Hechos 3:1 - Dios Iwene

¹ Ju'wi möle, Pedro, Juan, Dios ejube 'yi̧jadötö jojodö Diosnö abebö tebachajitjena.

Hechos 3:1 Referans Kwoze

Hechos 10:3

Ju'wi möle, ja̧wo̧ wöatena, ángelma öwaitjöda öwawachijetö Cornelionö, i̧'wi̧di̧danö. Ja̧danö, ángelma Cornelio eju okwa tebachö jwöbijetö: —Cornelio—jwöbijetö.

Hechos 4:13

Ja̧danö, Pedro, Juan otiwanö yebabökönö yötjawiawö̧ la'aka luwedöma a̧ja̧kwö jö̧ba̧lijadötö, idödada: —¿Tajijö? Bidöma jo̧kwada jojodö, waisachöködö. ¿Dakwö waisinö yötjawajö?—jö̧ba̧lijadötö. Ikenama jobadönö edö omukwatibijadötö, Aaa, Jesúskwö kwebachö ju̧kwiabinadö, jö̧ba̧lö.

Lucas 1:10

Ja̧danö, ba̧kwȩlö̧jatebö ja̧biatji̧danö, jo̧ba Dios ejutjö omewi̧ jawa ujuwonö, jojodöma a̧petutjö Diosnö ösödö atjebinobe.

Hechos 5:25

Ikenama, jelo̧ tebachö jö̧ba̧lijetö: —Duluwedö, yöbawö chichatö. Jobadö ka̧lena ba̧kwaweju okwa tjödinawö̧ma Dios eju okwada tjuju̧kwobe, jojodönö ba̧ja̧dö— jö̧ba̧lijetö.

Lucas 24:53

ja̧danö, jobe Jerusalénnö ja̧nö, kabatökönö Dios eju a̧petunö ja̧nö Diosnö tjösödinobe, Otiwanö pjabato̧ja, jö̧ba̧lö.

Hechos 8:14

Ja̧danö, jejenö Samaria nijitjö baledonö Jerusalénnö ji̧badö, Jesús webawedöma ju'wedö yötjawi̧, Samarianö ju̧kwadö Dios iwene a̧ja̧kwö tjösödinobe, jö̧ba̧lö, a̧ja̧kwijadötö. Jejenö a̧ja̧kwö jobadöma Pedronöbi Juannöbi webijadötö Samariabe tji̧'yobö.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Hechos 2:46

Ju'wi möle jwiinö Jesúsnö ösödadöma bakwainö omukwata̧lö, Dios eju okwa tebachö ji̧abijadötö. Tjejubiyatjö kwanöbi tebachö ji̧abijadötö, tjo̧'wo̧ ösöwanö, sulabenö tjomukwati̧ jwiinö.

Juan 21:7

Jejenö baibiökwe jobadötjö bakwo̧, Jesús ile niebökwema Pedronö jö̧a̧linobe: —Jo̧bada Duluwo̧ma— jö̧a̧linobe. Jejenö jö̧a̧liökwe Pedroma, omönanö, ba̧i̧ jwoobö 'yo̧ekwaja̧do̧, wamesa̧do̧ma yemidanö 'dubawibö ojwe okwa söibinobe, Jesús ö̧jobekwö kwöbö edö.

Lucas 22:8

Jo̧kwajabetjö̧, Jesúsma Pedronöbi Juannöbi weinobe: —'Ya̧nö kwotidaduwo makö yö̧te Dios mö öbaledina omukwatö dukwakwa̧ma, makö bakobe ba̧nö dukwakobetjö̧— jö̧ba̧lö.

