Hechos 3:2 - Dios Iwene

² Tjichena ju'wedöma bakwo̧nö, kwebachö̧kö̧nö e'ewö ichejebijadötö. Jo̧ba kwebachö̧kö̧ma, la'akatjöda ömasapiya sulina. Ja̧danö, ju'wi möle jwiinö ju'wedöma jo̧banö ichejebiabijadötö Dios eju tjöekwemi apjude a'o ö̧bobö. Jade apjudema, otiwade, mikwade. Jena ba̧nö jo̧ba kwebachö̧kö̧ma Dios eju tjöekwemi okwa tebachadönö balada abeba̧lö bi̧abijetö.

Hechos 3:2 Referans Kwoze

Hechos 14:8

Jobe, Listranö bakwo̧, ömasapiya 'wabo̧ma ji̧jetö. Jo̧bama la'akatjöda ömasapiya sulina, la'akatjöda kwebachinö̧kö̧.

Juan 9:8

Jojodöma, jo̧ba ö̧jobe yöneawinö ju̧kwadöma, jo̧banö waisadöma, jo̧banö edö: —Bitema lekwe möle ediadinökwe. Ba̧nö jojodönö balada abeba̧lo̧— jö̧tja̧linobe—. ¿Jo̧badaji̧? jö̧tja̧linobe, idödada.

Lucas 16:20

Ja̧danö, jo̧ba eju apjude ö'öbönö, jelo̧ ö̧binobe, Lázaro mikwo̧ma. Jo̧ba Lázaroma usulaso̧inobe, ja̧danö ju'wibi i̧sȩdo̧ bakwameachibanö wale'debiya ba̧jökwe ö'wöchinobe.

Hechos 10:31

Jo̧bama öwawachö jö̧a̧lijatö, baikwö: Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Lucas 18:35

Jerusalénbe 'ya̧nö, Jerico comunidad yöneawinö ichibinobe Jesúsma, ja̧danö ba̧jekwadö jojodö jo̧bakwö kwetjachinobe. Ja̧danö, jobe ichibonö bakwo̧ öbajale tjewawo̧ma mana ö'öbö ba̧nö jojodönö aeba̧linobe.

Hechos 10:4

Ja̧danö, Cornelioma jo̧banö edö jwiinö yebaibijetö. Atadijetö: —¿Tajida Chuluwo̧?— jejenö atadökwe ángelma jö̧ba̧lijetö: —Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Hechos 3:10

Tjedemi, ¿Tajijö? Itema tjöekwemi apjude, otiwade mikwade ö'öbö ba̧nö abeba̧lajibo̧. Jo̧banöma ¿dakwö otiwanö baibaja̧jö? jö̧ba̧lö, edijadötö.