Isaías 15:1 - Dios Iwene

¹ Baikwö laebobe Dios yöawi̧, Moab niji̧ baledakwa̧ma: —Isabenö bakwöta yö̧te Moab niji comunidad Ar mikwobe söbebö lotjakobe, bakobe wi̧i baibanö, jadanö isabenö bakwöta yö̧te Moab niji comunidad Kir mikwobe söbebö lotjakobe, wi̧i baibanö.

Isaías 15:1 Referans Kwoze

Isaías 11:14

Ja̧danö bakobe pjabatakwawö ja̧nö, Israel jojodöbi, Juda jojodöbi tjöpöjojodö jawo̧ meajobekwö ju̧kwadö filisteo jojodönö metjibakwedö, jadanö tjöpöjojodö jawo̧ laebobekwö ju̧kwadönö juluwajadö, bakobe tjiteaja̧ma 'döbebö tjemakwedö. Ja̧danö Edom niji jojodönöbi, Moab niji jojodönöbi tjujuluwakobe, tjömöayedö batjibakobetjö̧, ja̧danö Amonitas jojodöbi tjömöayedö ja̧nö, wetji̧ a̧ja̧kwö tjö̧jakwedö.

Isaías 25:10

—Isabenö Jo̧ Diosma isabenö iteda ömamu bi'o Jerusalen mösa'onö 'bieba̧lakobe ichejekwa, bi'otjö iteda ujulu i̧sȩbö ökwödönö pjaatakobetjö̧. Jadanö ökwödö israel jojodönö pjabatö, Moab niji jojodönö lȩebakobe. Wanedö yöta̧la, tjide'o wame me'je'ye kököa'ye tjö̧ja̧tidanö, Moab niji jojodönö ja̧tö loakobe.

Isaías 16:11

Ja̧danö ja baledakwa̧ omukwatö, chomajadenö jwiinö o̧'wo tjo̧acho̧sa jobadönö, ja̧danö lo̧awa jawa arpa o̧'wo tjo̧a̧chi̧ lo̧awa ökwöi̧danö, ötjö chubudekwi̧bi ökwöobedanö jo̧be, jwiinö cho̧'wo tjo̧achobe Kir-hareset jojodönö.

Isaías 16:7

Jo̧kwajabetjö̧, ju'wi möle okobe deinö Moabitas jojodöma tjubudekwobö ja̧kobe, Moabitas jojodönö baledaja̧ omukwatö, tjubudekwobö jakobe. Jau, jwiinö tjo̧'wo tjo̧bekwö tjubudekwakwedö, Kir-haresettjö uba köködakwawatjö dalö isa'o baibanö tjotidinama jwiakobetjö̧.

Isaías 14:28

Juda jojodötjö inesö la'aka luwo̧ Acaz mikwo̧ ö'wö baibina o̧bama, Diosma baikwö yöawakwawa weinobe:

Isaías 13:1

Baikwö laebobe Dios ötjö, Isaiasnö yöbawö i̧sȩbina jawa, Babilonia comunidad baledakwa̧ jawama:

2 Reyes 3:25

Comunidadtenia pjolö lotjinobe, ja̧danö batjo otiwayutenia ichibö, bakwo̧nökwena inawa tjikwinobe, batjosayutenia inawiyatjö muchekwayu ji̧benanö baibanö. Ja̧danö ojwese'dotenia tjutumatinobe, ja̧danö okobe jwiinö towibiya kwakwawa wa̧jowibiya jubö lotjinobe. Jwiinö suli̧ tjöwaedinobe Moab niji, la'aka comunidad Kir-haresetda ji̧benanö baibanö. Ja̧danö, ja̧ comunidadbi tjujuluwotö jö̧ba̧lö, tjötjösawinobe, ja̧danö inawa wökwebö ikwawa waisadöma, comunidad tjujuluwotö jö̧ba̧lö ikwö metjibinobe.

Deuteronomio 2:18

–Babe Moab niji kwöbaledaduwobö badekwachajabe. Jo̧kwajabetjö̧ tjitebo comunidad Ar pjeanö tebachö,

Deuteronomio 2:9

—Ja̧danö, Moab jojodö tjitebobe di̧'yenama, Isabenö Jo̧ma ötjönö weinobe, –Moab niji jojodökwöma jwöjwököbakwawaduwoko, ja̧danö jobadökwö kwölakwabikwawaduwoko, jobadö tjitebo nijitjö ja'yubebi ökwödönö chiyökakobetjö̧. Jau, ida̧ökö Ar niji Lotmine itji̧mu tupadanö jojodö Moabitas jojodönö chiyijatö, tjitebo baibanö, jo̧kwajabetjö̧ tjitebo nijitjö ja'yubebi ökwödö israel jojodönö chiyökö, –jö̧ba̧lö weinobe Diosma, —Moises yöawinobe.

Isaías 25:12

Ja̧danö tjitebo comunidadbiya 'diinö möakwö tjöbebö tjotidinajayonö, tjöekwemi söbebö loakwo̧ Diosma, tjöekwemi nijakwö ikwö loakwo̧, Moab comunidad tjöekwemi bakobe pjolachajibö nijiso̧pja jȩmi baibanö, jö̧ba̧lö Diosnö ösödö yöta̧la.

Deuteronomio 2:19

tupakwö amonitas jojodö tjitebo ö'öböbe kwi̧'yaduwo. Jo̧kwaijayonö, amonitas jojodö tjitebo ö'öböbe kwichibaduwena, jobadökwö jwöjwököbakwawaduwoko, ja̧danö tjödameakwinö ja̧köbaduwoko, jobadökwö kwölakwabikwawaduwapji jö̧ba̧lö. Jau, jobadökwö kwölakwabikwawaduwoko, tjitebo nijitjö ja'yubebi chiyökakobetjö̧, damötjö jobadö Lotmine itji̧mu tupadanö jojodönö ida̧ökö chiyinobetjö̧, –jö̧ba̧lö weinobe Diosma, —yö̧awinobe Moisesma.

Isaías 16:6

—Ökwödöma Moabitas jojodönö da̧ja̧kwajabe, –Moabitas jojodö tjedemi, ju'wedötjö bajalekwönönöbedösa jö̧ba̧lö omukwatadötö, –jö̧ba̧lö. Jau, Moabitas jojodöma tjomukwatobe, –Ökwödödasa mikwawadöma, ökwödö Moabitas jojodöma Ju'wedötjö bajalekwönönöbedösa, –jö̧ba̧lö, jadanö ju'wedönö öpöjödadö, –Mikwawöködö, –jö̧ba̧lö. Jo̧kwaijayonö jobekwö omukwatö yötja̧lijayonö, jweinöma omukwatöködö, ja̧danö Dios lȩebakwa̧wö̧ jobadönö.