Hechos 22:1 - Dios Iwene

¹ Ja̧danö jö̧ba̧lijetö Pabloma, hebreo tjiwenenö: —Chömöledö ötjönö jwökeba̧laja̧duwa chatada. A̧ja̧kwaduwitjö— jö̧ba̧lijetö.

Hechos 22:1 Referans Kwoze

Hechos 7:2

Jejenö abebö a̧ja̧kwiökwe Estebanma yöbawö atadijetö: —Chömöledö, ötjö yötawi̧ a̧ja̧kwaduwi: Damötjö dewinö dejato̧ Diosma öwawachijetö da'dömine Abrahamnöma, Mesopotamianö ö̧jena, Haránnö ö̧jakwa̧ abönö.

2 Timoteo 4:16

Ajayinö lȩekwa luwedö tjöba a'o chö̧jenama, jo̧dawa'ye chö̧jijatö, okobe deinö le'dedibö tji̧'yinobetjö̧. Jejenö le'dedibö tji̧'yijayonö, ötjönö le'dedibö 'yi̧nadönö Dios lȩlö̧jinö edobö chösöda, le'dedibö tji̧'yina omukwatökönö.

Filipenses 1:17

Jo̧kwaijayonö ötjönö öpöjödö yöbawadöma, Cristo midawö woina wene yötjawijayonö, sulabenö omukwatö, idöda tjemotö jö̧ba̧lö yötjawobe. Ja̧danö, ötjönö suli̧ tjöwaedotö jö̧ba̧lö Cristo midawö woina wene yötjawobe, Aaa, ökwödöda yödawitjö̧ma Pabloma o̧'wo̧ tjo̧achena, ja̧danö ka̧lena ba̧nö usula emawi̧tjö bajalekwönönö usula emawena, jö̧ba̧lö.

Filipenses 1:7

Jejenö ökwödönö ösödö chomukwatobö jwea chömöledö, ökwödönö jwiinö chösödobetjö̧, ja̧danö Dios otiwa jawa iyi̧ bakobe emiadinobetjö̧. Jau chömöledö, ka̧lena chö̧benama bakobe Dios iyi̧tjö emiadinobe, ja̧danö biya̧da isabenö wene jö̧ba̧lö otiwa jawa wene tjöbeba̧lö chite'ada̧lenabi, bakobe Dios iyi̧tjö demobe chömöledö.

2 Corintios 12:19

Chömöledö, ökwödötjö ju'wedö tjomukwatena, Aaa, okobe jwiinö böja Pablo iwȩyudi̧ma, sule jo̧banö otiwanö domukwatobö iwȩyudajena. Jo̧kwadabo̧ ö̧jijayonö, jo̧banö otiwanö domukwatobö iwȩyudajena, jo̧kwadabo̧ ö̧ji̧ döwaisachibapji jö̧ba̧lö tjomukwatena. Jejenö tjomukwatijayonö, ja̧maökö chömöledö. Cristoma isabenö ötjönö 'da̧batö ujuninobe ökwödönö pjatatobö chömöledö, ja̧danö Cristo yötawobö wei̧danö Dios öba a'otjö ja̧nö ökwödönö yötawajabe chömöledö. Ja̧danö ju'wibi yötawa chömöledö, okobe jwiinö yötawi̧ma, ötjönö otiwanö kwomukwataduwoböma yötawokobe, sule kwujuluwachibaduwobö yötawobe chösödawö̧ chömöledö.

2 Corintios 7:11

Ja̧danö chömöledö, ökwödö kwo̧'wo̧ tjo̧achinaduwama isabenö Dios ösödi̧danö kwo̧'wo̧ tjo̧achinaduwobe, baikwö yötawa: Kwomukwataduwi̧ balewachibö, jwaikwöda kwisakwinaduwobe suli̧ kwö'da̧deduwitjö söbebö loköbaduwobö, ¿jö̧tö? Ja̧danö, jwaikwöda kwi̧sebinaduwobe, sulabenö omukwatadödanöma omukwatöködösa jö̧ba̧lö, ¿jö̧tö? Ja̧danö, sulabenö ja̧bo̧ ja̧i̧ wene omukwatö, otiwanö öpöjödö kwölabinaduwobe, ¿jö̧tö? Ja̧danö, jweinö yebabinö Diosnö kwomukwatinaduwobe, Diosma sulabe öpöjödo̧ jö̧ba̧lö, ¿jö̧tö? Ja̧danö, jwaikwöda ötjönö ösödö kwomukwatinaduwobe, ¿jö̧tö? Ja̧danö, jwaikwöda Dios ösödi̧danö ja̧köbaduwo jö̧ba̧lö, wetinadanö sulabenö ja̧bo̧nö lȩkebinaduwobe, ¿jö̧tö? Jau chömöledö, okobe jwiinö ja̧ kwi̧sebinaduwobe, sulabenö baledinama, ökwödö jawamaökö jö̧ba̧lö. Jejenö kwi̧sebinaduwobetjö̧, öwaetjöda öwawobe, kwo̧'wo̧ tjo̧achinaduwama böjȩ jojodö tjo̧'wo̧ tjo̧achi̧damaökö, kwo̧'wo̧ tjo̧achinaduwama Dios ösödi̧danöda kwo̧'wo̧ tjo̧achinaduwobe jö̧ba̧lö.

