Hechos 8:1 - Dios Iwene

^1-2 Ja̧danö, Sauloma Estebannö ikwawö tjö'wötajobe edö, Otiwa, jö̧ba̧lö, ösödijetö. Ja̧danö, Diosnö jwiinö ösödadöma Esteban ö'wö babibajo̧nöma e'ewö lödijadötö. Jobadöma labinö budekwakwawijadötö, Esteban ö'wöchajiawö̧. Ja̧ möletjö, Esteban ö'wöchina möletjö jemi tupakwöma Jerusalénnö ju̧kwadö Jesúsnö ösödadönöma usula tjemawinö ja̧bijadötö ju'wedöma. Usula tjemawinö ja̧tjiawö̧ Jesúsnö ösödadöma jobetjö döbibajijadötö. Jerusaléntjö döbibajadö Judea nijinö ju'wedö, Samaria nijinö ju'wedö, wainökwena babibö ju̧kwijadötö. Okobema Jesús webawedöda, a̧li̧nösamutjö du̧ju̧tajanöda Jerusalénnöma ju̧kwibijadötö.

Hechos 8:1 Referans Kwoze

Hechos 22:20

Ja̧danö, Estebannö, inawiyanö tjikwawökwe ö'wöchobe edö jwiinö chösödijatö, jo̧banö ikwawadö tjökamisi te'ada̧lö ja̧nö, jö̧ba̧lö, yötawijatö Chuluwo̧nö.

Hechos 7:58

'Ya̧wibö Estebannö jibö döbeba̧lö öbibö Jerusalén ö'öböbe junijadötö. Junajadö inawiyanö ikwawijadötö. Jobadö ikwawadöma tjökamisi wamesado̧ 'yo̧bekwö, jelo̧, möayo̧, Saulo mikwo̧ ö̧jemi ö'öbö lödajadö ikwawijadötö Estebannöma.

Hechos 5:40

Jejenö jö̧a̧liawö̧ la'aka luwedöma Gamaliel yöawaja̧danö ja̧bijadötö. Jesús webawedönöma yemidanö tetjachobö jwöbijadötö. Tebachajadönö kwakwaböda kwakwabijadötö 'diasonö. Kwakwabajadö webijadötö jobetjö latjebobö, La'akatjöda Jesús ö̧jina yökawaduwoko, jö̧ba̧lö.

Hechos 5:33

Ja̧danö, jobadö la'aka luwedöma, Jesús webawedö yötjawobe a̧ja̧kwö jwiinö labijadötö, Kwabö lododönö, jö̧ba̧lö.

Hechos 1:8

Jo̧kwaijayonö biya̧da, kwöwaisaduwobö yötawa. Ökwödöma Dios ujulu kwujuna̧laduwakobe, Dios O̧'wo̧ Luwo̧ ökwödö kwo̧'wo̧ luwo̧duwinö tebachibö öjamataja̧ ikena. Ja̧danö, ötjö yötawina wenema otiwanö yökawaduwakwedöja. Bemi Jerusalénnöbi, ju'wi okobe jwiinö Judea nijinöbi, Samaria nijinöbi yökawaduwakwedöja. Jelobe jelobebi böjȩ bakwameachibanö yökawaduwakwedöja— jö̧ba̧lijetö Jesúsma öba̧ja̧di̧ waisachadönöma.

Hechos 8:14

Ja̧danö, jejenö Samaria nijitjö baledonö Jerusalénnö ji̧badö, Jesús webawedöma ju'wedö yötjawi̧, Samarianö ju̧kwadö Dios iwene a̧ja̧kwö tjösödinobe, jö̧ba̧lö, a̧ja̧kwijadötö. Jejenö a̧ja̧kwö jobadöma Pedronöbi Juannöbi webijadötö Samariabe tji̧'yobö.

Hechos 9:31

Ja̧ mölema okobe deinö Jesúsnö ösödadöma Judeanö ju̧kwadöbi Galileanö ju̧kwadöbi Samarianö ju̧kwadöbi otiwanö ju̧kwijadötö, usula emawökönö. Ja̧danö, Dios O̧'wo̧ Luwo̧ pjaatobetjö̧ Diosnö omukwatö tjo̧'wo̧ luwo̧nö ösödö juluwijadötö, tjo̧'wo̧ luwo̧ jawama. Ja̧danö, Diosnö otiwanö yebabinö omukwata̧lö ju̧kwijadötö. Ja̧danö, Dios O̧'wo̧ Luwo̧ pjaatobetjö̧ ba̧jekwachijadötö Jesúsnö ösödadöma.

