Hechos 9:41 - Dios Iwene

⁴¹ Ikenama Pedroma jömamunö do̧batö a̧lapedijetö jobujunöma. Ikenama jwöbijetö tji̧lȩkwa̧munö wobekwinadönö, ja̧danö, okobe deinö Jesúsnö ösödadönöbi yemidanö tetjachobö. Tetjachajadönö i̧sebijetö 'yabibajunö.

Hechos 9:41 Referans Kwoze

Hechos 6:1

Ja̧ mölema, Jesúsnö ösödadöma ba̧jekwijadötö. Jobadötjö judío jojodötjöma griego tjiwene yöba̧ladöbi, hebreo tjiwene yöba̧ladöbi ju̧kwijadötö. Jobadötjö ya̧dö, tji̧lȩkwa̧munö wobekwinadöbi ju̧kwijadötö. Jobadönö bakwöta mölekwena 'da̧batö iyabijadötö tju̧kwama. Griego tjiwene yöba̧ladöma ja̧ tjiyobe edö labijadötö, Ökwödötjö tji̧lȩkwa̧munö wobekinadönöma otiwanö tjiyokobe, jö̧ba̧lö. Ja̧danö, jobadöma jö̧ba̧lijadötö hebreo tjiwene yöba̧ladönö: —Ökwödötjö tji̧lȩkwa̧munö wobekwinadönöma ju'wedönö otiwanö tjiyi̧danöma tjiyokobe, tju̧kwa kwakwawama— jö̧ba̧lijadötö.

Marcos 1:31

Yötjawökwe Jesúsma jobuju jö̧bobekwö 'ya̧wibö jömamunö do̧batö a̧lapedijetö jobujunöma. Jömamunö do̧batö a̧lapedemi nia'oma jö'wöchaja̧ma omönanö böjachibijetö. Böjachibajokoma kwakwawa otidijotö. Otidajaju tebachajadönö iyijotö tjukwobö.

Hechos 20:12

Jobe ju̧kwadöbi tjejukwena tjȩwa̧jijatö. Jobadötjö ju'wedöma 'yabibajo̧nö tje'ewijatö ejubema. Jobadöma tjo̧'wo̧ ösöwanö tjö̧jijatö, Bitema ö'wö babibajo̧ 'yaibajabe, jö̧ba̧lö.

Hechos 3:7

Jejenö jö̧ba̧lö Pedroma jo̧ba ömamunö, öwaisamunö do̧batö a̧lapedijetö. A̧lapedökwe omönanö ömasapiyabi, ömasapa junekwemibi otiwanö baibijetö.

Lucas 7:15

Weökwe, wobajo̧ma a̧laibö yöa̧linobe, ja̧danö Jesúsma jo̧banö tjeatinobe ojo'dokwö.

Lucas 7:12

Ja̧danö, Naín comunidad apjude yöne tjichibena, bakwo̧ wobajo̧nö tjo̧tjo jö̧ba̧lö comunidadtjö labebö tje'ewobe edinobe Jesúsma. Jo̧ba wobajo̧ma, bakwuju jilekwe woinioko jitji̧ jo̧dawo̧inobe. Ojo'dokwö ba̧jekwadö jojodöma wobajo̧nö tjo̧tjobö tji̧'yinobe.

Diosnö ösödo̧ Job mikwo̧ usula emawina jawa 29:13

Jejenö otiwanö pjatatiawö̧, ö'wö batjibo jö̧ba̧ladöma otiwanö yötja̧linobe ötjönö, –Otiwanö pjabato̧ Jobma, –jö̧ba̧lö, ja̧danö otiwanö pjatatiawö̧, tjilekwamu wobekwinadö ya̧döma, tjo̧'wo ösöwachibanö lo̧tjinobe.

1 Reyes 17:23

Ikenama Eliasma tjemunö öbibö mösȩko̧tjö yutuajinobe, nijibesȩkobe, jadanö ojo'donö iyö yöa̧linobe, —Edi jojosuju, 'yaba̧lo̧ kwitji̧ma, —jö̧balö.

Génesis 45:26

Ichibajadö tjabe'donö yöbawijadötö: —Dabe'do, kwitji̧ Joséma ina 'yaba̧lo̧. Isabenö okobe jwiinö Egiptonö ju̧kwadö tjuluwo̧ baibanö ö̧jobe— yöbawijadötö. Jejenö yötjawijayonö tjabe'doma wi̧ ja̧nö ja̧nö eda̧lijetö. Omajadenö omukwatijetö, Omöna yötja̧lena, jö̧ba̧lö.

Hechos 9:13

Jejenö jö̧a̧liökwe Ananíasma jö̧ba̧lijetö: —Chuluwo̧ ba̧jekwadö yötjawobe cha̧ja̧kwijatö, jo̧ba Saulo ja̧inama. Jo̧bama yelösöda sulabenö ja̧inobe Jerusalénnö ju̧kwadö ökwö kwömöledö babibinadönöma— jö̧ba̧lijetö—.

Hechos 9:32

Ja̧danö, Pedroma jelobebi jelobebi 'ya̧nö Jesúsnö ösödadönö tebachö edijetö. Techawiabö comunidakwena Lida comunidadnö ichibö

1 Timoteo 5:3

Ya̧dö tji̧lȩkwa̧mu wobekwinadönöma otiwanö omukwatö te'ada̧lö kwö̧jo, isabenö tjömöledö debadönöma.

1 Timoteo 5:5

Jesúsnö ösöduju jilekwenö wobekwinuju jömöledö debujuma, jömöledönö jo̧'wo̧ jöwana̧loböma jwibuju. Ja̧danö, Diosnöda jo̧'wo̧ wana̧luju, jo̧bada ite'ada̧lobö, ja̧danö kabatökönö Diosnö abebuju, kabatökönö Dios pjaatobö abebuju jobujuma, yö̧tebi, mölebi. Jobujujayedönö Dios ömöledö tjite'ada̧lobö jo̧be.

2 Reyes 6:7

Ja̧danö, lamatiökwe, —Emi, —jö̧ba̧lö weinobe Eliseoma. Ja̧danö, lamatajö̧'a̧ do̧a̧tinobe.