Hechos 27:4 - Dios Iwene

⁴ Ikenama, Pablo ömöledö edö tjebachajö ichibena jobetjö labebajadö di̧'yemi jwa̧lȩ'epjo labinö ichobetjö̧ jweinöma di̧'yijökötö. Ö'wejesa'o, Chipre mikwa'o ö'öbönöda di̧'yijatö, jwa̧lȩ'epjo jwienada.

Hechos 27:4 Referans Kwoze

Hechos 4:36

Jejenö pjabatijetö bakwo̧, levita jojo, José mikwo̧, Chipre ö'wejesa'onö jo̧ma. Jesús webawedöma jo̧banö öbabijadötö Bernabé. Bernabé jö̧ba̧löma, Ömöledönö tjo̧'wo̧ ösöwanö tjomukwatobö pjabato̧, jö̧ba̧lö.

Hechos 27:7

Jowinö a̧jö di̧'yemi ja'yubeda lekwe möle, tjo̧'omanö di̧'yijatö nöinö jwa̧lȩ'ewobetjö̧. Ja̧danö, tjo̧'omanö 'ya̧nö bajaliyanö Gnido comunidad badeibö tjolanö dichibijatö. Jobe la̧nö, ja̧wo̧ meajobekwö di̧'yo jö̧da̧lijayonö jwa̧lȩ'epjo ina dichobekwö labinö jwa̧lȩ'ewobetjö̧ waekwijatö. Jo̧kwaobetjö̧ di̧'yobema ju'wi omukwatö u'dakwö di̧'yijatö, Creta mikwa'o lo̧bekwö. Ja'o ö'öbönö di̧'yo jö̧da̧lijatö, jwa̧lȩ'epjo jwiena. Jo̧kwaobetjö̧, ja'o ö'öbönö di̧'yijatö, Salmón comunidad baledö.

Hechos 21:16

Cesareanö ju̧kwadö Jesúsnö ösödadötjö ju'wedöma ökwödökwö tjichijatö Jerusalénbe. Jobe dichibenama ökwödökwö ichajadöma ökwödönö öbibö tji̧'yijatö dabakweju jobekwö, Mnasón mikwo̧ ejube. Jo̧bama, Chipre ö'wejesa'otjö ichina, ajayinö Jesúsnö ösödinadötjö jojobijetö.

Hechos 21:3

Ja̧danö, Chipre mikwa'otjö u'dakwö di̧'yijatö, Siria nijikwö. 'Ya̧jadöma jobe ichibö dölamatijatö Tiro comunidad tjolanö, tea junö.

Hechos 15:39

Pabloma Marcos ichobö jwiinö öpöjödobetjö̧ wene juna̧lakwawijadötö Bernabékwö. Jejenöobetjö̧ wainökwena 'da̧bachibö 'yi̧jadötö. Bernabéma Marcoskwö 'yi̧jetö Chipre ö'wejesa'obe.

Hechos 13:4

Ikenama Bernabé, Saulo, Dios O̧'wo̧ Luwo̧ weinawö̧ma, Seleuciabe 'yi̧jadötö. Jobe ichibö, isowinö 'yi̧jadötö ö'wejesa'o, Chipre mikwa'o jo̧bekwö.

Marcos 6:48

Ja̧danö, Jesúsma öba̧ja̧di̧ waisachadönö edijetö 'yotjachijayonö 'ya̧ibokobe 'yobachijadötö, jwa̧lȩ'epjo nöinö doibobetjö̧. Ikenama yö̧tedaayi akala jwötjena Jesúsma o̧pesobu wamenö 'yi̧jetö öba̧ja̧di̧ waisachadö tjö̧jobekwö.

Mateo 14:24

ja̧danö isowi, Jesús öba̧ja̧di̧ waisachadö tja̧jowima ida̧ökö o̧pesobu ö'weje baibinobe. Jobadö isowinö a̧jadö kwetjachi̧ma waiyinobe, jwa̧lȩ'epjo nöinö jwa̧lȩ'ewobetjö̧, ja̧danö balawa nöinö loobetjö̧.

Lucas 8:22

Ju'wi möle, Jesúsma iteda öba̧ja̧di̧ waisachadökwö isowinö a̧jibinobe, ja̧danö jobadönö yöa̧linobe: —Tupakwö o̧pesobu bakwachobube pedibaduwo— jö̧ba̧lö. Yöa̧liawö̧, petjibotö jö̧ba̧lö latjebinobe,