Hechos 9:35 - Dios Iwene

³⁵ Ja̧danö, okobe deinö Lidanö ju̧kwadöbi Sarónnö ju̧kwadöbi jo̧banö baledaja̧ edö Duluwo̧ Jesúsnö ösödijadötö, Jesúsma dö̧jibinö pjabato̧, jö̧ba̧lö.

Hechos 9:35 Referans Kwoze

Hechos 11:21

Ja̧danö, Duluwo̧ Jesús ujulunö yötjawiawö̧ judío jojodöböködöma a̧ja̧kwö ba̧jekwadö sulabenö tjomukwati̧ma kabatibö balewachö, Jesúsma dö̧jibinö pjabato̧, jö̧ba̧lö, Jesúsnö ösödijadötö.

Hechos 9:42

Ja̧danö, ja̧ baledi̧ma okobe deinö Jopenö ju̧kwadöma a̧ja̧kwijadötö. Jejenö a̧ja̧kwö ba̧jekwadö Duluwo̧ Jesúsnö ösödijadötö, Jesúsma dö̧jibinö pjabato̧, jö̧ba̧lö.

1 Crónicas 5:16

Gadsaso jojodö tjitebo nijima, Galaad niji comunidadtenianöbi, Basan niji comunidadtenianöbi tjö̧jinobe, ja̧danö ju'wibi Saron niji meje'ye ba̧kwemeachibanö tjajwi̧munö ajikwö tjö̧jinobe.

Isaías 35:2

Otiwanö nöinö o̧bubiya bo̧akobe, ba'ali junö lo̧obedanö ichejekwinö. Jojodö deajemi kököajemima, Libanö niji otiwi̧danö otiwakobe, Carmelo ötjabobebi, Saron ötjabobebi otiwanö pokwö wa̧ji̧danö otiwanö pokwakobe, ajayinö jojodö deobe kököinemima. Jobetjö Isabenö Jo̧ inesö ujuluwi̧ öwawakobe, jobetjöda öwawinö tjedakwedö, —Dösödökwe Diosma inesö dejatinö otiwo̧, —jö̧ba̧lö.

2 Corintios 3:16

ja̧danö sule Duluwo̧nö tjösöditjö̧da, tjöekwado̧ kalekwö loawa jo̧be.

1 Crónicas 27:29

Saron ba̧ba̧lawemi jojo Sitrai mikwo̧ma, David ajwimu pakayadö Saron nijinö ju̧kwadönö teada̧lakwawa luwo̧ ö̧jinobe. Adlai itji̧ Safat mikwo̧ma, David ajwimu pakayadö wabekijunö ju̧kwadönö teada̧lakwawa luwo̧ ö̧jinobe.

Hechos 19:20

Jemi tupakwö jobema ba̧jekwadö yöbawiabijadötö Duluwo̧ iwenema. Ja̧danö, ba̧jekwadöma a̧ja̧kwö ösödijadötö Duluwo̧ iwenema.

Hechos 19:10

Ja̧danö, jobetjöma döbalataja o̧biya jenanö yöbawijetö. Jejenö lekwe yöawobetjö̧ okobe deinö Asianö ju̧kwadöma, judío jojodöbi, judío jojodöböködöbi a̧ja̧kwijadötö Duluwo̧ iwenema.

Hechos 15:19

jö̧ba̧lö laebobe Dios iwenetjö, Dios yöawi̧ yöbawina iwȩyudinama— jö̧ba̧lijetö Jacoboma. Ina jö̧ba̧lijetö: —Jo̧kwaobetjö̧ judío jojodöböködö, Jesúsnö ösödadönö, Moisés weina okobe jwiinö ja̧tjoböma wedoko chömöledö.

Hechos 6:7

Ja̧danö, Jesúsnö ösödadöma kabatökönö yöbawiabijadötö Dios iwenema. Jerusalénnö ju̧kwadöma kabatökönö ju'wedö ju'wedöbi Jesúsnö ösödijadötö, Jesúsma dö̧jibinö pjabato̧, jö̧ba̧lö. Ja̧danö, Jesúsnö ösödadö baibanö, ba̧jekwadö babibijadötö. Ba̧jekwadö Diostjö jojodötjö ö'weje pjabatadöbi Jesúsnö ösödadö Dios iwene yötjawobe a̧ja̧kwö do̧batö emijadötö Jesúsnöma.