Mateo 26:37

Ikenama, Pedronöbi, Zebedeo i̧tji̧mu Jacobonöbi, Juannöbi öbibö tupakwö i̧'yinobe. Ja̧danö, jobe ja̧nö, o̧'wo̧ tjo̧achö jwiinö o̧'wo̧ tjo̧achinobe Jesúsma,

Mateo 17:1

Jemi ikenama, jelemutjö bakwöta möle baledibajenama, Jesúsma Pedronöbi, Jacobonöbi, Jacobo öjawo̧ Juannöbi öbibö, mö'ösa'o möa'o önöchinobe jobadökwöda.

Daniel 9:21

Ja̧danö, jejenö budekwö abebö chö̧jayi, Gabrielma, ajayinö chi̧'wi̧dinö chedinökwe ángelso̧ma juluwanö köbibö chö̧jobekwö ichinobe, yi̧benakwö möletenia Diosnö iyawa tjiyena jenanö.

Hechos 10:30

Jejenö jö̧a̧liökwe Cornelioma yöbawijetö: —Belö ö'wejemu möle baledibajabe, babedajayena, bejutjö Diosnö atebijatö. Jejenö atebonö omönanö jelo̧ öwawachijatö ötjö chöba a'o, kamijido̧ dewado̧ salöado̧ 'dubawo̧.

1 Reyes 18:36

Ja̧danö, jemi ikenama, yi̧benakwö iyajitjenanö jenanö, Dios yöawi̧ yöbawo̧ Eliasma iyawemi yöne ichibö, Diosnö aebinobe: —Chuluwo̧ Isabenö Jo̧, Abrahambi, Isaacbi, Israelbi tjösödinökwe Diosnö, baikwö atebakwö: Babe möleda kwi̧sȩbobö atebakwö, isabenö israel nijitjö Diosbo̧ja jö̧balö, ja̧danö isabenö ökwöda kwömöayo̧sa ötjö Eliasma, jö̧ba̧lö kwi̧sȩbobö atebakwö, ja̧danö babe jabö chi̧sebaja̧ma, ökwöda weköbitjö̧ ja̧bö chi̧sȩbajabe, jö̧ba̧lö kwi̧sȩbobö atebakwö.

Éxodo 29:39

Bakwo̧nö yȩayi̧, ja̧danö, bakwo̧nö yi̧bena juwö kwiyo.

Gálatas 2:9

Jau chömöledö, Jacobobi, Pedrobi, Juanbi ötjönö tjöwaisinobe, Pablobi Jesús webawo̧ jö̧ba̧lö. Jau chömöledö, jobadöma Jesúsnö ösödadötjö inesö luwedödanö tjö̧jinobe, ja̧danö jobadöma edö tjöwaisinobe ötjönö, isabenö judío jojodöböködönö yöawo jö̧ba̧lö Dios otiwanö weinökwe Pabloma jö̧ba̧lö. Jejenö tjöwaisobetjö̧, jobadöma ötjönöbi Bernabénöbi dömamiju döwaisobekwöchobe jawaomiju detjatinobe, bakobe Dios wei̧ otidadösa jö̧ba̧lö. Ja̧danö, jobadö judío jojodönö yöbawö tjö̧jonö, ökwödöma judío jojodöböködönö yödawobö tjösödinobe.

Mateo 27:45

Jawo̧ jweinö ö̧jena, böjȩ bakwameachibanö yȩatibinobe, ja̧danö okobe jwiinö yö̧tedanö yȩinobe, wa̧pötakwa hora baledibanö.

Lucas 18:10

—Ömadö du̧ju̧taja Dios ejube tji̧'yinobe, Diosnö atjebobö, fariseo jojo bakwo̧bi, la'aka luwo̧ itea balada impuesto ötjabi̧ balada emajibo̧bi.

Hechos 3:3

Jo̧bama, Pedronö Juannö Dios eju tjöekwemi okwa tebachadönö edö abebijetö balada tjiyobö.

Hechos 3:4

Jejenö aebiawö̧ Pedro, Juan jo̧banö edijadötö. Ja̧danö, Pedroma jö̧ba̧lijetö: —Chömöledöso̧. Ökwödönö edi— jö̧ba̧lö.