabenö Jo̧ma Moisésnöma.

Éxodo 8:14

Egipto jojodöma jwo̧i̧dö wobawajadönöma ko̧ko̧dö lödijadötö okobe jwiinö Egiptotjöma. Jwiinö woijetö okobe jwiinö Egiptoma.

1 Reyes 5:10

Jejenö yöa̧la̧ja̧danö, Hiramma okobe jwiinö cedro towibiyatjöbi, cipres towibiyatjöbi, Salomon ösödi̧danö iyinobe,