Isaías 13:1 - Dios Iwene

¹ Baikwö laebobe Dios ötjö, Isaiasnö yöbawö i̧sȩbina jawa, Babilonia comunidad baledakwa̧ jawama:

Isaías 13:1 Referans Kwoze

Isaías 1:1

Baikwö laebobe Dios yöawi̧, Amos itji̧ Isaias mikwo̧nö i̧sȩbö yöawina jawa. Juda niji inesö la'aka luwedö Uzias mikwo̧bi, Jotan mikwo̧bi, Acaz mikwo̧bi, Ezequias mikwo̧bi bakwo̧nökwena webö tjö̧jonö, Diosma iteda yöawi̧ i̧sȩbö yöawinobe Isaiasnö, Jerusalen comunidad baledakwa̧ jawabi, ju'wi Juda niji baledakwa̧ jawabi. Jadanö ja̧ yöawinama baikwö laebobe:

Daniel 5:28

Ja̧danö Parsin jö̧ba̧löma, 'da̧'yö ujunajabe jö̧ba̧lö. Jejenö laebi̧ma, yöbawö weköbi̧ niji Diosma 'da̧'yö ujunajabe, ja̧danö ja'ö medo tjitebo jojodö wetjakobe, ja̧danö ja'ö perso jojodö wetjakobe, jö̧ba̧lö yöawinobe Danielma Belsasarnö.

Daniel 5:6

Jejenö edö, yeaibinobe yelösöda, ja̧danö yeaibobetjö öbama deöja baibinobe, ja̧danö u̧yu̧kijuma tjö̧awinobe, ime'dawachibanö.

Isaías 15:1

Baikwö laebobe Dios yöawi̧, Moab niji̧ baledakwa̧ma: —Isabenö bakwöta yö̧te Moab niji comunidad Ar mikwobe söbebö lotjakobe, bakobe wi̧i baibanö, jadanö isabenö bakwöta yö̧te Moab niji comunidad Kir mikwobe söbebö lotjakobe, wi̧i baibanö.

Isaías 14:28

Juda jojodötjö inesö la'aka luwo̧ Acaz mikwo̧ ö'wö baibina o̧bama, Diosma baikwö yöawakwawa weinobe:

Isaías 13:19

Ja̧danö, jobekwö söbebö lotjobetjö̧, Sodoma comunidaddanö, ja̧danö Gomorra comunidaddanö baibakobe Babilonia comunidadma. Jau, Babilonia comunidadma, ju'wi tjitebotenia comunidadtjö inesö otiwi̧ comunidad ji̧najayonö, Dios Sodomabi, Gomorrabi söbebö loinadanö baibakobe Babilonia comunidadma.

Isaías 43:14

Baikwö yöa̧lobe Isabenö Jo̧ kwöjibaduwinö pjabato̧, ökwödö israel jojodö kwösödaduwökwe Suli̧ Jwibo̧ Diosma: Ökwödö Israel jojodönö pjabatö, ölakwabikwawadönö wetocha, Babilonia comunidad mebibö tjujuluwobö. Ja̧danö Babilonia jojodöma isowibiyanö dötjibajakwedö. Ajayinö tjisowibiya nöinö ösödinadö, —Inesö otiwowi juna̧ladösa, —jö̧ba̧lö, ja̧danö ja̧ owibiyanöda tjöpöjojodö tjöba a'otjö dötjibakwedö.

Isaías 22:25

Jau chömöledö, baledakwa̧ yöawajabe Isabenö Jo̧ Okobe Jwiinö Juluwo̧ Diosma: —Ja̧ baledakwa̧ möle, baikwö wanedö yötawa: puasö'i 'diinö bȩtjinö'ima 'deawakobe. puasö'i 'witjebakobe, jadanö puasö'ibi okobe jwiinö jö'inö tjö̧naja̧ jawabi nijakwö meakobe, —jö̧ba̧lö yöawobe. Jobekwö yöawajabe Isabenö Jo̧ma, jadanö isabenö jobekwö yöawaja̧danö baledakobe.

Isaías 22:1

Baikwö laebobe Dios yöawi̧, Jerusalen comunidad, tji̧'wi̧didanö baledakwa̧ edawemi wabeko jö̧ba̧lö ötjabemi baledakwa̧ jawa: —Ökwödö Jerusalennö ju̧kwadö, tajawedö okobe deinö kwejuduwi mö kwönöchaduwaja̧daja?

