Hechos 25:4 - Dios Iwene

⁴ Jejenö atjebijayonö Festoma: —Wetökö jejenöma. Jobe Cesareabe ka̧lena ba̧kwaweju okwa Pablonö tjitje'ada̧lobe. Ötjöma juluwanö chȩwa̧jocha jobema.

Hechos 25:4 Referans Kwoze

Hechos 24:23

Ikenama webijetö jelo̧ guardia jojodö tjuluwo̧nö Pablonö eda̧lö ite'ada̧lobö. Ja̧danö, Pabloma ja'yubeda kwebachöbi, labeböbi ö̧jobö webijetö. Ja̧danö, Pablo ömöledönöbi, wainö pjabatö tjicho, jö̧ba̧lö, webijetö.

Hechos 8:40

Ikenama Felipema jelobe öwawachijetö, Azotobe. Jobetjö Cesareabe ȩwa̧jö, Dios jawa otiwa jawa wene yöbawiabö ȩwa̧jijetö okobe jwiinö jobe comunidadeskwena.

Hechos 24:27

Ja̧danö, döbalataja o̧biya baledibajena, jelo̧nö kabebö junijadötö, tjuluwo̧ baibanö, Porcio Festo mikwo̧nö. Ajayi tjujuninökwema, Félixma, laebakwa̧ abönö webijetö, Pablonö labebaduwökönuwi, jö̧ba̧lö, ka̧lena ba̧kwawejutjöma. Félixma, judío jojodö tjösödi̧ ja̧obö jö̧a̧lobetjö̧ jejenö webijetö, Pablonö labebaduwökönuwi, jö̧ba̧lö.

Hechos 25:1

Ikenama Festoma Cesareanö ichijetö jobe balekwo̧ la'aka luwo̧ ba̧nö weobö. Ichajo̧, wa̧pötakwa möle baledibajena Jerusalénbe kwebachö 'yi̧jetö.

Hechos 25:5

Jo̧ba sulabenö ja̧ina jwökeba̧laduwobö jö̧ka̧laduwitjö̧ma ökwödötjö la'aka luwedöma ötjökwö kwichaduwo, jobetjöda jwökeba̧laduwo— jö̧ba̧lijetö.

Hechos 25:6

Ikenama jobe ji̧jetö Festoma judío jojodökwö ja'yubeda lekwa, jelemutjö wa̧pötakwa mölebi domulataja mölebi jenanö. Ikenama ȩwa̧jijetö Cesareabe. Ju'wi dewachö weawa yöawakwawȩko̧nö ba̧nö webijetö Pablonö ichejebö tjujunobö öba a'otjö.

Hechos 25:13

Ikenama, ja'yubeda lekwe möle baledibajena jelo̧ la'aka luwo̧ma, Agripa mikwo̧ma Cesareabe kwebachö 'yi̧jetö öjawujujukwö, Bernicia mikwujukwö, balekwo̧ la'aka luwo̧ Festonö edö.

Hechos 25:16

Jo̧kwaijayonö jejenöma chöpöjödijatö. Jö̧ta̧lijatö jobadönö, Jejenöma ökwödö romano jojodöma wedokobe. Jwötjeba̧lökwema abönö jo̧bakwö jo̧banö jwöbeba̧ladökwö bakobe ja̧nö, jo̧bama jwötjeba̧li̧ a̧ja̧kwö atadobö wedobe, jö̧ba̧lö.