Hechos 3:14 - Dios Iwene

¹⁴ Jesúsnö, suli̧ jwibo̧nö, Dioskwö wene jwibo̧nö öpöjödö, laeboböma akebaduwijökötö, Jesúsnö labebökönuwi, jö̧ba̧lö. Jo̧banö laebo jö̧ba̧lö weköbaduwokonö jelo̧nö, sulabo̧nö, jojodönö kwabö lobinanöda weköbaduwijatö Pilato laeboböma.

Hechos 3:14 Referans Kwoze

Marcos 1:24

Jo̧ba sulabo̧ma, jojo a̧jiökwema, Jesúsnö jwöbeba̧lö jö̧ba̧lijetö, iwenema jojo aatjö labebö: —Jesús, Nazarettjö bötjachino̧ja ¿tajawedö kwichaja̧da? ¿Ökwödönö kwabö lobö kwichaja̧ji̧? Ötjöma chöwaisa ökwönöma. Ökwöma Dios weinökweja. Ja̧danö, suli̧ jwibo̧ja ökwöma—jwöbeba̧lö jö̧ba̧lijetö.

Hechos 7:52

Da'dödöminema, Dios yöawi̧ yöbawinadönö sulabenö ja̧tjinobe. Bakwo̧bi deobe sulabenö ja̧tjinökökwema. Dioskwö wene jwibo̧ ichakwa̧ yöbawinadönöbi kwabö lobijadötö. Babema ökwödöma da'dödöminema Dios yöawi̧ yöbawinadönö sulabenö ja̧tji̧danö ökwödöbi ja̧köbaduwijatö. Ja̧danö, ökwödöma Dios yöawi̧ yötjawinökwenö sulabenö iyö loköbaduwijadötö tjö'wötobö webö.

1 Pedro 3:18

Jau chömöledö, Diosma isabenö ökwödö usula kwemawaduwobö weena, baikwö yötawa: Duluwo̧ Cristo usula emawobö weinobe, ¿jö̧tö? Ja̧danö Duluwo̧ Cristo usula emawobö ji̧natjö̧ma, ¿ökwödö usula demawobö jwienaji̧? Jȩna chömöledö. Jau chömöledö, sulabe dujuna̧li̧ imidawo jö̧ba̧lö, Cristoma bakwötanöda midawö woinobe, okobe deinö tjusula midawö. Sulabe jwibo̧da midawö woinobe chömöledö, ökwödö dusula juna̧ladö Dioskwö dichibobö ja̧bö. Jau chömöledö, iteba'oma kwabö lotjinobe, jo̧kwaijayonö Diosma o̧'wo̧ luwo̧nö 'yaibajinö ja̧inobe.

Hechos 4:27

Ina abebijadötö: —Dios, döwaisa ja̧ yökawinama tjo̧wi̧ baledinobe. La'aka luwedöma, Herodes mikwo̧, Pilato mikwo̧ benada tjoko̧ko̧kwinobe israel jojodökwöbi, israel jojodöböködökwöbi. Jobadöma Jesúsnö kwabö loawa wetjobö ko̧ko̧kwa̧lö tjomukwata̧linobe. Ökwö weköbina ja̧bo̧nö, suli̧ jwibo̧nö, ökwö yöbawö kwujuninökwe Jesúsnö kwabö loawa wetjobö ko̧ko̧kwa̧lö tjomukwata̧linobe jobadöma.

Santiago 5:6

Ja̧danö, ökwödö juna̧ladöma yelösöda sulabenö omukwatö ja̧köbinaduwobe ju'wedönö, ökwödönö sulabenö omukwatöködönöma. Ja̧danö, jobadö otiwanö omukwatö ju̧kwadönö jwökeba̧linaduwobe böjȩnö lȩbebö yöbawo̧nöma, Sulabenö ja̧tjinobe, jö̧ba̧lö. Ja̧danö, ju'wedönö kwabö lotjobö weköbinaduwobe. Isabenö, ökwödö sulabenö ja̧badöma, sulabenö ja̧böködönö kwabö loköbinaduwobe. Biya̧da yötawa ökwödö juna̧ladönöma. A̧ja̧kwaduwitjö. Isabenö, ju'wi möle usula kwemaduwakwedöja.

