Hechos 8:20 - Dios Iwene

²⁰ Jo̧kwaijayonö jejenö aebiökwe Pedroma jö̧ba̧lijetö: —Sulabenö kwomukwatajabetjö̧ kwu̧kwa baladakwö ökwöla ubobekwö 'ya̧wi. Diosma ujulu mikwa jwiinö iyijayonö ökwöma sulabenö omukwatö jö̧ka̧lajabe, Baladanö midö chemocha, jö̧ba̧lö.

Hechos 8:20 Referans Kwoze

Mateo 10:8

Ja̧danö, ö'wöchadönö otidö lobaduwi, ja̧danö ö'wö babibajadönö tjetjachajinö ja̧baduwi, ja̧danö tji̧sȩdo̧ sulabedönö otidö lobaduwi, ja̧danö tjo̧'wo̧ luwo̧nö sulabedönö a'dewö lobaduwi. Ja̧ jawa ja̧köbaduwo jö̧ba̧lö mikwa jwiinö chiyajabe ökwödönö, jo̧kwajabetjö̧ ökwödöbi mikwa jwiinö jojodönö pjabataduwi— jö̧ba̧lö weinobe Jesúsma, iteda öba̧ja̧di̧ waisachadönö.

Daniel 5:17

Yöa̧liökwe, Danielma la'aka luwo̧nö atadinobe baikwö: —Ja̧ kwiyobö jö̧ka̧laja̧ma chösödökö, ja̧ jawama ökwöda kwitea. Jelo̧nö kwiyobö jö̧ka̧litjö̧ma kwiyo, jo̧kwaijayonö ötjöma ja̧ jawa chösödökö chemobö. Jo̧kwaijayonö kwiyakwa̧ chemobö chöpöjödijayonö, yayonö weyukwi̧ jawa yöta̧locha, ja̧danö labebö lobö yötawocha ökwö la'aka chuluwo̧nö.

Hechos 2:38

Jejenö abebö tja̧ja̧kwiökwe Pedroma atadijetö: —Chömöledö, ökwödötjö, bakwo̧nökwena sulabenö kwomukwataduwi̧ma kabatibö balewachaduwi. Ja̧danö, ojwenö ubu̧datobö abebaduwi, Jesucristonö kwo̧'wo̧ kwöwana̧laduwi̧ i̧sebö. Jejenö ja̧baduwi, Dios ökwödö sulabe kwujuna̧laduwi̧ söbebö loakobetjö̧. Jejenö ja̧köbaduwenama Dios O̧'wo̧ Luwo̧ma tebachibö öjamatakobe ökwödönö— yöbawijetö Pedroma—.

Apocalipsis 18:15

Ja̧danö, jobadöma yebabinö, ödö ja̧nö tjubudekwabikwedö, ¡Ayö! Ökwödönöbi inia tjödinö baledena, jö̧ba̧lö. Yelösöda, jobadö tea iyabidöma balada juna̧ladö babibinadö, Babiloniatjö tea iyiatjinobetjö̧. Ja̧danö, jobadöma, yebabinö, ödö tjö̧jakwedö, Babilonianö lȩebobe eda̧lö.

Santiago 5:3

Ja̧danö, kwiteaduwi orobi, platabi kwujuninaduwi̧ma ida̧ökö duwetjekwachajabe. Mikwawokobe yelösöda. Isabenö yötawaduwakwö, Dios lȩbebö yöawakwa̧ möle ichena kwiteaduwi oro, plata duwatjekwachaji̧ma i̧sekwakobe, Bidöma idödada tjösödi̧ tjujuna̧lobö omukwatö tjujuninobe, ju'wedönö pjabatökönö, jö̧ba̧lö. ¡Ayö! Jejenö kwiteaduwi oro, plata duwetjekwachajö loawadanö Diosma ökwödönö ökwöla ubolanö loakobe. Yelösöda Dios lȩbebö yöawakwa̧ möle ichena usula kwemawaduwakobe. Yayonö ökwödöma bajaliyapo möle ida̧ökö yöneawachijayonö ina ju'winö kwujuna̧laduwobö omukwatö kwujunaduwobe. Isabenö yötawaduwakwö. Ja̧ kwujuninaduwi̧ma mikwawokobe Dios lȩbebö yöawakwa̧ möle ichena.

Hechos 8:22

Sulabenö kwomukwati̧ kabatibö balewachö Duluwo̧nö budekwö abebi. Jejenö akebitjö̧ma Diosma söbebö loena sulabenö kwomukwataja̧ma.

1 Timoteo 6:9

Jo̧kwaijayonö, ju'wedö nöinö balada tjujuna̧lobö tjösödobetjö̧, waekwadö, ja̧danö sulabenö ja̧badö. Ja̧danö, sulabenö tjösödi̧ma 'daliwadanö ichejekwa jobadönöma. Ja̧danö, sulabenö tjösödi̧ma jobadönö suli̧ waedobe ichejekwa, waekwadö batjibanö.

