Hechos 8:32 - Dios Iwene

³² Jejenö jö̧a̧liökwe Felipema koluka okwa nöchö a̧jibijetö. A̧jibö a̧ja̧kwijetö Etiopía jojo yöa̧lobema, Isaías iwȩyudina. Baikwö yöba̧lijetö: Jo̧bama obeja jwöbeba̧lökönö ö̧ji̧danö jo̧, u̧lume'a 'witjebobö öbibö tji̧'yinökwema. Ja̧danö, obeja öwö'ye 'witjonö jwöbeba̧lökönö ö̧ji̧danö jo̧.

Hechos 8:32 Referans Kwoze

Romanos 8:36

Isabenö wodena chömöledö. Dios iwene baikwö laebobe Diosnö ösödadönöma: Diosnö dösödobetjö̧, ju'wi möle jwiinö ökwödönö kwabö loawa tjösödobe ju'wedöma. Ja̧danö, o̧bȩja̧dödanö, kwabö lotjakwawö̧danö ichejekwadösa ökwödö Diosnö ösödadöma, jö̧ba̧lö laebobe.

Juan 1:29

Ju'wi dewachö Juanma edinobe iteda ö̧jobekwö Jesús ichobe. Jesúsnö edö jö̧a̧linobe itekwöda ju̧kwadönö: —Edaduwi. Ite baikwö icho̧ma, Dios weinökwe obeja itji̧danö jo̧. Diosma jo̧banö ö'wöchinö midawö, jojodö tjusuli̧ söbebö loobö weinobetjö̧, obeja itji̧danö jo̧, ötjabökwe.

1 Pedro 1:19

inesö mikwawi̧ jawanö, obeja sulabe jwibo̧danöbo̧ Cristo ökwösobunöda ökwödönö midö eminobe.

Lucas 23:34

Jejenö bȩtjiökwe, Jesúsma Diosnö aebinobe: —Chabe'do, bidö ötjönö bȩtji̧ omukwatökönö kwösödodönö, ja̧tji̧ma wajwibö sulabenö ja̧tjobetjö̧— jö̧ba̧lö. Ja̧danö, Jesúsnö towisa'onö bȩbajadö, guardia jojodöma inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Hechos 8:31

Jejenö abebö a̧ja̧kwiökwe atadijetö: —¿Dakwö chöwaisachibobö ötjönö yöbawo̧ bakwo̧bi deobema? Bena nöchö a̧jibö yöbawitjö—jö̧ba̧lijetö Etiopía jojoma.

1 Corintios 15:3

Jau chömöledö, inesö mikwawi̧ wene ötjö cha̧ja̧kwina wenema ökwödönö yötawijatö. Ja̧ yötawina wenema biya̧ chömöledö: Damötjö Dios iwene wȩyudinadö imidawakwo̧nö tjiwȩyudinadanö, Cristoma midawö woinobe, ökwödö dusuli̧ imidawo jö̧ba̧lö.