Hechos 7:46 - Dios Iwene

⁴⁶ Davidminenöma Diosma otiwanö edijetö. Jo̧bama Diosnö abebijetö Dios eju otidobö, Jacob ösödökwe Dios ejuma.

Hechos 7:46 Referans Kwoze

Hechos 13:22

Ikenama ju'wi möle, Diosma kabatibijetö Saúlnöma, balekwo̧nö 'da̧batö junö, David mikwo̧nö. Ja̧danö, Diosma Davidnö ösödö jö̧ba̧lijetö: Bite David, Jesé itji̧ma, ötjö chösödinö omukwatö jo̧. Ötjö chösödi̧danö okobe jwiinö ja̧bö jo̧, jö̧ba̧lö laebobe Dios iwenetjö, Dios Davidminenö yöa̧lina— yöbawijetö Pabloma.

2 Samuel 6:21

Yöja̧liökwe, Davidma atadinobe, —Ja̧ kwedaja̧ma, Isabenö Jo̧ öba a'otjö, jo̧banö ösödö dötatö. Jo̧ba chösödökwe Isabenö Jo̧da, ötjönö omudawö juninama, israel niji̧ la'aka luwo̧ batibanö. Jau Mical, kwabe'donöbi, kwöjawo̧dönöbi öpöjödö, Isabenö Jo̧ma ötjönö omudawö ujuninobe, iteda ömöledö israel jojodö tjuluwo̧ batibanö, jo̧kwajabetjö̧ tabakwökönö jo̧ba öba a'otjö cho̧'wo ösöwachibanö döbö chöjakwo̧sa.

1 Samuel 16:1

Jemi ikenama, ja'yubenö lekwajabetjö̧, Isabenö Jo̧ma Samuelnö yöa̧linobe: —Samuel, ida̧ökö Saulnö öpöjödö yöta̧lajabe, Saulma chömöledö israel jojodö tjuluwo̧ ö̧joböma chöpöjöda jö̧ba̧lö, ¿jö̧tö? Jo̧kwajabetjö̧, dokwa lekwe ina Saulnö o̧'wo tjo̧achö kwubudekwakwa̧da? Tjowi, budekwö kabati. O̧te tobebi i̧sa̧yunö, ja̧danö jayu e'ewö Belen jojo Isai ö̧jobekwö 'ya̧wi, jo̧ba itji̧mutjö bakwo̧nö omudawö chujunajobetjö̧, israel jojodö la'aka tjuluwo̧ baibobö, —jö̧ba̧lö.

1 Samuel 15:28

Kȩachajiökwe, Samuelma Saulnö yöawinobe, —Babe bi̧do̧ kȩebö loköbaja̧danö, Isabenö Jo̧ma israel jojodö la'aka tjuluwo̧ kwö̧ji̧ma ökwötjö kȩebö loajabe, kwömöledö israel jojodötjö jelo̧nöda iyobö, ökwötjö bajalekwönönö otiwo̧nö.

1 Samuel 13:14

Jo̧kwaijayonö, a̧ja̧kwökönö kwö̧jiökwe, israel jojodö la'aka luwo̧ kwö̧ji̧ma, lekwema kwö̧jö̧kakobe. Isabenö Jo̧ma iteda omukwati̧danö omukwato̧nö isakwajabe, ja̧danö jo̧banö weajabe, ökwö kwö̧jo jö̧ka̧lemi jo̧bada iteda ömöledö israel jojodö tjuluwo̧ ö̧jobö. Ökwöma Dios wei̧ a̧ja̧kwökönö kwö̧jiökwe, Isabenö Jo̧ma balekwo̧nö kwö̧jemi ö̧jobö weobe, —jö̧ba̧lö yöawinobe Samuelma, Saulnö.