Hechos 8:12 - Dios Iwene

¹² Jo̧kwaijayonö Felipe yöawi̧ wenebi ösödö a̧ja̧kwijadötö, Dios jawa otiwa jawa wene, Dios La'aka Luwo̧ ö̧jobe wenebi, Jesús ökwödö dö̧jibinö pjabato̧, jö̧ba̧lö, wenebi. Ja̧danö, jojodöma Felipe yöawi̧ a̧ja̧kwö Jesúsnö ösödijadötö, Jesúsma ökwödö dö̧jibinö pjabato̧, jö̧ba̧lö. Ikenama Felipema Jesúsnö ösödajadönö ojwenö bu̧datijetö, ömadönöbi ya̧dönöbi.

Hechos 8:12 Referans Kwoze

Hechos 2:38

Jejenö abebö tja̧ja̧kwiökwe Pedroma atadijetö: —Chömöledö, ökwödötjö, bakwo̧nökwena sulabenö kwomukwataduwi̧ma kabatibö balewachaduwi. Ja̧danö, ojwenö ubu̧datobö abebaduwi, Jesucristonö kwo̧'wo̧ kwöwana̧laduwi̧ i̧sebö. Jejenö ja̧baduwi, Dios ökwödö sulabe kwujuna̧laduwi̧ söbebö loakobetjö̧. Jejenö ja̧köbaduwenama Dios O̧'wo̧ Luwo̧ma tebachibö öjamatakobe ökwödönö— yöbawijetö Pedroma—.

Hechos 1:3

Ja̧danö, Jesúsma, usula emawö wobajo̧ yemidanö tjebachajo̧ma öwawachibijetö iteda öba̧ja̧di̧ waisachadönö, iteda yöawi̧ yötjawobö weawö̧nöma. Tjöwaisachibobö, ¡Edaduwi, Duluwo̧ yemidanö tjeachajinobe, ina 'yaba̧lo̧!, jö̧ba̧lö öwawachibijetö jobadönöma. Yemidanö tjeachajina tupakwöbi, cuarenta möle jenanö Jesúsma öwawacha̧liabijetö jobadönöma. Öwawachajawö̧nö Jesúsma Dios jawa yöbawijetö, Dios La'aka Luwo̧ ö̧jena wenema.

Mateo 28:19

jo̧kwajabetjö̧ baikwö wetaduwakwö: Böjȩ bakwameachibanö tjitebokwena jojodönö yöbawö, ösödadönö chöba̧ja̧di̧ waisachadö batjibanö yöbawaduwi. Ja̧danö, Chabe'do Diosbi, ötjö Dios Itji̧bi, Dios O̧'wo̧ Luwo̧bi ökwödönö wedobetjö̧, diminö jobadönö ojwenö bu̧dataduwi.

1 Pedro 3:21

ja̧danö jobadö ojwetjö tjö̧jibinama, babe ökwödö dö̧jibi̧ jawa ojwenö bu̧datakwawa jawa badekwachobe. Ja̧ dö̧jibi̧ma, ojwema diteba'otjö dusula dichö loobetjö̧ ji̧badösa jö̧ba̧löma yöta̧lökö chömöledö, baikwö yötawa: Diosnö abebadösa, domukwati̧ jawa dusula dichö loobö, ja̧danö Jesucristo woawatjö tjeachajinobetjö̧, dö̧jibinö pjabato̧ Diosma.

Hechos 2:41

Ikenama Pedro yöawi̧ a̧ja̧kwö ba̧jekwadö ösödijadötö. Ja̧danö, ösödadöma ojwenö ubu̧datobö abebijadötö, Jesúsnö tjo̧'wo̧ tjöwana̧li̧ i̧sebö. Ja̧ mölema tres mil jenanö jojodöma Jesúsnö ösödijadötö.

Gálatas 3:28

Jo̧kwajabetjö̧, judío jojodöbi, judío jojodöböködöbi bakwayedöda babema, ja̧danö jojodö tjömöayedöbi, tjömöayedöböködöbi bakwayedöda babema, ja̧danö ömadöbi ya̧döbi bakwayedöda babema. Jau chömöledö, okobe deinö Cristo Jesúskwö bakobe dötewadö ja̧nö, bakwo̧dabedöja.

