Hechos 5:30 - Dios Iwene

³⁰ Diosma, ökwödö da'dödömine Tjuluwo̧ Diosma, Jesúsnö, towisa'onö bȩbö tjujunobö weköbinaduwökwenöma yemidanö tjeachajinö ja̧bijetö.

Hechos 5:30 Referans Kwoze

Gálatas 3:13

Ja̧danö, Dios weina Moisés iwȩyudinatjö Dios lȩebi̧ma demo jö̧da̧linobe chömöledö, okobe jwiinö laebi̧danö ja̧dokobetjö̧. Jo̧kwaijayonö ökwödö Dios lȩebi̧tjö demo jö̧da̧linama, Cristonöda baibinobe. Dios lȩebi̧ma Cristonö baibinobe Dios iwene laebi̧danö. Baikwö laebobe Dios iwenema: Okobe deinö towinö la̧dönöma, Dios lȩebawö̧, jö̧ba̧lö laebobe.

1 Pedro 2:24

Jau chömöledö, Cristoma isabenö ökwödönö pjabatö usula emawinobe. Ökwödö sulabenö ja̧dobetjö̧ Dios lȩebi̧tjö demo jö̧da̧linobe chömöledö, jo̧kwaijayonö ökwödö demawo jö̧da̧linama, jo̧bada dusula emawö towisa'onö ö̧linobe. Jejenö midawö woinobe, ökwödöma suli̧ ujulutjö ji̧bö, otiwanö ja̧bö dö̧jakobetjö̧. Jau chömöledö, kwakwatji̧tjö jo̧bada usula emawinobetjö̧, ökwödöma kwö'wöchaduwi̧tjö ji̧binadöja.

Hechos 10:39

Ja̧danö, ökwödöma dedijatö Jesús otidobe, Jerusaléntjöbi, jelobe judíos tjuju̧kwobetjöbi. Ju'wibi yötawa: Jojodöma jo̧banöma ö'wöchinö ja̧bö towisa'onö bȩbö tjujunijatö.

Hechos 22:14

Jo̧bama ötjönöma yöawijatö, Saulo, da'dödömine tjuluwo̧ Diosma ökwönö 'da̧batö ujuninobe, jo̧ba ösödi̧ kwöwaisachibobö. Diosma ökwönö 'da̧batö ujuninobe iteda itji̧nö, iteda wei̧ ja̧bo̧nö, suli̧ jwibo̧nö waisachiböbi kwöwaisachibobö, iwene a̧ja̧kwöbi kwa̧ja̧kwobö.

Hechos 3:26

Jo̧kwaobetjö̧ Diosma webijetö Jesúsnö iteda weina ja̧akwo̧nö. Webijetö Jesúsnö ökwödönöma, judío jojodönöma abönöma, ökwödönö pjaatobö, okobe deinö sulabenö kwujuna̧laduwi̧ kakatibaduwinö— yöbawijetö Pedroma.

Hechos 2:32

Ina yöbawijetö: —Dios yemidanö 'yaibajinö ja̧inökwema Jesúsda. Jweinö yödawa, ökwödöma jo̧banö yemidanö 'yabibajo̧nö dedinobetjö̧— yöbawijetö—.

1 Crónicas 29:18

—Chuluwo̧ Isabenö Jo̧, da'dödö Abrahambi, Isaacbi, Israelbi tjösödinökwe Dios, baikwö atebakwö: Kwömöledö israel jojodönö pjakatobö atebakwö, ba̧kwelöjatebö weköbi̧ a̧ja̧kwö tjö̧jobö tjösödakobetjö̧, ja̧danö ba̧kwelöjatebö balewachökönö, ökwönö ösödö tjö̧jakobetjö̧.

1 Crónicas 12:17

Jobekwö ö̧jobekwö tjichiökwe, jobadönö edö laebinobe Davidma, ja̧danö jobadönö yöa̧linobe: —Ökwödöma chömöledö ja̧nö, ötjönö pjakataduwotö jö̧ba̧lö kwichaduwitjö̧ma, otiwa, ökwödönö chösödakwo̧sa, ja̧danö isabenö dömöledö ja̧nö, wene jwiinö dö̧jakwedösa. Jo̧kwaijayonö, sulabenö ja̧tinököjayonö, ötjönö suli̧ kwöwaedaduwotö jö̧ba̧lö, chöpöjojodönö iyö loköbaduwobö kwichaduwitjö̧ma, da'dödö tjösödinökwe Diosnö ateba, sulabenö kwomukwataduwi̧ edö, ökwödönö lȩebobö, —jö̧ba̧lö yöa̧linobe.