Hechos 8:4

Ja̧danö, Jerusaléntjö döbibajadöma okobe jwiinö kwebachö Dios iwene yöbawiabijadötö.

Juan 15:20

Kwomukwataduwo ötjö ökwödönö yötawaja̧ma, biya̧: Ömöayedöma tjuluwo̧nötjö o̧penönö mikwawöködö, ¿jö̧tö? Tjuluwo̧nö inia tjöjinö baledobö ji̧tjöma, ömöayedönöbi inia tjötjinö baledobö jo̧be, ¿jö̧tö? Jo̧kwaobetjö̧ yötawaduwakwö. Ötjö, kwuluwo̧duwinö inia tjötinö ja̧tji̧danö ökwödö, chömöayedönöbi inia tjököbaduwinö ja̧tjakobe. Ja̧danö, jojodötjö ju'wedö ötjö yötawi̧ a̧ja̧kwö do̧tjati̧danö, ju'wedöma ökwödö yökawaduwi̧ a̧ja̧kwö do̧tjatakwedö.

Hebreos 11:27

Ja̧danö Moisésma, Diosnö o̧'wo̧ öwana̧lobetjö̧ laebinobe Egiptotjö. Jobe la'aka luwo̧ma Moisésnö jwiinö ölabijayonö Moisésma Diosnö o̧'wo̧ wana̧lö yebabökönö laebinobe. Dios, edawökö Diosnöma edö tji̧'yi̧danö jwaikwöda i̧'yinobe Moisésma, tjebachajökönö.

Filipenses 1:12

Kwöwaisaduwobö jö̧ta̧la chömöledö, ka̧lena ba̧nö chö̧ji̧ma, isabenö pjaatobe ba̧jekwadö otiwa jawa wene tja̧ja̧kwo jö̧ba̧lö. Ja̧danö, ajayinö a̧ja̧kwinadötjö bajalekwönönö ba̧jekwadö jojodöma otiwa jawa wene tja̧ja̧kwobe babema.

Hechos 13:1

Ja̧danö, Antioquíanö ju̧kwadöma, Jesúsnö ösödadötjö bakwamu jojodöma Dios iwene yöbawöbi, Jesúsnö ösödadönö ba̧ja̧dadöbi ju̧kwiabijadötö. Jobadöma bidö: Bakwo̧ma Bernabé. Jelo̧ma Simón. Jo̧bama ju'wi imi, Negro, mikwo̧. Jelo̧ma Cirenetjö ichina Lucio mikwo̧. Jelo̧ma Menahem mikwo̧, tjemu baiyo̧ma la'aka luwo̧ Herodeskwö ja̧nö bötjachina. Jelo̧ma Saulo.

Hechos 7:38

jö̧ba̧lö yöbawijetö Moisésma. Ja̧danö, jo̧ba Moisésda da'dödöminekwö ji̧nama, jojodö deena. Jobetjöma ángelma Dios yöawi̧ yöbawijetö Moisésnöma, mö'ösa'o Sinaí mikwa'onö jo̧nö. Jobetjöma Moisésma emijetö Dios wei̧ iwȩyudinama, ba̧kwȩlö̧jatebö ji̧ iwȩyudinama ökwödöbi dujuna̧lobö.

Hechos 5:20

—Dios ejube 'ya̧jaduwi jojodönö kwöba̧ja̧daduwo tjöwaisachibobö ba̧kwȩlö̧jatebö ja̧kwawa wenema— jö̧ba̧lijetö.

Hechos 5:18

Jo̧kwaobetjö̧ Jesús webawedö tjuju̧kwobekwö 'ya̧nö do̧batö e'ewijadötö ka̧lena ba̧kwaweju okwa tjödobö.

Hechos 2:47

Kabatökönö, Diosma otiwanö jo̧, jö̧ba̧lö, ju̧kwiabijadötö. Ju'wedö jobe ju̧kwadöma tjo̧'wo̧ ösödinö edijadötö jobadönöma. Ju'wi möle jwiinö Duluwo̧ma ju'wedönöbi, ju'wedönö tjö̧jibinö pjaatawö̧ batjibanö pjabatijetö.

Juan 16:2

Jau, inia tjököbaduwinö baledakobe ökwödönöma. Kwömöledöduwi judío jojodöma jobadökwö ba̧nö kwa̧ja̧kwa̧laduweju tekachaduwoböma wetjökakobe, ötjönö ösödö kwö̧jaduwobetjö̧. Yelösöda ja̧ mölema jojodöma ökwödönö kwabö lotjakobe, Diosma jejenö kwabö lodobö ösöda, jö̧ba̧lö, tjomukwatobetjö̧.

