Hechos 7:5 - Dios Iwene

⁵ Ja̧danö, Diosma Abrahamnö bena ichö ö̧jobö weinajayonö ja̧ mölema ina iyijökötö bemi nijima itebo baibanöma. Ja'yubebi iyijökötö. Jo̧kwaijayonö Diosma isabenö iyakwa̧ wene yöbawö junijetö Abrahamnöma. Baikwö yöbawijetö: Bemi nijima chiyocha ökwötjö kwömöledö tupadanö jojodönöda, jö̧ba̧lö yöbawijetö Diosma Abrahamnöma. Ja̧danö, Abrahamma ina i̧tji̧mu deayi jejenö yöbawö junijetö Diosma— yöbawijetö Estebanma.

Hechos 7:5 Referans Kwoze

Génesis 17:8

Abraham, bemi niji Canaán mikwemi, jelobetjö ichinadö kwö̧jaduwemima ökwönö, ökwötjö tupadanö jojodönöbi chiyakwo̧sa, ba̧kwȩlö̧jatebö ökwödö kwiteboduwi baibanö. Jao Abraham, ökwötjö tupadanö jojodöbi Tjuluwo̧ Dioschakwo̧sa — yöbawijetö Diosma Abrahamnöma.

Génesis 12:7

Ja̧danö, jobetjö Isabenö Jo̧ Diosma öwawachijetö Abramnöma. Öwawachö jö̧ba̧lijetö: —Abram, bemi nijima chiyocha ökwötjö tupadanö jojodönö— jö̧ba̧lijetö Isabenö Jo̧ Diosma. Ikenama Abramma Isabenö Jo̧ Dios öwawachajena inawiya wanabinö juwö iyawemi otidijetö, juwö iyobö Diosnö ösödö.

Génesis 15:18

Jejenö baledena mölema Isabenö Jo̧ Diosma yöbawö junijetö iteda iwenema Abramnö, baikwö: —Abram, biya̧ chiwene ökwönö yöbawö chujuna: Bemi nijima ökwötjö tupadanö jojodönö chiyakwo̧sa, tjitebo baibanö. Ja̧danö, okobe jwiinö niji Egipto ojwetjö Éufrates ojwe mikwödö, nöödö ichibanö chiyakwo̧sa ökwötjö tupadanö jojodönöma— yöbawö junijetö—.

Génesis 13:15

Okobe jwiinö öwawemi nijima ökwönö, ökwötjö tupadanö jojodönö chiyocha, ba̧kwȩlö̧jatebö jobe kwuju̧kwaduwobö.

Génesis 26:3

Bena Gerar nijinöda kwö̧jo, ju'wedö tjitebonöda ja'yubeda lekwe. Isaac, ökwökwö chö̧jakwo̧sa. Ja̧danö, dösölö̧jinö edö pjatatakwo̧sa ökwönöma. Okobe jwiinö bemi niji, ökwönöbi, ökwötjö tupadanö jojodönöbi ju'winö chiyakwo̧sa, kwabe'do Abrahamnö ötjöda chiwene, yöbawö chujuninadanö badekwachinö.

Deuteronomio 34:4

Jejenö i̧sȩbö, Isabenö Jo̧ma Moisesnö yöawinobe: —Bi̧ya ökwönö chi̧sȩbaja̧ nijima, Abrahamnöbi, Isaacnöbi, Jacobnöbi yöbawö chujunina niji, –Kwitji̧muduwi tupadanö jojodönö chiyakwo̧sa, –jö̧ba̧lö. Ja̧danö, ja̧ chiyakwa̧ niji kwöbajaleduwinö kwedobö wetajabe, jo̧kwaijayonö jobe kwichibanö pekiboböma wetökö, —jö̧ba̧lö yöawinobe Moisesnö.

Deuteronomio 11:9

ja̧danö lekwe möle ja̧ kwiteboduwinö wene jwiinö kwö̧jaduwakobetjö̧. Jau chömöledö, ja̧ niji kwa'dödönö yöbawö ujuninobe Isabenö Jo̧ma, jobadönöbi, tji̧tji̧mu tupadanö jojodönöbi ja̧ inesö otiwemi, ajikwakwawedöbi otiwanö tjöbötjachemi, ja̧danö batjobi otiwanö wa̧jemi niji iyobö, jo̧kwajabetjö̧ jo̧ba wei̧ a̧jakwö kwö̧jaduwo, lekwe möle otiwanö jobe kwö̧jaduwakobetjö̧.

Deuteronomio 10:11

Ja̧danö, jemi ikenama Isabenö Jo̧ma ötjönö weinobe, –Tjo̧wita, a̧la̧ibö kwömöledö israel jojodönö öbibö kwi̧'yo, tja'dödönö yöbawö chujuninemi nijibe tetjachobö, ja̧danö tebachajadö tjitebo baibanö jobe tjö̧jobö, –jö̧ba̧lö weinobe Isabenö Jo̧ma, —yöawinobe Moisesma.

Deuteronomio 9:5

Jau chömöledö, jobe kwi̧'yaduwakwa̧ma, ökwödö jawamaökö. Ökwödöda otiwanö ja̧bö kwö̧jaduwobetjö̧, ja̧danö ökwödöda jwaikwöda otiwanö kwomajadeduwinö omukwatö kwö̧jaduwobetjö̧ baledokobe, baikwö labebö lobö yötawa chömöledö: Damötjö̧ Isabenö Jo̧ma kwa'dödö Abrahamnöbi, Isaacnöbi, Jacobnöbi yöbawö ujuninobe, tji̧tji̧mu tupadanö jojodönö niji iyakwa̧ wenema. Ja̧danö, ju'wibi, ja̧ nijinö ju̧kwadöma jwiinö sulabenö ja̧bö tjuju̧kwobe. Jo̧kwajabetjö̧, ja̧ nijinö ju̧kwadö sulabenö ja̧bö tjö̧jiökwe, iteda kwa'dödönö yöbawö ujunina omukwatö, kwuluwo̧duwi Isabenö Jo̧ Diosma weakobe, ja̧ nijinö kwö̧jaduwobö.

Deuteronomio 2:5

jobadökwö kwölakwabikwawaduwapji jö̧ba̧lö. Jobadö tjitebo Seir mösa'oma, ötjöma jobadö Esau itji̧mu tupadanö jojodönöda chiyijatö, tjitebo baibanö jobe tjö̧jobö, ja̧danö tjitebo niji ja'yubebi ökwödö israel jojodönö chiyökakwo̧sa. Jo̧kwajabetjö̧ jobadökwö kwölakwabikwawaduwobö jwiobe.

Génesis 23:4

—Ötjöma jelobetjö ichina ökwödökwö jo̧sa. Ja̧danö atebaduwakwö: Mikwanö kwiyaduwotjö niji, chilekwonö chödo— abebijetö Abrahamma.

Génesis 16:2

Ja̧danö, Sarai tjemu dejobetjö̧ Abramnö jö̧ba̧lijotö: —Abram, Isabenö Jo̧ Diosma tjemunö iyokokosa. Jo̧kwaobetjö̧ ötjö chömöayujukwö ja̧wi, jobujutjö kwi̧tji̧munö, ötjö chi̧tji̧mudanö baibanö chöbötjatocha— jö̧ja̧liökwe jejenö, Sarai weji̧danö a̧ja̧kwijetö Abramma.