Isaías 21:13

Baikwö laebobe Dios yöawi̧, Arabia niji jojodönö: —Ökwödö Arabia niji comunidad Dedantjö döbibajadöma, Arabia niji tebo okwa kwabekwaduwakwedöja, —jö̧ba̧lö.

Isaías 19:1

Baikwö laebobe Dios Egipto jojodönö yöawinama: —A̧ja̧kwaduwitjö, ötjö Isabenö Jo̧ma, ojwiyo'wo juluwanö kweacha'wonö wa̧nö, Egipto nijibe chichibakwo̧sa. Jobekwö chichibiawö̧, okobe deinö Egipto jojodö tjösödawö̧ o̧'wo jawama, chöba a'otjö tjö̧bawö tjö̧jakwedö, ja̧danö okobe deinö Egipto jojodöma, tjomajadenö jwiinö yetjaibakwedö.

Isaías 17:1

Baikwö laebobe Dios ötjönö yöawina, Siria niji comunidad Damasco baledakwa̧ jawama: —Baikwö yötawa: Damasco comunidadma ja'yubenö lekwajabetjö söbebö lotjakwemi, comunidad jwiemi, pjolö loawemida baibakobe.

Mateo 1:11

Josíasma Jeconías mikwo̧bi, Jeconías ö̧ja̧wo̧döbi tjabe'doinobe. Jobadö tjö̧jinenama, Babilonia jojodöma Israel jojodönö kwakwabö tjujuluwinobe, ja̧danö tjujuluwajawö̧nö Israel nijitjö latjebinobe, ja̧danö Babilonia nijibe öbibö tjȩwa̧jinobe.

Apocalipsis 14:8

Ikenama jelo̧ ángel, ajayinö icho̧ ökömanö icho̧ma labinö jwöeba̧lobe cha̧ja̧kwijatö, Babilonia comunidadnö lȩebakwa̧ yöbawö: —Babilonia comunidad, inesö la'akasemi comunidadma, yelösöda, okobe jwiinö o̧di̧jubi pjolachakwawinö baibakobe. Yelösöda jobema, Dios lȩebi̧ baibanö söbebö loemi baibakobe. Ja̧danö, Babilonia comunidadma sulabenö baibinemi, jemima jojodö ba̧jekwadö sulabenö ja̧tjobetjö̧ tji̧lȩkwa̧muböködökwö ja̧nö. Ja̧danö, jobadöma, Babilonianö ju̧kwadöma ju'wedönö sulabenö ja̧tjobö, jelobekwö öbibö ja̧biatjinobe. Ja̧danö, böjȩ jojodöma jelobebi jelobe ju̧kwadöma, Babilonianö ju̧kwadö sulabenö ja̧tji̧ ösödö, jobadöbi sulabenö omukwatö ju̧kwiatjinobe. Jo̧kwaobetjö̧ Diosma lȩebakobe Babilonia comunidadma, jobe ju̧kwadöma jojodönö sulabenö jelobekwö öbibö ja̧tjobetjö̧— jejenö ángel jwöeba̧lobe cha̧ja̧kwijatö, Babilonia comunidad lȩebakwa̧ yöbawö.

2 Reyes 9:25

Ö'wö baibiökwe, iteda ömöayo̧nö Bidcarnö weinobe Jehuma, —Iteakatjö meatö, Jezreel jojo Nabotminö öbatjoinatjonö ikwö lobinö. Jau, Bidcar, kwomukwatibo damötjö dedina jawa, ökwöbi, ötjöbi bakobe Joram abe'do Acab ökömanö kwedachenama. Ja̧ möle, Isabenö Jo̧ Diosma jo̧banö baledakwa̧ yöawinobe, baikwö:

Isaías 20:2

Ja̧ möle jenanö, Isabenö Jo̧ma ötjö Amoz itji̧ Isaiasnö weinobe baikwö: —Isaias, kwö̧kamijido̧ epju̧yunö kalukaado̧ 'dukawado̧ 'yobekwi, ja̧danö sapatubi 'yobekwi, —jö̧ba̧lö. Wei̧tjö̧, chökamisibi jwibö, sapatubi jwibö, o̧ba wapöbakwa baledibanö kwebachö chö̧jijatö. Jemi ikenama, Isabenö Jo̧ma baledaja̧ wanekwachi̧ labebö lobö yöawinobe, baikwö: —Chömöayo̧ Isaiasma o̧ba wapöbakwa baledibanö kamisi jwibö, sapatu jwibö kwebachö ö̧jajabe, Egipto jojodönöbi, Etiopia jojodönöbi baledakwa̧ i̧sȩkwakobetjö̧.