Hechos 4:21 - Dios Iwene

^21-22 Jejenö jö̧tja̧liawö̧, la'aka luwedöma Pedronö, Juannö, Inia tjötjobö wedo, jö̧ba̧lö, omukwatijadötö. Jo̧kwaijayonö jejenö wetjobö jwibijadötö, jojodöma tjöpöjödobetjö̧. Okobe deinö jobe ju̧kwadöma kwebachö̧kö̧nö otiwanö baibanö otidinobetjö̧ Diosnö ösödijadötö. Jo̧bama, ömasapiya otiwanö baibajökwema, cuarenta o̧biya tupakwö juna̧lijetö. Lekwe kwebachökönö ji̧nanö otiwanö baibinobetjö̧ jojodöma Diosnö ösödijadötö. Jo̧kwaobetjö̧ la'aka luwedöma inia tjötjobö webökönö, labebijadötö Pedronö, Juannö. Jobadönö yemidanö, Jojodönö yökawaduwoko, jö̧ba̧lö, lȩbebö labebijadötö.

Hechos 4:21 Referans Kwoze

Hechos 5:26

Jejenö jö̧a̧liawö̧ Dios eju te'ada̧lakwawa jojodö tjuluwo̧ma ömöayedökwö Jesús webawedönö do̧tjatotö jö̧ba̧lö tjöba̧ja̧dobekwö 'yi̧jadötö. 'Ya̧jadöma jobadönö do̧tjatijayonö labinö inia tjötjinö ja̧tjobö webijöködötö, jojodö tjölabipji jö̧ba̧lö, ökwödönö kwabö lotjapji jö̧ba̧lö, inawiya ikwawö.

Lucas 22:2

Ja̧danö, Jesúsnö öpöjödadö Diostjö jojodötjö ö'weje pjabatadötjö la'aka luwedöbi, Moisés iwȩyudina ba̧ja̧dadöbi Jesúsnö do̧batö kwabö lotjobö jö̧tja̧linobe, jo̧kwaijayonö ba̧jekwadö jojodö Jesúsnö tjösödiawö̧, Jesúsnö do̧tjatoböma yetjabinobe. Jo̧kwajabetjö̧, jobadöma ko̧ko̧kwö omukwatö tjisakwinobe, dakwö wene jwiinö Jesúsnö kwabö lodakwa̧jö jö̧ba̧lö.

Lucas 20:19

Jejenö yöa̧liawö̧, ö'weje pjabatadötjö la'aka tjuluwedöbi Moisés iwȩyudina ba̧ja̧dadöbi tjöwaisinobe, wanedö yöawaja̧ma, Ötjönö kwöpöjödaduwobetjö̧ Dios lȩebakwawö̧ja jö̧ba̧lö wanedö yöawobe jö̧ba̧lö, jo̧kwajabetjö̧ dameakwö, tjo̧'wo̧ sulinö juluwanö Jesúsnö do̧tjatobö tjösödinobe. Jo̧kwaijayonö, jojodö Jesúsnö tjösödiawö̧, Jesúsnö do̧tjatoböma yetjabinobe, Jojodö tjöba a'otjö Jesúsnö do̧datitjö̧ma, jojodötjö wene baibena, ökwödönö tjölabena, jö̧ba̧lö yetjabinobe.

Lucas 20:6

Jo̧kwaijayonö jojodöda wetjinökwe jö̧ba̧lö dataditjö̧ma jojodö a̧ja̧kwö tjölabena. Jojodö tjedemi Juanma isabenö Dios yöawi̧ yöbawina jö̧ba̧lö tjomukwatobe, ja̧danö jejenö tjomukwatobetjö̧, ökwödönö kwabö lobö inawiya tjikwawena— jö̧ba̧lö yötja̧lakwawinobe.

Mateo 21:46

Jo̧kwajabetjö̧ Jesúsnö öpöjödö jo̧banö do̧tjatobö tjösödinobe, jo̧kwaijayonö jojodö Jesúsnö, Dios yöawi̧ yöbawo̧, jö̧ba̧lö Jesúsnö tjösödiawö̧, jojodönö yebabinö Jesúsnö do̧tjatinokobe.

Mateo 9:8

Jejenö a̧laibiawö̧, jobe ko̧ko̧kwajadö jojodöma yetjaibinobe, Ayö, bitema juluwo̧we, jö̧ba̧lö, ja̧danö jobadöma Diosnö tjösödinobe, Isabenö juluwo̧nö otiwanö weinobe, jö̧ba̧lö.

Hechos 5:40

Jejenö jö̧a̧liawö̧ la'aka luwedöma Gamaliel yöawaja̧danö ja̧bijadötö. Jesús webawedönöma yemidanö tetjachobö jwöbijadötö. Tebachajadönö kwakwaböda kwakwabijadötö 'diasonö. Kwakwabajadö webijadötö jobetjö latjebobö, La'akatjöda Jesús ö̧jina yökawaduwoko, jö̧ba̧lö.

Hechos 4:17

Jejenöijayonö jobadönö lȩdebodönö, Jesús jawama yökawaduwoko, jö̧ba̧lö. Ja̧danö, Jesús ujulunö otiwanö baibinobe kwebachö̧kö̧nöma, jö̧ba̧lö, yökawaduwoko, lȩdebodönö, ba̧jekwadö tja̧ja̧kwapji jö̧ba̧lö— yöba̧lakwawijadötö.

Lucas 13:17

Jejenö yöawiawö̧, Jesúsnö öpöjödadöma taba̧lawö̧ tjö̧jinobe, jo̧kwaijayonö ju'wedö jojodöma tjo̧'wo̧ ösöwachibanö tjösödinobe, Jesúsma isabenö otiwa jawa otido̧ jö̧ba̧lö.

Lucas 5:26

Jejenö a̧laibiawö̧, tjöbajale jalaka baibanö tjedinobe jojodöma, ja̧danö Diosnö tjösödinobe, Isabenö edajidökö jawa otiwa jawa dedajabe babe mölema, jö̧ba̧lö.

Mateo 26:5

Jejenö omukwatö yötja̧linobe: —Jojodö pjiesta tjujunonö jo̧banö do̧datoko, pjiesta tjujunonö jo̧banö do̧datitjö̧ma, jo̧banö do̧dati̧ edö jojodö tjölabipji jö̧ba̧lö— yötja̧linobe.

Mateo 15:31

Jojodö tjöbajale jalaka baibanö yöba̧löködö yötja̧lobe tja̧ja̧kwinobe, ja̧danö 'delacha̧ladö otiwanö babibajadönö tjedinobe, ja̧danö kwebachöködö kwetjachobe tjedinobe, ja̧danö tjöbajale tjewawadö otiwanö tjedobe tjedinobe. Jejenö edö, Israel jojodö tjuluwo̧ Diosnö tjösödinobe, otiwanö pjabato̧ja jö̧ba̧lö.

Mateo 9:33

Jesús o̧'wo̧ luwo̧nö sulabo̧nö a'dewö loaja̧ ikenama, jo̧ba yöba̧lö̧kö̧ma yöa̧linobe. Ja̧danö okobe deinö edadöma tjöbajale jalaka baibanö tjö̧jinobe: —¡La'akatjöda biya̧jaye baledi̧ma ditebo Israel nijitjöma edajidökötö! — jö̧ba̧lö yötja̧linobe.

Hechos 5:13

Ja̧danö, ju'wedö, Jesúsnö öpöjödadöma otiwanö ösödö omukwatijadötö Jesúsnö ösödadönöma. Jo̧kwaijayonö, ko̧ko̧kwö tjö̧jobekwö 'yi̧jöködötö, yebabinö.