Hechos 4:10 - Dios Iwene

¹⁰ Jejenö akebaduwitjö̧ yötawa ökwödönöbi, okobe deinö israel jojodönöbi kwöwaisachibaduwobö. Jesucristo, Nazaretnö da̧peachina ujulunöda otiwanö baibinobe jo̧ba kwebachö̧kö̧nöma. Ökwödö bȩbö tjujunobö weköbaduwinökwe ö'wöchajo̧ yemidanö 'yabibajina, jo̧ba ujulunöda baibinobe— atadijetö—.

Hechos 4:10 Referans Kwoze

Hechos 3:6

Jo̧kwaijayonö Pedroma jö̧ba̧lijetö jo̧banöma: —Ötjöma orobi, platabi jwibo̧sa. Jo̧kwaijayonö, chujuna̧li̧tjö pjatatokwö. Jesucristo Nazaretnö da̧peachina ujulunö wetakwö: ¡A̧laibö 'ya̧wi!— jö̧ba̧lijetö.

Hechos 2:36

Ina yöbawijetö Pedroma: —Jo̧kwaobetjö̧ babema jweinö yöta̧la ökwödönö, israel jojodönö. Ökwödöda öpöjödö towisa'onö bȩtjobö weköbaduwinökwema Jesúsda. Jo̧kwaijayonö kwöpöjödaduwökwenöma Diosma yöbawö junijetö ökwödö Duluwo̧ baibanö. Ja̧danö, Diosma yöbawö junijetö Jesúsnöma ökwödö dö̧jibinö pjaatobö— jö̧ba̧lijetö Pedroma.

Hechos 28:28

Ina yöbawijetö: —A̧ja̧kwaduwitjö kwöwaisachibaduwinö. Ökwödöma, judío jojodöma Dios pjaatina kwöpöjödaduwijatö, jojodö tjö̧jibinö pjaatinama. Jo̧kwaobetjö̧ Diosma webijetö judío jojodöböködönö tja̧ja̧kwobö. Isabenö jobadöma tja̧ja̧kwobö jö̧ba̧ladö, Dios iwenema— yöbawijetö Pabloma.

Daniel 3:18

Jo̧kwaijayonö, kwöwaisobö jo̧be la'aka duluwo̧, Diosma dö̧jibinö pjaatökötjö̧bi, yayonö la'akatjöda kwösödawö̧ o̧'wo̧ jawanöbi, orotjö otidö kwujuninökwe o̧'wo̧ jawanöbi la'akatjöda dösödökakwedösa, Duluwo̧ Diosnöda dösödakwedösa— jö̧ba̧lö tjatadinobe Nabucodonosornö.

Romanos 1:4

Jojo baibanö jeminökwenöma, Diosma iteda ujulunö i̧sebinobe, Bitema ötjöda chitji̧, jö̧ba̧lö. Baikwö i̧sebinobe chömöledö: Yemidanö woawatjö tjeachajinö ja̧böda i̧sebinobe, Jesúsma ötjöda chitji̧, jö̧ba̧lö. Jau chömöledö, ökwödö Duluwo̧ Jesucristonöda tjeachajinö ja̧inobe Diosma: Bitema ötjöda chitji̧, jö̧ba̧lö.

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

Hechos 2:32

Ina yöbawijetö: —Dios yemidanö 'yaibajinö ja̧inökwema Jesúsda. Jweinö yödawa, ökwödöma jo̧banö yemidanö 'yabibajo̧nö dedinobetjö̧— yöbawijetö—.

Lucas 18:37

Abebö a̧ja̧kwawö̧, yötjawinobe: —Jesús Nazaret jojoma öbaledobeta. Jo̧bama babeda öbaledobe— jö̧ba̧lö.