Hechos 4:4

Ja̧danö, jobadönö ka̧lena ba̧kwaweju okwa tjödobö tje'ewaja̧ okobema, ba̧jekwadö Pedro, Juan yötjawaja̧ a̧ja̧kwajadöma Jesúsnö ösödijadötö, Jesúsma dö̧jibinö pjabato̧, jö̧ba̧lö. Ja̧danö, jobadökwö Jesúsnö ösödadöma, ömadöma, cinco mil jenanö babibijadötö.

Isaías 66:8

Jobekwö baledi̧ma, dakwö baledobejö? Bakwo̧bi jobekwö juluwanö tjemobema edinaji̧? Edajiböködö jobekwöma, jö̧tö? Ja̧danö, bakwöta möleda, tjitebosaso ba̧jȩkwaso juluwanö batjibenaji̧? Juluwanö babiböködö, lekwe o̧biya ba̧jȩkwachibajadö, ba̧jȩkwaso babibadö, jö̧tö? Jo̧kwaijayonö, Jerusalen jitji̧munö jemenama juluwanöda jemakobe, ina niakwa̧ abönö jemakobe.

Isaías 65:10

Jobekwö chiyakwo̧sa, ötjönö isakwadönö, ja̧danö chiyajawö̧, Saron ba̧ba̧lawemima yemidanö tja̧jwi̧mu obejadötjö su̧'bȩ baibakobe, ja̧danö Acor wabekoma, tjajwimu pakayadö tjabakwemi ja̧kobe.

Isaías 33:9

Ditebo nijima kököbachibö, suli̧ waekwobe, Libano niji towibiyabi, kököbachibö suli̧ waekwobe. Jwaibalawa ö'öbö niji̧ Saron ötjabemi nijima, kököobe jojodö deobe baibobe, ja̧danö Basan nijibi, Carmelo nijibi jwiinö kököachibobe.

Isaías 31:6

Chömöledö israel jojodö, baikwö yöta̧laduwakwö, ökwödöma sulabenö Dios wei̧ kabatibinadöja, jo̧kwajabetjö̧ sulabenö kwomukwataduwi̧ kabatibö, tjebachajö kakatibinaduwökwe Diosnö kwösödaduwo.

Deuteronomio 4:30

Jau chömöledö, okobe jwiinö yötawaja̧ jawa baledenama, jwiinö kwo̧'wo tjo̧bekwö usula emawö kwö̧jaduwakwedöja, ja̧danö kwo̧'wo tjo̧bekwö ja̧nö, tjebachajö kwuluwo̧duwi Isabenö Jo̧ Diosnö kwösödaduwakwedöja, ja̧danö wei̧ kwa̧ja̧kwaduwakwedöja.

1 Crónicas 8:12

Ja̧danö Elpaal itji̧muma bidö: Heber mikwo̧bi, Misam mikwo̧bi, Beria mikwo̧bi, Sema mikwo̧bi, Semed mikwo̧bi. Elpaal itji̧ Semedma Ono comunidadbi Lod comunidadbi ö'öbö pjei̧ comunidadbiyabi ajayinö otidina. Jobadö Elpaal itji̧muma, tjömöledösaso Ajalon comunidadnö ju̧kwadötjö luwedö tjö̧jinobe, ja̧danö jobadöda a'dewö lotjinobe Gat comunidad jojodönö.

Hechos 2:47

Kabatökönö, Diosma otiwanö jo̧, jö̧ba̧lö, ju̧kwiabijadötö. Ju'wedö jobe ju̧kwadöma tjo̧'wo̧ ösödinö edijadötö jobadönöma. Ju'wi möle jwiinö Duluwo̧ma ju'wedönöbi, ju'wedönö tjö̧jibinö pjaatawö̧ batjibanö pjabatijetö.

Hechos 9:34

Ja̧danö, Pedroma Eneasnö edö jö̧ba̧lijetö: —Eneas, Jesucristo ökwönö otiwanö bakibanö ja̧ajabe. A̧laibö kamapjo do̧lati— jö̧ba̧lijetö. Jejenö jö̧a̧lemi Eneasma omönanö otiwanö baibajökwema a̧laibijetö.