Hechos 22:14

Jo̧bama ötjönöma yöawijatö, Saulo, da'dödömine tjuluwo̧ Diosma ökwönö 'da̧batö ujuninobe, jo̧ba ösödi̧ kwöwaisachibobö. Diosma ökwönö 'da̧batö ujuninobe iteda itji̧nö, iteda wei̧ ja̧bo̧nö, suli̧ jwibo̧nö waisachiböbi kwöwaisachibobö, iwene a̧ja̧kwöbi kwa̧ja̧kwobö.

Apocalipsis 3:7

Ja̧danö, chedökwema ina chiwȩyudobö weijatö: —Juan, biya̧ yötawi̧ma wȩyudi weköbo, Filadelfia jojodötjö ötjönö ko̧ko̧kwa̧lö ba̧nö ösödadönö te'ada̧lakwawa jojonöma. Jo̧banö weköbo, jobe ju̧kwadö ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma suli̧ jwibo̧ yöawi̧. Ja̧danö, jö̧a̧linadanö ja̧bo̧ yöawi̧, biya̧ chiwȩyudi̧ma. Ja̧danö, jo̧bama la'aka luwo̧ Davidmine u̧kwa yawepi̧ juna̧lo̧. Jo̧bada apjude po̧bebö tebato̧ma. Ja̧danö, jo̧bada apjude yö̧beböbi yö̧bebo̧. Jo̧bama baikwö yöawobe ökwödö Filadelfia jojodönö, jo̧banö ösödadönöma:

1 Juan 2:1

Chö̧ja̧wo̧dö chösödawö̧, böjanö yötawi̧ma, Sulabenö ja̧böma kwö̧jaduwoko, jö̧ba̧lö, yöbawö chiwȩyuda. Jo̧kwaijayonö sulabenö ja̧köbaduwena biya̧ yötawi̧ kwomukwataduwo. Jesucristoma Dios öba a'o jo̧. Jo̧bama jwiinö otiwo̧. Ja̧danö, jo̧bama ökwödönö pjabatö te'ada̧lo̧. Ja̧danö chö̧ja̧wo̧dö, sulabenö ja̧denama Jesucristoma Diosnö aebobe ja̧ sulabenö ja̧daja̧ma söbebö loobö. Ja̧danö, Jesucristoma Diosnö aebiökwe sulabenö ja̧köbaduwi̧ma söbebö loobe.

2 Corintios 5:21

Jau chömöledö, otiwa jawa wenema baikwö laebobe: Cristoma la'akatjöda sulabenö ja̧inököjayonö, Diosma weinobe, ökwödö sulabenö ja̧di̧ma Cristonö baibobö, jo̧bada midawö woobö. Jejenö weinobe chömöledö, ökwödöma Cristokwö dötewanö ja̧nö, Cristonötjö Dios sulabe jwii̧ ökwödöbi dujuna̧lakobetjö̧.

Hechos 2:27

Ja̧danö, ötjö Chuluwo̧ Diosnö yöta̧la: Chuluwo̧, wotaja̧ okobema ökwöma ötjö cho̧'wo̧ luwo̧nöma ba̧kwȩlö̧jatebö wobadö tja̧jemi cha̧jinöma weköbökakwo̧ja. Ötjönö a̧tjȩonö, i̧lȩdo̧ okwa tjödajökwenöma, 'doloböbi wotinöma weköbökakwo̧ja. Jejenöma ja̧köbökakwo̧ja ötjönöma, jwiinö otiwo̧nöma, ökwö weköbina ja̧bo̧nöma, jejenö yöta̧la Chuluwo̧ Diosnö.

