Hechos 5:33 - Dios Iwene

³³ Ja̧danö, jobadö la'aka luwedöma, Jesús webawedö yötjawobe a̧ja̧kwö jwiinö labijadötö, Kwabö lododönö, jö̧ba̧lö.

Hechos 5:33 Referans Kwoze

Hechos 7:54

Jejenö yöawiawö̧ judío jojodötjö la'aka luwedöma jwiinö labijadötö, tjo'yebiya kikiso ja̧bö.

Hechos 2:37

Ikenama jojodöma Pedro yöawi̧ a̧ja̧kwö yelösöda tjo̧'wo̧ tjo̧bekwibijadötö. Tjo̧'wo̧ tjo̧bekwö Pedronö ju'wedö Jesús webawedönö abebö a̧ja̧kwijadötö: —Dömöledö, jejenö ji̧tjöma ¿dakwö ja̧dakwa̧da?— abebö a̧ja̧kwijadötö.

Juan 16:2

Jau, inia tjököbaduwinö baledakobe ökwödönöma. Kwömöledöduwi judío jojodöma jobadökwö ba̧nö kwa̧ja̧kwa̧laduweju tekachaduwoböma wetjökakobe, ötjönö ösödö kwö̧jaduwobetjö̧. Yelösöda ja̧ mölema jojodöma ökwödönö kwabö lotjakobe, Diosma jejenö kwabö lodobö ösöda, jö̧ba̧lö, tjomukwatobetjö̧.

Mateo 24:9

Ikenama ökwödönö iyö lotjakobe, usula kwemawaduwinö ja̧tjobö, ja̧danö ökwödönö kwabö lotjakobe, ja̧danö ötjö chöba̧ja̧di̧ waisachadököbaduwobetjö̧, okobe deinö ökwödönö tjöpöjödakobe.

Mateo 10:25

Jau chömöledö, waisachadöma, jobadönö ba̧ja̧do̧danö ichejekwadö batjibobö ösödadö, ja̧danö bakwo̧ ömöayedöma tjuluwo̧danö ichejekwadö batjibobö ösödadö, ¿jö̧tö? Ökwödöbi ja̧danö chömöledö, ötjö chöba̧ja̧dawö̧köbaduwobetjö̧, ja̧danö ötjö chömöayedököbaduwobetjö̧, ötjödanö ichejekwadö bakibaduwobö jo̧be. Ja̧danö, ötjödanö kwichejekwaduwobetjö̧, isabenö ötjönö tjöpöjödi̧danö bakwainö ökwödönöbi tjöpöjödakwedö ötjönö öpöjödadöma chömöledö. Jo̧kwajabetjö̧ ötjönö, kwuluwo̧duwinö tjo̧'wo̧ luwo̧nö sulabedö la'aka tjuluwo̧ Awetja jö̧ba̧lö sulabenö ötjabitjö̧ma, ¿ökwödö chöba̧ja̧di̧ waisachadönö sulabenö yötja̧lökenaji̧? Isabenö sulabenö yötja̧lakwedö ökwödönö, ja̧tjö bajalekwönönö isabenö ökwödö chömöledönöbi sulabenö yötja̧lakwedö— jö̧ba̧lö yöawinobe Jesúsma iteda öba̧ja̧di̧ waisachadönö.

Mateo 10:21

Jau chömöledö, ötjönö öpöjödadöma, yöne tjö̧ja̧wo̧döda ötjönö ösödadönöma iyö lotjakobe, kwabö lotjobö, ja̧danö ju'wedöma idöda tji̧tji̧munö iyö lotjakobe, ja̧danö ju'wedöma tjabe'dodönö öpöjödö iyö lotjakobe, tjabe'dodönö kwabö lotjobö, ötjönö tjösödobetjö̧.

Hechos 22:22

Pabloma jejenö yöawawö̧ judío jojodöma ajayinö a̧ja̧kwa̧löda bi̧jadötö. Jo̧kwaijayonö, Judío jojodöböködönöda yötawobö weinobe, jö̧ba̧lö, yöawiawö̧ jwiinö tjo̧'wo̧ sulachibanö jwöbeba̧lijadötö, Kwabö lodonö, jö̧ba̧lö.

Hechos 9:23

Ja̧danö, lekwe möle baledajena, judío jojodö, Ite Saulonöma kwabö lodonö, jö̧ba̧lö, omukwata̧lijadötö.

Juan 15:20

Kwomukwataduwo ötjö ökwödönö yötawaja̧ma, biya̧: Ömöayedöma tjuluwo̧nötjö o̧penönö mikwawöködö, ¿jö̧tö? Tjuluwo̧nö inia tjöjinö baledobö ji̧tjöma, ömöayedönöbi inia tjötjinö baledobö jo̧be, ¿jö̧tö? Jo̧kwaobetjö̧ yötawaduwakwö. Ötjö, kwuluwo̧duwinö inia tjötinö ja̧tji̧danö ökwödö, chömöayedönöbi inia tjököbaduwinö ja̧tjakobe. Ja̧danö, jojodötjö ju'wedö ötjö yötawi̧ a̧ja̧kwö do̧tjati̧danö, ju'wedöma ökwödö yökawaduwi̧ a̧ja̧kwö do̧tjatakwedö.

Lucas 20:19

Jejenö yöa̧liawö̧, ö'weje pjabatadötjö la'aka tjuluwedöbi Moisés iwȩyudina ba̧ja̧dadöbi tjöwaisinobe, wanedö yöawaja̧ma, Ötjönö kwöpöjödaduwobetjö̧ Dios lȩebakwawö̧ja jö̧ba̧lö wanedö yöawobe jö̧ba̧lö, jo̧kwajabetjö̧ dameakwö, tjo̧'wo̧ sulinö juluwanö Jesúsnö do̧tjatobö tjösödinobe. Jo̧kwaijayonö, jojodö Jesúsnö tjösödiawö̧, Jesúsnö do̧tjatoböma yetjabinobe, Jojodö tjöba a'otjö Jesúsnö do̧datitjö̧ma, jojodötjö wene baibena, ökwödönö tjölabena, jö̧ba̧lö yetjabinobe.

Lucas 6:11

Ikenama, jejenö otikwökö möle ömamu 'wabo̧nö otidö loiawö̧, Moisés iwȩyudina ba̧ja̧dadöbi, fariseo jojodöbi jwiinö tjölabinobe Jesúsnö, ja̧danö Jesúsnö öpöjödö yötja̧lakwawinobe, Jesúsnö sulabenö ja̧tjakwa̧ma.

Mateo 1:19

Jemakwo̧ José mikwo̧ma Dios wei̧ a̧ja̧kwö ö̧jinobe, ja̧danö metu'wo jö̧jiökwe emökönö Maríanö kaatibobö omukwatinobe. Jo̧kwaijayonö, kaatibobö omukwatinajayonö, Maríama sulabenö ja̧buju, katatibajö jö̧ba̧lö jojodö tjöba a'otjö yöawobö öpöjödinobe, jobujunö taba lö̧japji jö̧ba̧lö. Jo̧kwajabetjö̧ sulabenö ja̧jaja̧ yöbawökönö kaatibobö omukwatinobe.