Hechos 5:2 - Dios Iwene

² Ja̧ niji midö tjemaja̧ baladama ö'wiawijadötö Ananíasma, ja̧danö, ilekwobi. Jobadöma jelobekwö omukwatijadötö, Biya̧ baladama okobe jwiinö diyökö Jesús webawedönöma, jö̧ba̧lö. 'Da̧batö dujunaja̧ma yöbawökönö, omöna iyö yödawo, Biya̧ okobe jwiinö balada pjabatö diya, jö̧ba̧lö. Jejenö omukwatijadötö Ananíasma, ilekwobi, tjemaja̧ baladama ö'wiawö. Ikenama, jejenö omukwatö, Ananíasma balada iyö 'yi̧jetö Jesús webawedö tjuju̧kwobekwö. Ichibö tjomukwati̧danö omöna yöba̧lö iyijetö.

Hechos 5:2 Referans Kwoze

Hechos 4:37

Jo̧bama iyijetö u̧kwa nijima. Ja̧danö, iyaja̧ mikwa baladama iyijetö Jesús webawedönö, jwibadönö tjiyobö.

Hechos 5:3

Jejenö iyiökwe Pedroma jö̧ba̧lijetö: —Ananías, kwu̧kwa niji midö kwemaja̧ baladama ¿tajawedö Awetja ökwö kwomajade okwanö yöali̧danö yöka̧lajabe? ¿Tajawedö Dios O̧'wo̧ Luwo̧nö omöna yöka̧laja̧da, kwu̧kwa niji midö tjemaja̧ baladama?— jö̧ba̧lijetö—

Juan 12:6

Jejenö jö̧a̧lijayonö Judasma usulasedönö pjaatoböma omukwatinokobe. Itedada emobö omukwatinobe, naukwabo̧obetjö̧. Jo̧bama ömöledö tju̧kwa balada te'ada̧lö jo̧obetjö̧, itedada ösödena baladama emiainobe, balada anawapjotjö.

Mateo 23:5

Okobe jwiinö jobadö ja̧tji̧ma, jojodö jobadönö tjedo jö̧ba̧lö ja̧badö. Jau chömöledö, jobadöma Dios iwene jawatjö wȩyukwöja isapjo nöapjo okwa anö, tjöbanöbi tjöjanöbi di̧batakwawedö, ja̧danö tjökamijido̧ ö'öbönö isa'ye ödöa'ye di̧batadö, isabenö jwaikwöda Diosnö ösödadösa jö̧ba̧lö.

1 Timoteo 6:10

Jau Timoteo, baikwö wanedö yötawa: Balada ösödakwawama, sulabe bö'diadanö ji̧, ja̧danö balada ösödakwawatjö, nöinö suli̧ pokwobedanö ichejekwa. Ja̧danö, ju'wedö nöinö balada tjujuna̧lobö tjösödobetjö̧, Cristonö ösödö dö̧ji̧tjö 'da̧bachibö tji̧'yajabe, balada tjujuna̧lobö isakwö. Ja̧danö, jejenö 'da̧bachibö tji̧'yajabema, kabatökönö jwiinö o̧'wo̧ tjo̧achadö tjuju̧kwobe.

Filipenses 2:3

Ja̧danö, ja̧köbaduwi̧ma, ökwödöda kwemaduwotö jö̧ba̧löma kwisakwaduwoko, ja̧danö ökwödönö tjomukwatoböma, Aaa, bidöma otiwadö jö̧ba̧lö tjomukwatoböma kwisakwaduwoko chömöledö. Jau chömöledö, mikwawadösa jö̧ba̧löma kwomukwataduwoko, ju'wedönöda kwösödaduwo, ötjönötjö bajalekwönönö mikwawadö jö̧ba̧lö.

Hechos 2:44

Okobe deinö Jesúsnö ösödadöma bakwainö omukwata̧lö ju̧kwiabijadötö. Ja̧danö, tea jojodöma tju̧kwa teatjö iyiabijadötö jobadötjö usula jojodönöma.

Hechos 5:1

Ja̧danö, bakwo̧ Ananías mikwo̧ ji̧jetö. Jo̧ba ilekwoma Safira mikwijotö. Ananíasma, u̧kwa niji mikwanö jö̧ba̧lö iyijetö.

Hechos 5:8

Pedroma jobujunö abebö a̧ja̧kwijetö: —Yöbawitjö, biya̧ baladama, kwilekwe iyaja̧ma, okobe jwiinö kwu̧kwa nijiduwi mikwanö jö̧ba̧lö kwiyinaduwa baladama, biya̧daji̧?— abebö a̧ja̧kwoko: —Jau, biya̧da— atadijotö.