Romanos 10:10

Jau chömöledö, Jesúsnö ösödö, dö̧jibinö pjabato̧, jö̧ba̧lö dösödiökwe, Diosma ökwödönö yöbawo̧, Bidöma sulabe jwibadö, jö̧ba̧lö. Ja̧danö, Jesúsda la'aka luwo̧ yöba̧lö, dö̧jibobe.

1 Corintios 11:11

Jejenö jo̧be chömöledö, jo̧kwaijayonö Duluwo̧nö ösödö dö̧ji̧ma, ömadöma ya̧dö deinö jö̧ködö, ja̧danö ya̧döma ömadö deinö jö̧ködö.

Hechos 28:31

Jena ja̧nö yöbawijetö Pabloma, Dios iwenema. Yebabökönö yöbawijetö. Bakwo̧bi debijetö Pablonö, Yökawa, jö̧ba̧lö, webo̧ma. Dios La'aka Luwo̧ ö̧jena wenebi, Duluwo̧ Jesucristo jawabi yöbawijetö. Tjo̧wi̧ta, biya̧da yötawa.

Hechos 20:25

Ina yöbawijetö: —Jau chömöledö, ökwödönö yöbawö kwetachijatö, Dios La'aka Luwo̧ ö̧ji̧ wene yöbawö. Babema tjo̧wi̧, ötjönö yemidanö kwedaduwökakobe.

Hechos 20:21

Judío jojodönöbi, judío jojodöböködönöbi, bakwaidödanö edö yöbawiachijatö. Sulabe tjomukwati̧ kabatibö tjöbalewacho, jö̧ba̧lö, yöbawiachijatö. Jesúsnö tjösödo jö̧ba̧lö, yöbawiachijatö— yöbawijetö Pabloma.

Hechos 18:8

Jobe Corintonö jo̧ma, judío jojoma, judío jojodö yötjaweju la'aka luwo̧ma, Crispo mikwo̧ma, Pablo yöawi̧ a̧ja̧kwö Duluwo̧nö ösödijetö, Jesúsma chö̧jibinö pjabato̧, jö̧ba̧lö. Ja̧danö, jo̧ba ejunö ju̧kwadöbi okobe deinö ösödijadötö Jesúsnöma. Ju'wedöbi ba̧jekwadö Corintonö ju̧kwadöma, Pablo yöawi̧ a̧ja̧kwö ösödijadötö Jesúsnöma. Ikenama ösödajadönö ojwenö bu̧datijetö Pabloma.

Hechos 11:20

Jobadöma judío jojodönöda yötjawijayonö jobadötjö ju'wedöma, Chipre jojodöbi, Cirene jojodöbi Antioquíabe 'ya̧jadö jobetjöma judío jojodöböködönöbi yöbawiabijadötö, Duluwo̧ Jesús pjaatina wenema.

Hechos 5:14

Yayonö kabatökönö ju'wi möle ju'wedö, ju'wi möle ju'wedö, ba̧jekwadö, ömadöbi, ya̧döbi, Jesús ö̧jina yötjawi̧ a̧ja̧kwö ösödijadötö, Jesúsma dö̧jibinö pjabato̧, jö̧ba̧lö.

Lucas 9:60

Jejenö atadökwe Jesúsma yöa̧linobe: —Ö'wö babibajadönö o̧tjawama woba jojodö tjo̧tji̧ chömöledöso̧. Ökwö kwotidobö ji̧ma, Dios la'aka luwo̧ ö̧jakwa̧ jawa wene yöbawö kwotidobö— jö̧ba̧lö.

Lucas 9:2

Ja̧danö, jejenö junajo̧, jobadönö weinobe otiwa jawa wene Dios la'aka luwo̧ ö̧jakwa̧ jawa wene yötjawobö, ja̧danö ö'wöchadönö otidö lotjobö.

Hechos 8:4

Ja̧danö, Jerusaléntjö döbibajadöma okobe jwiinö kwebachö Dios iwene yöbawiabijadötö.

Hechos 19:5

Ikenama jejenö yöawi̧ a̧ja̧kwadöma ojwenö ubu̧datobö abebijadötö Duluwo̧ Jesús iminö.