Hechos 7:54 - Dios Iwene

⁵⁴ Jejenö yöawiawö̧ judío jojodötjö la'aka luwedöma jwiinö labijadötö, tjo'yebiya kikiso ja̧bö.

Hechos 7:54 Referans Kwoze

Hechos 5:33

Ja̧danö, jobadö la'aka luwedöma, Jesús webawedö yötjawobe a̧ja̧kwö jwiinö labijadötö, Kwabö lododönö, jö̧ba̧lö.

Lucas 13:28

Ja̧danö, jejenö ökwödönö baledenama isabenö ba̧jekwadö budekwabinö kwo'ye kikisö ja̧bö kwubudekwaduwakobe, jobe okwa Abrahambi, Isaacbi, Jacobbi, okobe deinö Dios yöawi̧ yöbawinadöbi okwa tjö̧jonö, ökwödöma a̧petubeda kwö̧jaduwakobetjö̧.

Mateo 13:50

ja̧danö böjö 'da̧batö tjujunajawö̧nö ökwöla nöolabe ikwö lotjakobe, jobe budekwabinö tjo'ye kikiso ja̧bö usula tjemakwakobetjö̧— jö̧ba̧lö yöawinobe Jesúsma.

Diosnö ösödo̧ Job mikwo̧ usula emawina jawa 16:9

Isabenö ötjönö ödameakwajabe Diosma ichejekwa, wanedö yötawa: Tebonö jo̧ ötjönö lubö, o'yenö ötjönö yö̧yö̧bö seebajabe ichejekwa, ja̧danö chöpöjojo ja̧nö, labinö ötjönö suli̧ öwaedotö jö̧ba̧lö eda̧lobedanö ichejekwa.

Mateo 24:51

Ja̧danö chömöledö, iteda ömöayo̧ weinöködanö ja̧bo̧nö jejenö öbadekwajitjö̧ma, ömöayo̧nö labinö lȩebakobe chömöledö, ja̧danö jo̧banö ikwö loakobe, dötölatajanö omukwatadökwö budekwabinö o'ye kikisö ja̧bö usula emawobö—, jö̧ba̧lö yöawinobe Jesúsma, iteda öba̧ja̧di̧ waisachadönö.

Mateo 22:13

Ikenama, la'aka luwo̧ma iteda ömöayedönö weinobe, Bite sulabo̧nö ömamijubi, ömasapiyabi nu'yibö, a̧petube ikwö lobaduwinö, yȩa'wo okwa ba̧nö, budekwabinö o'ye kikiso ja̧bö usula emawo, jö̧ba̧lö weinobe.

Mateo 13:42

ökwöla nöolabe ikwö lotjakobe, jobe ja̧nö budekwabinö, tjo'ye kikisö ja̧bö usula tjemawakobetjö̧.

Mateo 8:12

Jo̧kwaijayonö jobadö jelobetjö ichajadö mesasötenö tjöbamatijayonö, jobe tjöbamato jö̧ba̧linadö Israel jojodötjöma ba̧jekwadönö 'da̧batö loakobe Diosma, yȩa'wo okwa ba̧nö budekwabinö tjo'ye kikiso ja̧bö usula tjemawobö— jö̧ba̧lö yöawinobe Jesúsma.