Hechos 7:9 - Dios Iwene

⁹ Ja̧danö, jobadö da'dödöminema, Jacob i̧tji̧muma, tjöjawo̧ Josénö tjo̧'wo̧ sulinö edijadötö. Tjo̧'wo̧ sulinö edö jo̧banö mikwanö jö̧ba̧lö iyijadötö ju'wedönö Egiptobe tje'ewobö, jobe Egipto la'aka luwo̧nö tjiyobö. Jo̧kwaijayonö Diosma Josékwö pjabatö ji̧jetö.

Hechos 7:9 Referans Kwoze

Génesis 39:2

Ja̧danö, Isabenö Jo̧ Diosma Josénö pjabatö ö̧jobetjö̧ Joséma uluwo̧ Potifar ejunö ja̧nö okobe jwiinö otidi̧ma otiwijetö.

Isaías 43:2

Jau, wene kwöbaledaduwenama, pjatatakwo̧sa, baikwö wanedö yöta̧la: Ojwiyo da̧kwemi kwöbaledaduwena, ökwödökwö chö̧jakwo̧sa, ja̧danö ojwe da̧kwödö pekibaduwijayonö o̧kibaduwökakwedöja, ötjöda tjöbeba̧lö pjatatobetjö̧. Ja̧danö ökwöla nöinö ubola ö'wejenö kwöbaledaduwijayonö, kwubaduwökakwedöja, ökwöla neawanima suli̧ öwaedökakwawö̧ja.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.

Génesis 45:4

Ikenama jwöbijetö jobadönö: —Yö̧ne ichibaduwi chömöledö— jwöawö̧ yö̧öne 'ya̧wibijadötö. 'Ya̧wibajadönö yöbawijetö Joséma: —Ötjöma ökwödö kwöjawo̧duwi Josésa. Ötjödasa Egiptobe 'ya̧nö baledajadönö mikwanö kwiyinaduwökwema.

Génesis 39:5

Ja̧danö, Josénö la'aka jojo baibanö ujuninemi baikwöma Isabenö Jo̧ Diosma Josénö omukwatö jwiinö pjabatijetö Potifarnöma. Eju okwa otikwabi otiwanö baibanö, ja̧danö batjonö junawabi otiwanö pokwobö pjabatijetö Isabenö Jo̧ Diosma.

1 Corintios 13:4

Jojodönö ösödabikwawö ja̧kwawama baikwö yötawa chömöledö: Jojodönö ösödabikwawö ja̧kwawama, o̧'wo̧ 'dibachibö lȩlö̧jinö ja̧bö ji̧. Ja̧danö, ö'wiabinöma edökönö ji̧, ja̧danö otiwo̧sa jö̧ba̧löma omukwatökönö ji̧.