Hechos 23:8 - Dios Iwene

⁸ Saduceo jojodöma, Jojodö wobajadöma yemidanöma tjeachakwawökö, jö̧ba̧lö, omukwatinadö. Ja̧danö, ángelesdöbi, isapjo luwabi tjö̧jökena, jö̧ba̧lö, omukwatinadö. Jo̧kwaijayonö, fariseo jojodöma jejenöma omukwatinöködö. Jobadöma, Isabenö jojodö wobajadö yemidanö tjetjachakobe, jö̧ba̧lö, omukwatinadö. Ja̧danö, Isabenö, ángelesdöbi, isapjo luwabi tjuju̧kwobe, jö̧ba̧lö, omukwatinadö fariseo jojodöma. Jo̧kwaobetjö̧, Pabloma, jojodö yemidanö wobajadö tjeachakwawa yöawiawö̧, wainö tjomukwatobetjö̧ wene juna̧lakwawijadötö fariseo jojodökwö, saduceo jojodökwö.

Hechos 23:8 Referans Kwoze

Lucas 20:27

Jemi ikenama judío jojodö tjuluwedötjö saduceo ötjabiwö̧ jojodötjö ju'wedö Jesúsnö abebö tja̧ja̧kwinobe. Jobadö saduceo jojodöma, jojodö wotjaja̧ ikenama yemidanöma tjebachajöködö, jö̧ba̧lö omukwatinadö.

Mateo 22:23

Jemi ikena, iya̧da möle saduceo jojodötjö ju'wedö Jesúsnö abebö tja̧ja̧kwinobe. Jobadö saduceo jojodöma, jojodö wotjaja̧ ikenama yemidanöma tjebachajöködö, jö̧ba̧lö omukwatiabinadö.

Marcos 12:18

Ikenama, jobadö judío jojodötjö la'aka luwedötjö ju'wedöma, saduceo mikwadöma, Jesús ö̧jobekwö 'ya̧wibijadötö. Jobadöma, jojodö wotjaja̧ ikenama yemidanöma tjebachajöködö, jö̧ba̧lö, yöbawinadö. Ja̧danö, jobadöma Jesúsnö jö̧ba̧lijadötö:

Hechos 4:1

Ja̧danö, Pedro, Juan, ina jojodönö yötjawonö, Diostjö jojodötjö ö'weje pjabatadöbi, saduceosbi, Dios eju te'ada̧ladö guardia tjuluwo̧bi Pedro, Juan yötjawobekwö 'yi̧jadötö.

Hechos 23:7

Jejenö jö̧a̧liawö̧ jobadöma, fariseo jojodökwö saduceo jojodökwö wene nöinö juna̧lakwawijadötö, bakwainö tjomukwatokobetjö̧.

1 Corintios 15:12

Jau chömöledö, Cristo woawatjö tjeachajina wene yödawobe, ¿jö̧tö? Jo̧kwajabetjö̧, ¿dakwö yöka̧laduwobö chömöledö, woawatjö tjeachakwawama jwia jö̧ba̧lö? Jau chömöledö, ökwödötjö ju'wedöma jejenö yöka̧laduwobe, jojodöma woawatjö tjebachajöködö jö̧ba̧lö.