Lucas 23:25

Atjebaja̧danö, romano jojodönö öpöjödö ölakwabikwawö kwakwabinanö, ja̧danö ju'wibi jojonö kwabö lobinanö ka̧lena tjödinökwe Barrabásnö ejatö laebinobe. Ja̧danö jo̧ba sulabo̧nö ejatö laebonö, sulabenö ja̧bö̧kö̧ Jesúsnö iyö loinobe, tjösödi̧danö kwabö lotjobö.

Lucas 1:35

Ajebiökwe ángelma atadinobe: —Dios O̧'wo̧ Luwo̧ma ökwönö ichakobe, ja̧danö okobe jwiinö juluwo̧ Dios ujuluma ökwönö ja̧kobe. Jo̧kwajabetjö̧ kwitji̧ma isabenö suli̧ jwibö ö̧jakobe, ja̧danö jo̧banö Dios Itji̧ jö̧ba̧lö ötjabikobe.

Marcos 15:11

Jo̧kwaijayonö ö'weje pjabatadö tjuluwedöma ida̧ökö jojodönö yemidanöbi yemidanöbi labinö webijadötö, Barrabásnöda webaduwi, jö̧ba̧lö, jo̧banöda Pilato labebö loo webaduwi, jö̧ba̧lö. Jo̧kwaobetjö̧ Jesúsnö labebö loobö öpöjödö Barrabásnöda labebö loobö ösödijadötö. Jo̧banöda labebö loobö webijadötö.

Marcos 15:7

Ja̧danö, Jesúsnö tjödena, jobe, ka̧lena ba̧kwawejunö ba̧jadökwö bo̧ma, Barrabás mikwo̧ bi̧jetö. Ajayinö jo̧bama, Barrabásma ju'wedö ömöledökwö, ölakwabikwawö kwakwabakwawijadötö romano jojodötjö ju'wedönöma. Jobadönö kwakwatjakwawelö jobadötjö ju'wedönö kwabö lobijadötö. Jo̧kwaiawö̧ romano jojodö tjuluwo̧ma Barrabásnöbi ömöledönöbi ka̧lena ba̧kwawejunö lödö lotjobö webijetö. Jejenö baledijetö ajayima.

Mateo 27:20

Pilato jojodönö ditenö ejatö latebakwa̧da aebenama, ö'weje pjabatadö la'aka tjuluwedöbi damöbi jojodönö wetjinobe: —Pilatonö akebaduwo, Barrabás mikwo̧nö ejatö laebobö, ja̧danö Jesúsnö kwabö loobö akebaduwo— jö̧ba̧lö.

Juan 16:10

Ja̧danö, jo̧ba ichakwo̧ma jojodö tjo̧'wo̧ luwo̧nö öwaitjöda yöawakobe ötjönöma, Jesúsda suli̧ jwibo̧, jö̧ba̧lö. Ja̧danö, yötawaduwakwö. Ötjöma suli̧ jwibo̧chobetjö̧ Chabe'do ö̧jobekwö chȩwa̧jakwo̧sa. Ökwödöma chȩwa̧jabe okobema kwedaduwökakwo̧sa ötjönöma.

Juan 18:40

—Jo̧banömaökö. Jelo̧, Barrabásnöda labebö lobi— jwötjeba̧linobe. Jo̧ba, Barrabás mikwo̧ma naukwabina.

Hechos 5:28

—Ökwödöma ¿tajawedö yelösöda kwa̧ja̧kwaduwököda? Labinö lȩdebijatö ökwödönöma, Jesús ö̧jina jawa yökawaduwoko, jö̧ba̧lö. Jejenö lȩdebinajayonö ökwödöma okobe jwiinö Jerusalén nijinö yökawaduwobe. Ju'wibi yöka̧laduwobe, ökwödönö waneda̧lö, Jesús woinama ökwödöda wedinobe, jö̧ba̧lö— jö̧ba̧lijetö.

Hechos 13:28

Jau, jobadöma, Jerusalénnö ju̧kwadöma, Jesús woo jö̧ba̧löma jwiijayonö Pilatonö abebijadötö, Jesúsnö kwabö loköbaduwo, jö̧ba̧lö.