Hechos 26:1 - Dios Iwene

¹ Ikenama Agripa abebijetö Pablonö: —Pablo, babema bidö jwötjeba̧laja̧ atadö yöbawi, da̧ja̧kwo— abebijetö. Ikenama Pabloma, öja debatö i̧sebijetö, Jau yötawocha, jö̧ba̧lö. Ikenama yöbawijetö:

Hechos 26:1 Referans Kwoze

Hechos 9:15

Jejenö jö̧a̧liökwe Duluwo̧ma jö̧ba̧lijetö: —Yayonö jo̧ba ö̧jobekwö 'ya̧wi Ananías. Jo̧banö ötjö jawa wene yöbawo̧ baibanö 'da̧batö chujunökweobetjö̧ 'ya̧wi. Jo̧bama Israel jojodöböködönöbi, Israel jojodöböködö tjuluwedönöbi yöawakwo̧ ötjö jawa wenema. Ja̧danö, Israel jojodönöbi yöawakwo̧ jo̧bama ötjö jawa wenema.

Hechos 26:2

—Chuluwo̧ Agripa, ökwö kwöba a'otjö, judío jojodö ötjönö jwötjeba̧laja̧ atadö chö̧ji̧ma otiwa. Chösöda.

Juan 7:51

—Chömöledö, da'dödömine wetjinama ökwödönö weobe, bakwo̧nö lȩdebakwa̧ abönö jo̧ba yöawi̧ a̧ja̧kwö döwaisobö jo̧be. Ina wajwida jo̧ba yöawi̧ma, ¿Dakwö yöawobö? jö̧ba̧lö— jö̧a̧linobe Nicodemoma.

Proverbios 1:24

Yemidanöbi yemidanö cho̧'wo̧ luwo̧tjö̧ chomukwati̧ma kwöwaisachibaduwinö yötawobö jwötijayonö kwöpöjödinaduwobe. Ökwödönö pjatatobö jwöteabijayonö kwa̧ja̧kwinaduwokobe. Ja̧danö, chömamunö wechö, ichaduwi, jö̧ba̧lö, jwöteabijayonö kwöpöjödinaduwobe ökwödöma.

Romanos 10:21

Ja̧danö, Israel jojodönöbi iwȩyudinobe Isaíasma. Dios jobadönö yöawinama baikwö iwȩyudinobe: Möle baledibanö cha̧debijatö weti̧ a̧ja̧kwöködönö, ötjönö öpöjödadönöma tjö̧jibobö, jö̧ba̧lö yöawinobe Diosma, Israel jojodönöma.

Hechos 25:16

Jo̧kwaijayonö jejenöma chöpöjödijatö. Jö̧ta̧lijatö jobadönö, Jejenöma ökwödö romano jojodöma wedokobe. Jwötjeba̧lökwema abönö jo̧bakwö jo̧banö jwöbeba̧ladökwö bakobe ja̧nö, jo̧bama jwötjeba̧li̧ a̧ja̧kwö atadobö wedobe, jö̧ba̧lö.

Hechos 22:1

Ja̧danö jö̧ba̧lijetö Pabloma, hebreo tjiwenenö: —Chömöledö ötjönö jwökeba̧laja̧duwa chatada. A̧ja̧kwaduwitjö— jö̧ba̧lijetö.

Proverbios 18:17

Ja̧danö, ju'wibi yötawa, wanedö: Dujutaja wene juna̧lakwawadöma lȩekwa yöbawo̧ ö̧jobekwö yöba̧lö tetjachenama bakwo̧nökwena yötjawobö jo̧be, wenema bi̧ya̧da, jö̧ba̧lö. Ja̧danö, lȩekwa yöbawo̧ma, ajayinö yöbawo̧ yöawi̧ a̧ja̧kwö omukwatena, jweinö yöbawo̧ ichejekwa, jö̧ba̧lö. Jemi ikenama jelo̧ abebö a̧ja̧kwo̧ma ajayinö yöbawo̧nö abebö a̧ja̧kwobe ju'wi jawabi ju'wi jawa. Jobekwö abebö a̧ja̧kwonö öwawobe, omöna yöbawo̧, jö̧ba̧lö, jelobekwö atada̧lobetjö̧.

Proverbios 18:13

Ja̧danö, ju'wibi yötawa, wanedö: Bakwo̧ ina jwaikwöda yöa̧lonö yöa̧lökwema juluwanö atadobe yöba̧lo̧nöma, yöba̧lo̧ma ina okobe jwiinö yöa̧li̧ma kaatakwawököjayonö. Isabenö, jobekwö atado̧ma jweinö omukwatö̧kö̧, ja̧danö ju'wedöma sulabenö tjedökwe, omukwatö̧kö̧ jö̧ba̧lö.

Hechos 25:27

Kwöwaisaduwa, bitenö Césarnö omönanö jo̧kwada wetoböma jwiobe. Kwialusöjakwöda, sulabenö ja̧ina yöawakwawasöjakwöda weobö jo̧be— jö̧ba̧lijetö Festoma jobadönöma.