Isaías 13:10 - Dios Iwene

¹⁰ Jau, isabenö jwiinö labikobe ja̧ mölema, sasokwena lö̧jadö si̧li̧'idöbi, okobe deinö ju'wedö si̧li̧'idöbi tjidejati̧ katjatibakwedö, ja̧danö möle jawo̧ laebenama, dejatökönö laebakwo̧, ja̧danö yöte jawo̧bi idejatökakwo̧.

Isaías 13:10 Referans Kwoze

Mateo 24:29

Ja̧danö juluwanö ja̧ möle usula tjemawaja̧ ikenama, Jawo̧ yȩatibakobe, ja̧danö yö̧te jawo̧ma idejatökakobe, ja̧danö si̧li̧'i̧döma mölejȩbetjö metjakobe, ja̧danö okobe deinö mölejȩnö la̧jadöma wainö batjibakobe.

Marcos 13:24

Jemi tupakwö yöbawijetö Jesúsma: —Ja̧ baledenama, inia tjötji̧ baledaja̧ okobema möle ja̧wo̧bi yȩakobe. Ja̧danö, yö̧te ja̧wo̧bi idejatökakobe.

Apocalipsis 8:12

Jemi ikena pjubo̧ pjuenama möle ja̧wo̧tjöbi, yö̧te ja̧wo̧tjöbi, ö'wedöda, si̧li̧'i̧dötjöbi ö'wedöda suli̧ tjöwaekwibobe chedijatö, juluwanöda dejatadö baibanö. Ja̧danö, möle ja̧wo̧ma, möle ja'ö baibenama yȩatibobe chedijatö, dejatökönö baibanö. Ja̧danö, yö̧te jawo̧bi, si̧li̧'i̧döbi, yö̧te ja'ö baibenama yȩtjatibobe chedijatö, tjidejatökönö.

Lucas 21:25

Tupakwö yöawinobe Jesúsma: —Ja̧danö jemi ikenama, mölejȩnö lö̧jadöma, jawo̧nöbi, yö̧te jawo̧nöbi, si̧li̧'i̧dönöbi baledakobe, wainö tjöbalewachobö baledakobe, ja̧danö jwaibalawama labinö ökwöakobe, ja̧danö balawa labinö loakobe.

Isaías 5:30

Tjichibakwa̧ mölema, isabenö labinö tjichakwedö, jwaibalawa labinö ökwöinö söbebö loi̧danö, labinö ökwöinö söbebö lobö tjichakwedö. Ja̧ möle jojodö israel niji tjedenama, yȩa'wo jo̧be, nöinö wene jo̧be tjedakwedö. Jau, ja̧ möle isabenö nöinö wene jo̧betjö̧, dewi̧bi dewokobedanö ichejekwakobe, jwiinö yȩa'wo ojwiyo o'wiju lo̧betjö̧.

Isaías 24:23

Ja̧ möle yö̧te jawo̧ idejati̧ma, salöökakobe, ja̧danö möle jawo̧ idejati̧ma, dejatökönö ötabakwobedanö jakobe. Jau, ja̧ möle Isabenö Jo̧ Okobe Jwiinö Juluwo̧ Diosma Jerusalennö ö̧jakwo̧, Sion mösa'otjö webö ö̧jakwo̧, jadanö iteda ömöledötjö la'aka luwedö tjöba a'o dewinö dejatinö ö̧jakwo̧, jawo̧ idejati̧ma, idejatokobedanö ichejekwinö.

Isaías 24:21

Ja̧ möle mölȩjebetjöbi, bö̧jȩtjöbi sulabenö ja̧badönö lȩebakobe Isabenö Jo̧ma. Mö̧lȩjȩbe ju̧kwadö angeledötjö sulabedönö lȩebakobe, jadanö bö̧jȩ la'aka luwedötjö sulabenö ja̧badönöbi lȩebakwo̧.

Hechos 2:20

Ja̧danö, möle ja̧wo̧ma idejatökönö yȩböda yȩakobe. Ja̧danö, yö̧te ja̧wo̧ma kwu̧kwinö duwinö baibakwo̧. Jejenö chi̧sebakobe jojodönöma, tjöwaisachibobö, tjuluwo̧ yemidanö ichakwa̧ma ida̧ökö lekwökena. Ja̧ mölema, tjuluwo̧ ichakwa̧ mölema, jwiinö otiwa möle, jwiinö mikwawi̧ möle.

Diosnö ösödo̧ Job mikwo̧ usula emawina jawa 9:7

Ju'wibi jawo̧nö, –Labebökönui, –jö̧ba̧lö weenama, labebö̧kö̧ jawo̧ma, ja̧danö ju'wibi ösödenama si̧li̧'idö tjidejatökönö tjöbeba̧lo̧ Diosma.

Isaías 47:5

Tupakwö wanedö yöawobe Diosma, Babilonia jojodönö: Ökwö Babilonia jojojosujuma, wi̧inö ba̧wi̧, jelobe ju̧kwawaji. Ajayinö ökwönö, —Tjitebotenia jojodötjö inesö la'aka luwuju, —jö̧ba̧lö ötjabinokoja, jo̧kwaijayonö bemi tupakwö jobekwöma ötjabökakwedö.

Isaías 50:3

Ja̧danö mölȩjȩ yȩamachibobö wetenama, juluwanö yȩa̧do̧, budekwadö 'dutjawa̧do̧ mölejȩ 'duawobedanö ichejekwa, isabenö juluwinasa̧, kwö̧jibaduwinö pjatatoböma, jö̧ba̧lö wanedö yöawobe Diosma.