Isaías 13:7 - Dios Iwene

⁷ Jobekwö badekwachenama, yebabinö okobe deinö tjö̧mamijuma 'waakobe, ja̧danö okobe deinö tjomajadenö jwiinö yetjaibakobe.

Isaías 13:7 Referans Kwoze

Isaías 19:1

Baikwö laebobe Dios Egipto jojodönö yöawinama: —A̧ja̧kwaduwitjö, ötjö Isabenö Jo̧ma, ojwiyo'wo juluwanö kweacha'wonö wa̧nö, Egipto nijibe chichibakwo̧sa. Jobekwö chichibiawö̧, okobe deinö Egipto jojodö tjösödawö̧ o̧'wo jawama, chöba a'otjö tjö̧bawö tjö̧jakwedö, ja̧danö okobe deinö Egipto jojodöma, tjomajadenö jwiinö yetjaibakwedö.

Isaías 51:20

Kwitji̧muduwima, 'dö̧bachajadö, comunidad mana ö'wejenö nijinö ba̧jadö, ja̧danö jobe ba̧nö, yama mayanö do̧tja̧tajökwedanö ichejekwadö, tjö̧jiboböma jwitjobetjö̧. Jau, jobadönö baledaja̧ma, baikwö labebö lobö yöta̧la, kwuluwo̧duwi Isabenö Jo̧ Diosma jwiinö ödameakwobe jobadönö, ja̧danö jobadönö lȩbebö, inesö ödameakwi̧ jobadönö lȩebajabe.

Isaías 37:27

Jo̧kwajabetjö̧, jobekwö omukwatö chujuninobetjö̧, ja̧ comunidad jojodöma kwöba a'otjö juluwöködö, kwöba a'otjö tjo̧'wo tjobekwö ja̧dö, taji ja̧dakwajö, jö̧ba̧lö. Jau, ötjöda omukwatö chujuninobetjö̧, batjo pokwi̧danö, ja̧danö isa'ye yayinö pjoawaja'yedanö juluwöködö, ja̧danö jwa̧le'epjo jawo̧ laebobekwötjö tubinö jwa̧le'ewena, o̧do mö pokwi̧ isa'ye juluwanö kököbachibö woi̧danö, juluwanö ö'wö babibadö kwöba a'otjö.

Éxodo 15:15

Ja̧danö Edom jojodötjö la'aka luwedöbi jwiinö yebabidö, kwujulu kwisȩbaja̧ yötjawi̧ a̧ja̧kwö. Ja̧danö, Moab jojodötjö la'aka luwedöbi jwiinö yetjabobetjö̧ tjö̧tja̧wobe. Ja̧danö, okobe deinö Canaán nijinö ju̧kwadöma jwiinö yetjabobetjö̧ me'dawadöda tjuju̧kwobe.

Josué 2:11

Ja̧danö, jejenö da̧ja̧kwobetjö̧, jwiinö yedaibijatö, dujulu ja'yubebi jwienanö baibanö. Jo̧kwajabetjö̧ yebabinö ja̧nö, babema ökwödökwö dölakwabikwawoböma jwibadösa, kwuluwo̧duwi Isabenö Jo̧ Diosma isabenö juluwo̧ jö̧ba̧lö döwaisobetjö̧. Jau, Kwuluwo̧duwi Isabenö Jo̧ Diosma, mölejȩtjöbi, bö̧jetjöbi okobe jwiinö juluwo̧, jo̧kwajabetjö̧ jwiinö yedabobe ökwödönö.