Isaías 1:14 - Dios Iwene

¹⁴ —Jau, jwiinö chöpöjödobe chöba a'o ba'ali kwujunaduwi̧bi, ju'wi ko̧ko̧kwö kwö̧jaduwi̧bi, ida̧ökö yelösöda ömökinö baibajabe ichejekwa, jwiinö chöpöjödinö baibajabe.

Isaías 1:14 Referans Kwoze

Isaías 43:24

Jau chömöledö israel jojodö, omewi̧ jawa isa'ye ötjönö kwiyaduwoböma emöködöja, ja̧danö bakobe ötjökwö ösökwö ja̧kwawa iyawedö tjo̧tema, chomeawachibanö iyöködöja, ju'wida sulabenö ja̧badöja. Ötjönö ömöki̧ jawa baibanö, jwaikwöda sulabenö ja̧bö kwö̧jaduwajabe, jwaikwöda suli̧ jawa ja̧bö, chime'dawachibenanö baibanö ja̧badöja.

Isaías 61:8

Baikwö laebobe Isabenö Jo̧ yöa̧li̧ma chömöledö: Ötjö Isabenö Jo̧ma, jweinö lȩekwa jawa ösödo̧sa. Ötjöma naukwakwawabi, ju'wi sulabenö ja̧awabi öpöjödo̧sa. Jo̧kwajabetjö̧ ju'wedö tjitebokwena jojodö jobadönö sulabenö ja̧tjina omukwatö, jweinö lȩekwa wetakwo̧sa, balekwa mikwa otiwanö chömöledö israel jojodönö tjiyobö wetakwo̧sa. Ja̧danö ötjöma chömöledö israel jojodökwö ba̧kwelöjatebö pjatatakwa̧ wene yöbawö chujunocha.

Isaías 7:13

Atadiökwe, Isaiasma yöa̧linobe: —Jobekwö akebobö kwöpöjödobetjö̧, baikwö yötawaduwakwö ökwödö David itji̧mu tupadanö jojodönö, ja̧danö isabenö yötawakwa̧ otiwanö kwa̧jakwaduwobö jo̧be: Ökwödöma ida̧ökö sulabenö israel jojodönö tjime'dawachibanö jabadöja, tjo̧'wo 'dibachiböködö batjibanö. Ja̧danö, chuluwo̧ Dios o̧'wo 'dibachibö, lekwe ökwödönö iteada̧lijayonö, babe chuluwo̧ Dios ime'dawachibanö, o̧'wo 'dibachibö̧kö̧ baibanö ja̧köbobö sulabenö ja̧bo̧ja.

Isaías 29:1

Baikwö laebobe Dios yöawi̧, Jerusalen comunidad jawama: Ayö, Davidmine tjösawö ujuluwinemi comunidad Jerusalen jojodöwe. Isabenö usula kwemawaduwakwedöja ökwödö Jerusalen jojodöma, ökwödö ba̧kwelöjatebö o̧ba bakwabakwena ba'ali junadöma.

1 Crónicas 23:31

Ja̧danö otikwökö mölekwenabi, yö̧te jawo̧ yabayo̧ jawa ba'ali mölebi, ju'wi ba'ali mölebi jwiinö ubinö iyawa Isabenö Jo̧nö ösödö tjiyenama, jobadö Levisaso jojodö pjatjatobö ji̧nobe. Ba̧kwelöjatebö ajayinö omudawö tjujuninadanö, Levisaso jojodötjö ju'wedöma Isabenö Jo̧ öba a'o ötidö tjö̧jobö ji̧nobe, jobadönö weawa laebi̧danö.

Isaías 29:2

Baikwö yötawaduwakwö ökwödönö baledakwa̧ma: Yadakwö isabenö Jerusalennö ju̧kwadönö usula tjemawobö lȩtebakwo̧sa, jobe ju̧kwadö jwiinö o̧'wo tjo̧achö tjubudekwabenanö baibanö. Jwiinö lȩtebakwo̧sa Jerusalen comunidadma, Diosnö juwö iyawemi ichejekwenanö baibanö.

Isaías 66:23

Ba̧kwelöjatebö ötjönö ösödö tjichakwedö, jawo̧ 'yabayo̧kwena, ja̧danö otikwökö mölekwena, tjitebotenia jojodöma okobe deinö chöba a'o ichibö tjösödakwedö. Ja̧danö, chö̧jelö labebö, Jerusalen comunidadtjö latejebenama, ötjö weti̧ tja̧ja̧kwobö öpöjödinadö tjiteba'iju tjedakwedö. Jobe ba̧nö, tjiteba'iju kwadö sa̧döma, wobökönö ba̧kwelöjatebö tjukwobe tjedakwedö, ja̧danö tjiteba'iju ubola ökwölama, la'akatjöda tiibökakwola ubobe tjedakwedö, —Ayö, inesö labi̧ Dios wei̧ a̧ja̧kwökönö ja̧kwawama, —jö̧ba̧lö, laebobe Isabenö Jo̧ yöawi̧ma.