Isaías 13:2 - Dios Iwene

² —Mösa'o öwaetjöda öwawa'o wame banderasa̧do̧ kabebö kwujuno, edö Babilonia comunidad metjibakwa̧ tjöwaisakobetjö̧. Labinö jwöbeba̧li metjibakwedönö, ja̧danö kwömamu kabebö kwi̧sȩbo, Babilonia luwedö tjitebo comunidad apjude tebachö metjibakobetjö̧.

Isaías 13:2 Referans Kwoze

Isaías 5:26

Jau, iteda ömöledö israel jojodönö lȩebakobetjö̧, Isabenö Jo̧ma i̧sȩbö jwöakobe ju'wedö tjitebo jojodö ödö ju̧kwadönö, bö̧je bakwachö̧je ju̧kwadö ölakwabikwawa jojodönö su̧wiba̧lö jwöakobe, ja̧danö jwöajawö̧, juluwanö tjichakwedö.

Isaías 10:32

Babe möle Nob comunidadbe ichibö öjamatakobe, ja̧danö jobetjö Jerusalennö ja̧'o Sion mösa'onö ju̧kwadönö yebeabinö dameakwö 'dootö jö̧balö ömamu kaebakobe, —Isabenö ökwödönöbi chujuluwakwo̧sa, —jö̧ba̧lö.

Isaías 18:3

Okobe deinö ökwödö bö̧jȩnö ju̧kwadö, bö̧jȩ ba̧kwemeachibanö jojodöma, mösa'otjö banderasa̧do̧ kabebö tjö̧ni̧ kwedaduwakwedöja, ja̧danö trompeta pjutji̧ kwa̧ja̧kwaduwakwedöja, —Döpöjojodöma ichibö mebadötö, —jö̧balö.

Isaías 11:15

Ja̧danö Isabenö Jo̧ma jwiinö söbebö loakobe Egipto niji jwaibalawa bajalema, ja̧danö iteda ujulunö, jwa̧le'epjo inesö tubapjo weakobe, inesö jalödö Eufrates ojwema ja'yuwödöda baibakobetjö̧. Jobekwö weobetjö̧, inesö jalödöma ja'yuwödöbiya baibanö 'da̧achibakobe, da̧kwöködö jelemutjö dödölataja ojwebiya baibanö. Ja̧danö Diosma jojodönö öibakobe wene jwiinö kwebachöda jalödö ji̧nemi petjibakobetjö̧.

Isaías 11:12

Iteda itea bandera kaebakobe, tjitebotenia jojodö öwawinö tjedobö, ja̧danö israel jojodö, ajayinö tjitebotjö a'dewö loinawö̧nö o̧ko̧kodakobe, ja̧danö Juda jojodö tjipjelekwachinö ju̧kwadönöbi o̧ko̧ko̧dakobe, bö̧jȩ bajale ju̧kwadönöbi o̧ko̧kodakobe, a̧dekwanö tjitebobe tjetjachajakobetjö̧.

Isaías 19:16

Ja̧ möle Egipto jojodöma ya̧dö juluwöködödanö tjö̧jakwedö. Isabenö Jo̧ Okobe Jwiinö Juluwo̧ Diosma, ömamu kaebakwo̧, jobadönö kwaobö, ja̧danö jobekwö ömamu kabebö i̧sȩbiawö̧, jwiinö yebabinö tjötja̧wakwedö Egipto jojodöma.

Isaías 31:9

Jobadökwö chölakwabikwawenama, Asiria ölakwabikwawadö inesö juluwadöma jwiinö yebabinö tjö̧bawö tjö̧jakwedö, ja̧danö ölakwabikwawadö tjuluwedöma, banderasa̧do̧ jȩlö yebabinö dötjibakwedö, —jö̧ba̧lö yöawobe inesö ökwöla kwebato̧ Isabenö Jo̧ma. Jau, Isabenö Jo̧ ö̧ji̧ i̧sȩkwola ubemi comunidadma, Jerusalen comunidadda, ja̧danö Jerusalen mösa'o Sion mösa'otjö ubobe, Dios ö̧ji̧ i̧sekwolama.