Hechos 25:13 - Dios Iwene

¹³ Ikenama, ja'yubeda lekwe möle baledibajena jelo̧ la'aka luwo̧ma, Agripa mikwo̧ma Cesareabe kwebachö 'yi̧jetö öjawujujukwö, Bernicia mikwujukwö, balekwo̧ la'aka luwo̧ Festonö edö.

Hechos 25:13 Referans Kwoze

Hechos 26:1

Ikenama Agripa abebijetö Pablonö: —Pablo, babema bidö jwötjeba̧laja̧ atadö yöbawi, da̧ja̧kwo— abebijetö. Ikenama Pabloma, öja debatö i̧sebijetö, Jau yötawocha, jö̧ba̧lö. Ikenama yöbawijetö:

Hechos 8:40

Ikenama Felipema jelobe öwawachijetö, Azotobe. Jobetjö Cesareabe ȩwa̧jö, Dios jawa otiwa jawa wene yöbawiabö ȩwa̧jijetö okobe jwiinö jobe comunidadeskwena.

2 Samuel 8:10

Jejenö o̧'wo ösöwachibanö a̧ja̧kwö, itji̧ Joran mikwo̧nö weinobe, Davidnö edö, Dokwa jö̧ba̧lö aebobö, ja̧danö —Otiwanö döpöjojonö kwujuluwajabetija, —jö̧ba̧lö ösödö yöa̧lobö. Jo̧ba Toubi Hadad Ezer öpöjojo ö̧jinobe, ja̧danö nöinö jo̧bakwö ölakwabikwawö ji̧ainobe ajayinöma, jo̧kwajabetjö̧ kwömöledöso̧sa jö̧ba̧lö jejenö itji̧nö weinobe. Ja̧danö, Joranma nöinö iyawa ichejebinobe, Davidnö tjiyobö, platatjöbi, orotjöbi, broncetjöbi.

1 Samuel 25:14

Jejenö baledonö, Nabal ömöayedötjö bakwo̧, Nabal yöa̧laja̧ a̧ja̧kwajo̧ma, Nabal ilekwo Abigail mikwujunö yöbawö i̧'yinobe. Ichibö, yöawinobe: —Chuluwuju, isabenö wene baibajabe. Davidma iteda ömöayedönö weinobe, duluwo̧ Nabalnö dokwa jö̧ba̧lö atjebobö, jo̧kwaijayonö jo̧bama sule jwöbeba̧löda sulabenö atadatö.

1 Samuel 13:10

Ja̧danö, ja̧ iyawa iyö kaatakwawena, jenada ichibinobe Samuelma. Jejenö ichibiökwe, Saulma Samuelnö edö, dokwa aebobö laebinobe.

Marcos 15:18

Butjadajadöma, Dösödonö, jö̧ba̧lö, omöna tjo̧'wo̧ sulinö waneda̧lö obijadötö, Judío jojodö tjuluwo̧ma lekwe ö̧jakwo̧, jö̧ba̧lö.

2 Reyes 10:13

Juda la'aka luwo̧ Ocozias ömöledötjö ju'wedönö öbadekwajinobe. Jobadönö badekwajo̧, abebö a̧ja̧kwinobe: —Ökwödöma didököbaduwa? —jö̧ba̧lö. Abebö a̧ja̧kwawö̧, —Ökwödöma la'aka luwo̧ Ocozias ömöledösa, ja̧danö ökwödöma la'aka luwuju Jezabel jitji̧munöbi, ju'wedö israel la'aka luwo̧ ömöledönöbi edö dichajabe, —jö̧ba̧lö tjatadinobe.

Hechos 25:1

Ikenama Festoma Cesareanö ichijetö jobe balekwo̧ la'aka luwo̧ ba̧nö weobö. Ichajo̧, wa̧pötakwa möle baledibajena Jerusalénbe kwebachö 'yi̧jetö.

Hechos 25:4

Jejenö atjebijayonö Festoma: —Wetökö jejenöma. Jobe Cesareabe ka̧lena ba̧kwaweju okwa Pablonö tjitje'ada̧lobe. Ötjöma juluwanö chȩwa̧jocha jobema.

Hechos 25:12

Jejenö jö̧a̧liökwe Festoma jwöbijetö ipjea jojodönö tjichobö. Ichajadökwö yöba̧lakwawijadötö Pablo weaja̧ma, ja̧tjakwa̧ma bakobe tjomukwatobö. Yöba̧lakwawö kabatibö, Pablonö jö̧ba̧lijetö: —Jau kwatjö̧ma, akebaja̧danö wetocha inesö la'aka luwo̧ César ö̧jobekwö kwi̧'yobö. Jo̧bada jojodö ökwönö jwötjeba̧li̧ a̧ja̧kwö weawa wene yöawobö wetocha— jö̧ba̧lijetö Festoma.