Hechos 27:5 - Dios Iwene

⁵ Ikenama ojwe ö'öbönö 'ya̧nö Cilicia niji, ikenama Panfilia niji baledajadö Licia niji, Mira comunidadnö ichibö jobe dölamatijatö.

Hechos 27:5 Referans Kwoze

Hechos 6:9

Ja̧ mölema, Esteban ö̧jena ju'wedö ju̧kwijadötö, judío jojodötjö ju'wedöma. Jobadöma, midö tjeminawö̧ tjö̧jibinö latjebinawö̧, ötjabinawö̧. Jobadöma jeleju, yötjawejunö tebachiabijadötö. Ja̧danö, jobadöma jelobetjö ichinadö, Cirenetjöbi, Alejandríatjöbi, Ciliciatjöbi, Asia nijitjöbi. Jobadöma Esteban Dios ujulu i̧sebiawö̧ öpöjödijadötö Estebannöma. Jo̧kwaobetjö̧ Esteban ö̧jobekwö 'ya̧jadö wene juna̧lijadötö Estebankwö, labinö jwöjwöbakwawö.

Hechos 13:13

Ikenama Pabloma, itekwöda kwebachadökwö Pafostjö labebö 'yi̧jetö isowinö Panfilia nijibe. 'Ya̧jadöma Panfilia nijitjöma Perge comunidadnö ichibijadötö. Tjichibajelöma Juanma ju'wedöma tjuju̧kwibonö ȩwa̧jijetö Jerusalénbe.

Gálatas 1:21

Ja̧danö, jemi ikenama Siria nijibebi, Cilicia nijibebi chi̧'yijatö.

Hechos 22:3

—Ötjöma judío jojosa. Cilicia nijitjö, Tarso comunidadtjö jeminökwesa. Ja̧danö, Tarsotjö chojo'doma jeminajayonö belöda Jerusaléntjö da̧peachinasa. Dios iwene ba̧ja̧dakwawa jojo, waiso̧, Gamaliel mikwo̧ öba̧ja̧dinökwesa ötjönöma. Jo̧kwaobetjö̧ ötjöma otiwanö chöwaisachibijatö Moisés iwȩyudinama, ökwödö duju̧kwobö weinama, da'dödömine yötjawinama. Ja̧danö, chedemi ökwödöma Dios yöawina a̧ja̧kwö kwuju̧kwaduwobö jö̧ba̧ladöja. Ötjöbi ajayinöma jejenö omukwatö chö̧jijatö.

Hechos 21:39

Jejenö jö̧a̧liökwe Pabloma jö̧ba̧lijetö: —Ötjöma jo̧bamaö̧kö̧sa. Ötjöma judío jojosa, Cilicia nijitjö Tarso comunidadtjö chojo'do jeminökwesa. Ja̧ comunidadma jalemi ö'wejetjö comunidad. Babema ökwönö ösödinö ateba, bidö jojodönö yötawo webitjö— jö̧ba̧lijetö.

Hechos 15:41

Ikenama Pabloma, Silaskwö Siria nijibi, Cilicia nijibi kwebachö 'yi̧jetö. Jobe ju̧kwadönö, Jesúsnö ösödadönöma yöbawö pjabatijadötö, juluwachibanö tupakwö tji̧'yobö, tjo̧'wo̧ luwo̧ jawama.

Hechos 15:38

Jo̧kwaijayonö Pabloma öpöjödijetö, belö Marcos, jobadökwö yöbawö 'yö̧könö, Panfilia nijitjö le'dedibö ȩwa̧jinökweobetjö̧.

Hechos 15:23

Jobadöma kwialusöja e'ewijadötö Antioquíabe, judío jojodöböködö Jesúsnö ösödadönö iyö. Jöja kwialusöjama baikwö wȩyudö laebijetö: —Dokwa dömöledö. Ökwödöma, kwömöledöduwi Jerusalénnö ju̧kwadöma, Jesús webawedökwö, Jesúsnö ösödadönö te'ada̧lakwawa jojodökwö ökwödönö diwȩyuda böja kwialusöjama. Ökwödönö, judío jojodöböködö Jesúsnö ösödadönö, Antioquíanö ju̧kwadönöbi, Sirianö ju̧kwadönöbi, Cilicianö ju̧kwadönöbi diwȩyuda.

Hechos 2:10

Ökwödötjö ju'wedöma Frigia nijitjö ichinadö Panfilia nijitjö ichinadö, Egipto nijitjö ichinadö, Libia nijitjö ichinadö Cirene comunidad tupakwö. Ju'wedöma Roma nijitjö ichinadö judío jojodöbi judío jojodöböködöbi. Jobadö judío jojodöböködötjijayonö judío jojodö tjö̧ji̧danö ju̧kwadö.