Isaías 16:1 - Dios Iwene

¹ Tupakwö laebobe Moabitas jojodönö yöa̧lakwawama: —Jobekwö balediawö̧, tjuluwo̧nö midawa baibanö obejadönö weköbaduwo, Juda niji la'aka luwonö, ökwödönö tjöbeba̧lö pjaatakobetjö̧. Sela comunidadtjö labebö, jojodö deobe baledö öbejadönö iyö kwi̧'yaduwo, Jerusalenbe, inesö otiwa'o Sion mikwa'obe.

Isaías 16:1 Referans Kwoze

Isaías 10:32

Babe möle Nob comunidadbe ichibö öjamatakobe, ja̧danö jobetjö Jerusalennö ja̧'o Sion mösa'onö ju̧kwadönö yebeabinö dameakwö 'dootö jö̧balö ömamu kaebakobe, —Isabenö ökwödönöbi chujuluwakwo̧sa, —jö̧ba̧lö.

2 Reyes 3:4

Moab niji la'aka luwo̧ Mesa mikwo̧ma, obejadönö ajwikwö ö̧jinobe, ja̧danö Israel niji la'aka luwo̧ ömöayo̧ ö̧jobetjö̧, o̧bakwena obejadö tji̧tji̧munö cien milbedönö iyobö ji̧nobe, ja̧danö obejadö ömadö cien milbedö tjöwö'yebi iyobö ji̧nobe.

2 Reyes 14:7

Ja̧danö, Edom niji jojodökwö ölakwabikwawinobe Amasiasma, ja̧danö jobadökwö ölakwabikwawenama, Sayu Wabeko ötjabekotjö, Edom ölakwabikwawa jojodötjö diez milbedönö kwabö loinobe, ja̧danö Edom niji comunidad Sela ujuluwinobe. Ja̧danö, Sela comunidad juluwajo̧, comunidad imi balewö lobö, 'yayi imi Jocteel jö̧ba̧lö imidinobe Amasiasma, ja̧danö babe mölebi baibainö, ina Jocteel jö̧ba̧lö mikwobe.

2 Samuel 8:2

Ja̧danö, Moab niji jojodönöbi ujuluwinobe Davidma. Jobadönö juluwajo̧, ölakwabikwawa jojodönö weinobe nijinö isa'ba wapö'bakwa baibanö tjö̧bamatobö. Ikenama dö'balataja ba̧jadönö kwabö loinobe, ja̧danö jele'banö ba̧jadö tjö̧jibobö weinobe. Jemi ikenama ji̧bajadöbi, ju'wedö Moab niji jojodöbi David ömöayedö batjibinobe, o̧ba bakwabakwena tjiteatjö Davidnö midadö batjibanö.

Isaías 42:11

Jojodö deobe ju̧kwadöbi, jobe ji̧ comunidadbiya ju̧kwadöbi, kwiweneduwi ökwöinö lo̧köbaduwo. Cedar niji comunidadtenia ju̧kwadöbi, Sela mösa'o ju̧kwadöbi lo̧köbaduwo, mösa'iju wa̧pekwa'otjö labinö jwöbeba̧lö kwösödaduwo, —Diosma otiwo̧, —jö̧ba̧lö.