Hechos 11:17

Chömöledö, yötawaduwakwö, Diosma jo̧ba O̧'wo̧ Luwo̧nö judío jojodöböködönöbi weijatö, Jesúsnö ösödadönöma. Jejenö weijatö jobadönö, ökwödö judío jojodönö bakwainö weinadanö, Jesúsma dö̧jibinö pjabato̧, jö̧ba̧lö, dösödinena Jesúsnöma. Jo̧kwaobetjö̧ chömöledö abebö cha̧ja̧kwa ötjödada, ¿Ötjöma Diosnö wetenaji̧, Dios bidönö Kwo̧'wo̧ Luwo̧nö weköba, jö̧ba̧lö? Ja̧maökö chömöledö. Ötjöma Diosnö webökösa— yöbawijetö Pedroma.

Hechos 10:45

Ja̧danö, Pedrokwö ichajadö, Jesúsnö ösödadöma judío jojodöma eda̧lö, ¡Ayö! Bidöma judío jojodöböködötjijayonö Dios O̧'wo̧ Luwo̧ tebachibö öjamatobö weajabe Diosma, jö̧ba̧lö, omukwatijadötö.

Mateo 15:19

Jau chömöledö, okobe jwiinö sulabenö tjomukwati̧ma, tjomajadetjö laebi̧, jojodönö kwabö lotjobö tjomukwati̧bi, tji̧lȩkwa̧muböködökwö sulabenö ja̧awa ja̧danö ju'wibi sulabenö 'da̧'da̧akwawa ja̧awa ja̧tjobö tjomukwati̧bi, tjönaukwobö tjomukwati̧bi, omöna yötja̧lobö tjomukwati̧bi, jojodönö sulabenö yötja̧lobö tjomukwati̧bi.

Isaías 55:1

Baikwö yöa̧lobe Diosma: A̧ja̧kwaduwi, okobe deinö o̧ti̧ tjöbadöma, chö̧jobekwö kwichaduwo, ojwiyo jȩmibe. Ja̧danö ökwödö balada jwibadöma, ichö kwakwawa emö kwukwaduwo. Ichaduwi, ubasobu o̧'do̧bubi, lechebi kwemaduwo, balada midökönö, mikwa jwiinö ichö kwemaduwo.

Deuteronomio 15:9

Ja̧danö teada̧lönö kwö̧jaduwo, sulabenö a̧'dȩlanö omukwatö, –Aaa, jelemutjö dötölataja o̧ba yö̧neawachibobetjö̧, chöbalewoböma chöpöjöda, umusidi ina imidakwa̧ abönö umusidi söbebö lotobö baibapji jö̧ba̧lö. –Jobekwö omukwatö, a̧'dȩlanöma kwedaduwoko kwömöledöso̧ jwibo̧nöma chömöledö. Jejenö omukwatö, kwömöledöso̧ jwibo̧nö pjabatökönö kwö̧jaduwitjö̧ma, kwömöledöso̧ma Isabenö Jo̧nö ubudekwena, ja̧danö Dios öba a'otjö wene kwujuna̧lena, pjakato jö̧ka̧li̧danö pjakatokobetjö̧.

Hechos 1:18

Jejenö do̧batö ujuninajayonö jelobekwö omukwatinobe Judasma— yöbawijetö Pedroma—. Ja̧danö, jo̧bama Jesúsnö weachina ikenama baikwö baledinobe: Sulabenö iyö loina mikwa baibanö nijima eminobe, itebo baibanö. Ikenama ju'wi möle, jobe nijinö kwebachö, mötjö nijakwö labinö meinobe. Meemi ukwa'wo 'dainobe okobe jwiinö ö'yapiyubi kȩ'achajinö.

Proverbios 15:26

Ja̧danö, ju'wibi yötawa: Isabenö Jo̧ma sulabenö omukwatadö suli̧ tjöwaedakwa̧ jawa tjo̧mukwati̧ma jwiinö öpöjödo̧. Ja̧danö ju'wibi yötawa: Isabenö Jo̧ma jwiinö ösödo̧ otiwanö omukwatadö otiwi̧ jawada yötja̧li̧ma.

Deuteronomio 7:26

Ja̧danö inesö suli̧ o̧'wo jawanö kwejuduwibe tebatökönaduwi chömöledö. Diosma ja̧jaye jawa 'da̧batö ujuninobe, söbebö lotjakwa̧ jawa, jö̧ba̧lö, jo̧kwajabetjö̧ ja̧ jawa kwemaduwitjö̧ma, ökwödönöbi söbebö lotjakwa̧wö̧ bakibaduwanö 'da̧batö ujunakobe. Isabenö ja̧jaye jawa kwöpöjödaduwobö jo̧be chömöledö, –Inesö suli̧ jawa, –jö̧ba̧lö, Diosma ja̧jaye jawa söbebö loawa weobetjö̧, —jö̧ba̧lö yöawinobe Moisesma, israel jojodönö.

Hechos 8:19

Ja̧danö, abebijetö: —Juluwi̧ma iyitjö, baladanö chimido, ja̧danö ötjöbi 'biteba̧lena Dios O̧'wo̧ Luwo̧ tebachibö öjamatena jojodönö—abebijetö Pedronö, Juannö.