Biblia Todo Logo
Bib sou entènèt

- Piblisite -




Hechos 7:16 - Dios Iwene

16 Jobetjö wobajadönöma e'ewijadötö tjitebobe, Siquembe tjödobö. Jobe jobadönö lödijadötö i̧lȩdo̧ okwa, Abraham midö eminena Hamor i̧tji̧munötjö.

Gade chapit la Kopi




Hechos 7:16
11 Referans Kwoze  

Ja̧danö, tja'dömine Jose iwe'iju, Egipto nijitjö tjichejebina iwe'ijuma, Siquen comunidadtjö tjo̧tjinobe. Ja̧ Josenö tjo̧tjinemima, damötjö̧ Jacob Siquen mikwo̧ abedo Jamor mikwo̧tjö midö eminemi. Jacobma cien balada ö̧pibiya imidinobe Jamornö, iteda itea niji baibanö emobö, ja̧danö ja̧ nijima Jose itji̧mu tupadanö jojodö tjitea niji baibinobe.


Jejenö jö̧a̧lökwe: —Jao kwatjö̧ma otiwa— jö̧ba̧lijetö Abrahamma. Ikenama plata jawa ö̧pi̧bi̧yama nönö ba̧jadijetö, tea iyadö nönö tjöba̧jadi̧danö. Efrón okobe deinö tjeda̧lonö mikwawi̧ yöa̧laja̧danö nönö ba̧ja̧dijetö Abrahamma.


Ja̧danö, latjebakwa̧ abönö Moisésma webijetö Josémine iwe'iju jobadö tje'ewobö, José damötjö ö'wö baibakwa̧ abönö aebinadanö. Damötjö José ö'wö baibakwa̧ abönö ömöledönö yöbawö tjujunobö aebinobe, ju'wi möle ökwödötjö tupadanö jojodöma belö latjebakobe, Dios tjö̧jibinö pjaatobetjö̧. Jo̧kwaobetjö̧ isabenö kwiweneduwima yöbawö junaduwi babeda, jobadöma latjebena ötjö chiwe'iju tje'ewakobe, jö̧ba̧lö.


Jo̧banö e'ewijadötö Canaán nijibe, jobeda tjödobö, Macpela i̧lȩdo̧ okwa. Ja̧ i̧lȩdo̧ma Mamré comunidad ö'öbö ji̧jetö. Ajayinöma Abrahamma emijetö ja̧ i̧lȩdo̧ma hiteo jojo Efronnötjö̧, ömöledönö ba̧kwȩlöjatebö lödawemi baibanö.


Jejenö wobijotö Raquelma, ja̧ mölema. Wobajujunö o̧tjijetö Efrata comunidad, babe mölȩ Belen mikwemi 'ya̧kwawama ö'öbö. Babebi ja̧ma mana Jerusalénbe dötewama.


—Ötjöma jelobetjö ichina ökwödökwö jo̧sa. Ja̧danö atebaduwakwö: Mikwanö kwiyaduwotjö niji, chilekwonö chödo— abebijetö Abrahamma.


Cha'dödöminenö tjödinobekwöda ötjönö kwödobö chösöda. Jo̧kwaobetjö̧ wotenama belö Egiptotjö labebö kwe'ewotjö jobadö tjödinobekwöda, Canaán nijibe— webijetö Jacobma itji̧ Josénöma. Jejenö weökwe: —Jau chabe'do, weköbi̧danö ökwönö jobekwö chödobö e'ewö chi̧'yocha— jö̧alökwe:


Jejenö, Jacob i̧tji̧muma okobe jwiinö tjabe'do weina a̧ja̧kwijadötö.


Swiv nou:

Piblisite


Piblisite