Isaías 1:24 - Dios Iwene

²⁴ Ja̧danö, ökwödö Jerusalennö ju̧kwadöbi, kwuluwedöduwibi jobekwö sulabenö ja̧köbaduwiökwe, isabenö lȩebakwo̧ Diosma. Baikwö yöawobe inesö la'aka luwo̧, Okobe Jwiinö Juluwo̧ Isabenö Jo̧, Israel jojodö tjösödökwe juluwo̧ Diosma: —Ökwödö Jerusalennö ju̧kwadötjö chöpöjojodö ötjökwö ölakwabikwawadönö lȩtebobö chisakwocha, ja̧danö sulabenö ja̧badö chöpöjojodönö balekwa mikwa suli̧ chöwaedocha.

Isaías 1:24 Referans Kwoze

Isaías 60:16

Jau, tjitebotenia jojodö tjiteabi, inesö la'aka luwedö tjiteabi, ökwödö israel jojodöda otiwanö kwujuna̧laduwakwedöja. Ja̧danö jobekwö balediawö̧, otiwanö kwöwaisachibaduwakedöja, Ötjö Isabenö Jo̧ Diosda kwö̧jibaduwinö pjabato̧ma, jö̧ba̧lö. Jau chömöledö, —Jacob ösödinökwe Inesö Juluwo̧ Diosda dö̧jibinö pjabato̧ma, —jö̧ba̧lö kwöwaisaduwakwedöja.

Isaías 61:2

Jau, Isabenö Jo̧ jojodönö ösödö pjaatakwa̧ o̧ba badekwachaja̧ yötawobö weinobe, ja̧danö duluwo̧ Dios dameakwö lȩebakwa̧ möle badekwachaja̧ yötawobö, ja̧danö okobe deinö budekwadönö tjo̧'wo ösöwachibanö pjatatobö weinobe.

Isaías 49:26

Jau chömöledö, baikwö wanedö yötawa kwöpöjojodöduwinö chölakwabikwawakwa̧ma: Kwöpöjojodönö idöda tjiteba'o tjukwobö chiyakwo̧sa, ja̧danö ubasobu tjowi̧danö, idöda tjökwösobu owö 'dukwachawö̧ batjibobö chiyakwo̧sa, jö̧ba̧lö. Jau chömöledö, otiwanö ökwödönö pjabatö chölakwabikwawakwo̧sa, ja̧danö okobe deinö bö̧jȩnö ju̧kwadöma edö tjöwaisachibakwedö ötjönö, —Isabenö Jo̧ Diosda, Jacob ömöledö tjösödökwe juluwo̧ma, Diosda israel jojodönö tjö̧ji̧binö pjabato̧ma, jo̧bada tjöbeba̧lö pjabato̧ma, —jö̧ba̧lö edö tjöwaisachibakwedö, jö̧ba̧lö yöawobe Diosma.

Isaías 35:4

Tjomajadenö yebabinö ju̧kwadönö yökawaduwo, —Kwujuluwaduwachibanö, yebabökönö kwö̧jaduwo, chömöledö. Jau chömöledö, kwösödaduwökwe Diosma isabenö pjabatö ichakwo̧, öpöjojodö sulabenö ja̧tjiökwe, balekwa mikwa dameakwö ichakwo̧, lȩebobö. Jau chömöledö, kwöpöjojodöduwitjö kwö̧jibaduwanö, otiwanö ichakwo̧ Diosma, kwujuluwachibaduwo, —jö̧ba̧lö ökwödötjö tjomajadenö yebabinö ju̧kwadönö tjujuluwachibanö yökawaduwo.

Apocalipsis 18:8

Jo̧kwaobetjö̧, jobadönö yelösöda lȩbebo̧sa, Ba̧kwȩlö̧jatebö, Otiwadösa, jö̧ba̧lö omukwatinadönöma. Ja̧danö, inia tjötjinö te'ada̧lökönö baledakobe jobadönöma. Yelösöda lȩbebo̧sa tjubudekwabinö. Ja̧danö a̧wi̧chi̧ tjötjinöbi baledakwedö. Yelösöda jobadönöma juwö lotjakwawö̧. Ötjö, Kwuluwo̧duwi Diosma juluwo̧chobetjö̧ jwiinö inia tjötjinö baledakobe jobadönöma. Ötjö, Kwuluwo̧duwi Dios jobadönö lȩbebö yöbawo̧ma.

