Hechos 24:17 - Dios Iwene

¹⁷ Ina atadijetö: —Jemi ikenama, ötjöma ja'yubeda lekwe o̧biya baledibanö Jerusalénbe chi̧'yijökötö. Ikenama lekwajabetjö chi̧'yijatö Jerusalénbe balada iyö pjabatö chömöledönö. Diosnö juwö iyöbi chi̧'yijatö.

Hechos 24:17 Referans Kwoze

Gálatas 2:10

Sule bakwöta jawada atjebinobe ökwödönöma chömöledö, balada jwibadö usula jojodönö omukwatö pjadatobö, ja̧danö jejenö atjebi̧ma chösödijatö, jwibadönö pjadatobö chösöda jö̧ba̧lö.

2 Corintios 9:12

Jau chömöledö, Jerusalénnö ju̧kwadönö pjaatakwawa baladama isabenö Dios ömöledönö pjaatakwawa ji̧, jwitji̧ jawa iyö, jo̧kwaijayonö sule ja̧damaökö. Jau chömöledö, jemi tupakwö kwiyaduwi̧ma Diosnö tjösödobö baibakwa̧ ji̧, kwiyaduwiawö̧, ba̧jekwadö Diosnö tjösödakobetjö̧, otiwanö pjabato̧ja jö̧ba̧lö.

2 Corintios 8:9

Isabenö pjabatö kwiyaduwobö otiwa chömöledö, baikwö yötawa: Kwöwaisaduwa chömöledö, Duluwo̧ Jesucristo mikwa jwiinö otiwanö iyina wenema, ¿jö̧tö? Jau chömöledö, jo̧bama nöinö ujuna̧linajayonö, ujuna̧li̧ junibö, jwibo̧danö usulaso̧ baibinobe, ökwödönö pjabatö. Jejenö baibinobe, ökwödöma jo̧ba usulaso̧ ö̧jinatjö nöinö juna̧ladö bakibaduwakobetjö̧.

Romanos 15:31

Biya̧ akebaduwobö ateba chömöledö: Diosnö abebaduwi Jerusalénnö ju̧kwadö Jesúsnö öpöjödadötjö chö̧jibinö ja̧o jö̧ba̧lö. Ja̧danö ju'wibi: Biya̧ judío jojodöböködö tjiyina jawa Jerusalénnö ju̧kwadö Jesúsnö ösödadönö chiyenama, Aaa, otiwanö tjiyinobe, jö̧ba̧lö tjösödobö akebaduwo Diosnö chömöledö.

Hechos 20:16

Jweinö di̧'yijatö Miletobe, Éfeso comunidadbema 'yö̧könö. Pablo ajayinö omukwatinobe, Jerusalénbe juluwanö chȩwa̧jobö jö̧ta̧la, pjiesta, Pentecostes mikwi̧ pjiesta baledakwa̧ abönö, chichibobö, jö̧ba̧lö. Jo̧kwaobetjö̧, Asianöma lekwe kwedachoböma chöpöjöda, jö̧ba̧lö, Éfeso comunidad baledö jweinö di̧'yijatö Miletobe.

Hechos 21:26

Jejenö lȩtjebiökwe Pabloma: —Jau, lȩköbaduwi̧ma ja̧tocha— jö̧a̧lijatö. Jo̧kwaobetjö̧ ju'wi dewachö Pabloma jobadö ö'wejemu jojodökwö, Diosnö isabenö ja̧tjakwa̧ yöbawö juninadökwö 'yi̧jetö idichawobö, judío jojodö Dios öba a'otjö otiwanö tjö̧jobö dichawajitjadanö. Tjidichawi̧ mölebiya ina 'dö̧ibajökena, Pabloma Dios eju a̧petube tebachö yöbawijetö jeju ö'wöje pjabato̧nö tjidichawi̧ katjatakwa̧ mölema. Jo̧banö yöbawijetö: —Ja̧ mölema jobadö Diosnö yöbawö juninadöma, bakwo̧nökwena juwö tjiyakwedö, Diosnö ösödö. Ötjöda jobadö juwö tjiyawö̧nö chimidocha— yöbawijetö Pabloma.

Hechos 20:31

Jo̧kwaobetjö̧ yöta̧la chömöledö, otiwanö kwite'ada̧laduwo ökwödödabi, ökwödö kwite'ada̧laduwawö̧nöbi. Kwomukwataduwo, ötjöma wa̧pötakwa o̧biya jenanö mölebi, yö̧tebi budekwabinö lȩbebö yöbawiachijatö. Kwite'ada̧laduwo ökwödödabi, ökwödö kwite'ada̧laduwawö̧nöbi— yöbawijetö Pabloma.

Hechos 24:26

Félixma jejenö jö̧a̧lijayonö jelobenö omukwatijetö, Aaa, Pabloma ötjönöma balada iyena, ka̧lena ba̧kwawejutjö latjebobö wetobö, jö̧ba̧lö. Jo̧kwaobetjö̧ kabatökönö webijetö Pablonö tjichejebobö. Tjichejebökwekwö yöba̧lakwawijetö Félixma.

2 Corintios 8:6

Ja̧danö, ja̧ wene omukwatö, Titonö yödawijatö, yemidanö ökwödö Corintio jojodö kwiteboduwibe i̧'yobö, ökwödö kwiyaduwakwa̧ jawa pjaatobö. Jau chömöledö, belö Titoda ökwödönö pjaatinobe, ja̧ iyawa baladama 'da̧batö kwujunaduwobö, ¿jö̧tö? Jo̧kwajabetjö̧ jo̧banö yödawijatö, ja̧ Jerusalénnö ju̧kwadönö kwiyaduwobö kwomukwatinaduwa balada jawa pjaatobö, ajayinö kwomukwatinaduwadanö otiwanö kwiyaduwakobetjö̧.