Mateo 23:34

Ja̧köbaduwakwa̧ baikwö yötawaduwakwö: Dios yöawi̧ yöbawadönöbi, waisadönöbi, ba̧ja̧dadönöbi wetocha, ökwödönö yötjawobö, jo̧kwaijayonö jobadötjö ju'wedönö kwabö loköbaduwakwedöja, ja̧danö ju'wedönö towisa'onö kwönaduwakwedöja, ja̧danö ju'wedönö judío jojodö ba̧nö tja̧ja̧kwa̧lejubiyatjö kwakwaköbaduwakwedöja, ja̧danö ju'wedönö comunidadtjö jelobe, ja̧danö jelobe usula tjemawinö luka̧laduwakwedöja.

Mateo 22:6

Ja̧danö, ju'wedöma jobadö la'aka luwo̧ ömöayedönö do̧batö kwakwatjinobe, ja̧danö jobadönö kwabö lotjinobe.

Mateo 5:13

Tupakwö wanedö yöawinobe Jesúsma: —Chömöledö, sayu kwakwawa söinö pjaati̧danö, ökwödöma böjȩ jojodö tjö'da̧de ja̧nö pjakataduwo. Jau chömöledö, meyuwökönö kwö̧jaduwo, baikwö yötawa: Sayuma kwöwaisaduwa, sayu meyuwachibitjö̧ma, mikwawökö ji̧, ja̧danö yemidanö o̧toböma jwii̧, ¿jö̧tö? Jejenö meyuwitjö̧ma, ikwö lotjena, ja̧danö jojodö tjö̧jatena, ¿jö̧tö?

Daniel 6:23

Daniel ina yaba̧lo̧ ö̧jiökwe, Daríoma jwiinö o̧'wo̧ ösöwachibanö ö̧jinobe, ja̧danö weinobe Danielnö i̧lȩdo̧tjö tötjebobö. Ja̧danö i̧lȩdo̧tjö Danielnö latjebenama, ja'yubebi didibadö suli̧ tjöwaedajökökwenö tjedinobe. Diosnö o̧'wo̧ wana̧lö ösödiökwe, Diosma tjöbeba̧lö ite'ada̧linobe Danielnö, didibadö ja'yubebi Danielnö suli̧ tjöwaedapji jö̧ba̧lö.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Hechos 7:54

Jejenö yöawiawö̧ judío jojodötjö la'aka luwedöma jwiinö labijadötö, tjo'yebiya kikiso ja̧bö.

Hechos 8:5

Jobadötjö bakwo̧, Felipe mikwo̧ma, Samariabe 'yi̧jetö. Jobetjö, jobe ju̧kwadönö yöbawijetö Jesúsnö, Dios jojodö tjö̧jibinö pjaatobö yöbawö ujuninökwenöma.

Hechos 13:36

Chömöledö isabenö döwaisa, Davidminema, Dios wei̧ a̧ja̧kwö ömöledönö pjabatö webo̧ma wobijetö. Ja̧danö, wobajo̧nöma ödijadötö. Damötjö ödijadötö Davidminenöma. Jo̧bama okobe jwiinö damötjöda 'dolobijetö chömöledö. Ja̧ Dios iwenetjö laebi̧ma Davidminema itedadama wȩyudö yöawakwawijökötö.

Hechos 26:10

Jo̧kwaobetjö̧ cho̧'wo̧ sulinö edö jwiinö inia tjötjinö ja̧biachijatö jobadönöma, Jerusalénnö ju̧kwadönöma. Jojodötjö Diostjö ö'weje pjabatadö tjuluwedönö ötjönö wetjobö atebijatö, Jesúsnö ösödadönö do̧batö ka̧lena ba̧kwaweju okwa tjödakwa̧ ja̧tobö. Ju'wibi ja̧tijatö. Weawa yöawakwawa jojodö, Kwabö lododönö, jö̧ba̧lö, yötjawena, ötjöbi, Jau, otiwa, jö̧ba̧lö, chösödijatö.

Romanos 1:32

Chömöledö, bidöma Dios jö̧a̧linama waisadö, Jejenö ja̧badöma wobalenöda tjimidawakwedö, jö̧ba̧lö. Ja̧ wene tjöwaisijayonö, jwaikwöda sulabenö ja̧bö ja̧kwawada ösödadö. Jemi tupakwöbi, ju'wedöbi sulabenö ja̧tjobö ösödadö.