Hebreos 10:13

Jobe ba̧nö Cristoma ite'ada̧lobe isabenö ichakwa̧ möle, öpöjojodönö Dios ujuluwi̧ möle ichakwa̧ma. Ja̧ möle ichena Diosma Cristo öpöjojodönö ujuluwakobe, tjujulu jwibadöda batjibakwedö, Cristo ömasapiyanö ja̧tö loi̧danö.

Isaías 30:29

Jobekwö kwöpöjojodöduwinö ujuluwiawö̧, kwo̧'woduwi ösöwanö lo̧köbaduwakwedöja, yö̧te ba'ali kwujunaduwena kwo̧'wo ösöwanö lo̧köbaduwidanö. Ja̧danö flauta jawa pjutji̧ a̧ja̧kwö, tjo̧'wo ösöwachibanö Israel jojodö tjösödökwe Inawadanöbo̧ Isabenö Jo̧ Dios itea mösa'obe tjo'wo ösöwachibanö lo̧bö tji̧'yidanö, kwo̧'woduwi ösöwachibanö lo̧köbaduwakwedöja.

Deuteronomio 32:43

Isabenö okobe deinö tjo̧'wo ösöwanö Diosnö tjösödobö jo̧be, Dios ömöledö israel jojodöbi, ju'wedö tjitebokwena jojodöbi, isabenö iteda ömöledönö pjabato̧obetjö̧. Jau, iteda ömöayedönö kwabö lobadönöma balekwa mikwa kwabö lobo̧ Diosma, sulabenö ja̧tji̧ökwe lȩbebo̧ öpöjojodönöma. Jo̧banö öpöjojodö sulabenö tjöpöjödiökwe, balekwa mikwa lȩbebo̧, ja̧danö iteda ömöledö tjitebo niji dichö lobo̧, tjitebo niji otiwemi suli̧ jwiemi baibanö, —jö̧ba̧lö lo̧awa yöawinobe Moisesma, israel jojodönö.

Isaías 63:4

Jau, tjitebotenia jojodö chömöledö israel jojodönö sulabenö ja̧tji̧ omukwatö, balekwa mikwa lȩtebobö jö̧ta̧lijatö, ja̧danö chömöledö tjö̧jibinö pjatatakwa̧ o̧ba ida̧ökö badekwachajabe.

Génesis 49:24

Jo̧kwaijayonö Diosma jobadönö pjaatakwo̧, chuluwo̧ Diosma, Jwiinö Juluwo̧ Diosma. Ja̧danö, jo̧ba Diosma jwiinö te'ada̧lo̧, jwiinö pjabato̧. Jo̧bada ökwötjö tupadanö jojodönö pjaatobetjö̧ tju̧kwa 'böpöma tjö̧bawökönö, ja̧danö tjöjabiyabi tjö̧bawökönö labinö sedatö 'bötjakwedö tjöpöjojodönöma.

Isaías 12:6

Ökwödö Jerusalennö ju̧kwadöma labinö jwöbeba̧lö yökawaduwo, ja̧danö kwo̧'woduwi ösöwachibanö lo̧köbaduwo, ökwödö kwö̧'da̧deduwi jo̧, Inesö Suli̧ Jwibo̧ Israel jojodö tjösödökwema isabenö juluwo̧obetjö̧, —jö̧ba̧lö yöka̧laduwakwedöja.

Isaías 59:18

Isabenö jweinö lȩebakwo̧ Diosma, jo̧ba öpöjojodö sulabenö ja̧badönö. Sulabenö ja̧tja̧ja̧ badekwachinö, balekwa mikwa jweinö lȩebakwo̧. Dameakwö lȩebakwo̧ öpöjojodönö, sulabenö ja̧tjiökwe balekwa mikwa lȩebakwo̧, bö̧jȩ bakwachö̧jȩ ju̧kwadö öpöjojodönöbi jweinö lȩebakwo̧.