1 Corintios 9:3

Chömöledö, ju'wedö ötjönö sulabenö yötja̧lobe, Aaa, Pabloma ju'wedö Jesús webawedödanö ichejekwö̧kö̧, jo̧kwajabetjö̧, isabenö Jesús webawo̧bö̧kö̧ena Pabloma jö̧ba̧lö yötja̧lobe. Jejenö yötja̧litjö̧, baikwö chatadobe chömöledö:

Hechos 28:17

Ikenama, wa̧pötakwa möle baledajena Pabloma Romanö ju̧kwadö judío jojodötjö la'aka luwedönö a̧debijetö, ejubekwö tjichobö. Ichö ko̧ko̧kwajadönö yöbawijetö: —Dokwa chömöledö. Ötjönö baledina yötawotö jö̧ba̧lö jwötatö ökwödönö, kwöwaisaduwobö. Belö dömöledö judío jojodöma, Jerusalénnö ju̧kwadöma ötjönö do̧batajadö iyö lotjijatö romano jojodö la'aka luwedönöma, Cesareanö ju̧kwadönöma. Chömöledö jweinö yötawa, ötjöma la'akatjöda jobadö judío jojodönö sulabenö ja̧tijökötö. Ökwödötjö ajayinö ji̧nadö wetjina jawa la'akatjöda sulabenö yötawijökötö, jobadö ötjönö omöna jwötjeba̧li̧danö. Sulabenö ja̧tököjayonö jobadöma ötjönöma iyö lotjijatö.

Hechos 26:24

Pablo jejenö yöawiökwe Festoma labinö jö̧ba̧lijetö: —Pablo, ökwöma kwo̧'wo̧ jwibo̧ja. Jelobekwö omukwato̧danö kwichejekwa, yelösöda nöinö kwöwaisachibobetjö̧— jö̧ba̧lijetö.

Hechos 25:16

Jo̧kwaijayonö jejenöma chöpöjödijatö. Jö̧ta̧lijatö jobadönö, Jejenöma ökwödö romano jojodöma wedokobe. Jwötjeba̧lökwema abönö jo̧bakwö jo̧banö jwöbeba̧ladökwö bakobe ja̧nö, jo̧bama jwötjeba̧li̧ a̧ja̧kwö atadobö wedobe, jö̧ba̧lö.

Hechos 25:8

Ikenama Pabloma jobadö jwötjeba̧li a̧ja̧kwö atadö yöbawijetö: —Ötjöma bidö yötja̧li̧danö, sulabenö ja̧tina yötja̧li̧danö ja̧tijökötö. Ökwödö judío jojodö ja̧biabö duju̧kwobö wetjina jelobekwö omukwatö ja̧tijökötö. Ja̧danö, Dios eju okwa, wetjökö jawa ja̧bö, suleju baibanö ja̧tijökötö. Ja̧danö, ötjöma sulabenö ja̧tijökötö, la'aka luwo̧ César mikwo̧ wei̧bi a̧ja̧kwökönö— atadö yöbawijetö Pabloma.

Hechos 24:10

Ikenama gobernadorma Pablonö debö webijetö atadobö. Weiökwe atadijetö: —Chuluwo̧ gobernador, chöwaisa, lekwe weawa yöbawö ji̧aköbinobe ökwödö judío jojodönöma. Jo̧kwaobetjö̧ bena ja̧nö cho̧'wo̧ ösöwanö atadö yötawakwö, bidö ötjönö jwötjeba̧laja̧ma.

Hechos 23:6

Ikenama Pablo, la'aka luwedönö edö omukwatijetö, Bidötjö ju'wedö fariseo jojodö, ju'wedö saduceo jojodö, jö̧ba̧lö. Ikenama jobadönö labinö jö̧ba̧lijetö: —Chömöledö, a̧ja̧kwaduwitjö. Ötjöma fariseo jojosa. Chojo'dobi chabe'dobi fariseo jojodö. Fariseo jojochobetjö̧ chomukwata ju'wi möle okobe deinö jojodöma wobajadö yemidanö tjetjachakobe. Jejenö chomukwatawö̧ ökwödöma jwökeba̧laduwobe ötjönöma— jejenö labinö jö̧ba̧lijetö Pabloma.

Hechos 23:1

Ja̧danö, Pabloma, judío jojodötjö la'aka luwedö tjöba a'o ja̧nö, jobadönö jweinö edö yöbawijetö: —Chömöledö isabenö jö̧ta̧la. Ötjöma, la'akatjöda chö̧jinenanö baibanö omukwatiachijatö chomajade okwa, Ötjöma Dios öba a'otjö otiwanö ja̧bö jo̧sa, jö̧ba̧lö— yöbawijetö Pabloma.

Hechos 19:33

Ikenama judío jojodöma jibö döbebijadötö jobadötjö bakwo̧nö, Alejandro mikwo̧nö, jojodö tjöba a'o ja̧nö yöa̧lobö. Jo̧bama, yöa̧lakwa̧ abönö ömamu kabebijetö, Wi babibö ja̧nö a̧ja̧kwaduwitjö, jö̧ba̧lö.

Hechos 13:26

Ina yöbawijetö: —Chömöledö, Abrahamtjö tupadanö jojodöbi, ju'wedö Diosnö yebabinö ösödadöbi a̧ja̧kwaduwitjö. Diosma yöbawijetö iteda otiwa jawa wene, ji̧kwa wenema ökwödönö, Israel jojodönö.

Lucas 21:14

Jau chömöledö, jejenö tjöba a'o kwö̧jaduwenama, ötjöda ökwödönö chiyakobe otiwanö jobadönö yökawaduwakwa̧ma, ja̧danö waisanö yökawaduwobö chiyakobe, jobe ja̧nö otiwanö yökawaduwakobetjö̧. Jau chömöledö, jejenö chiyobetjö̧, kwöpöjojodöma atadakwawa jwiinö tjö̧jakobe, ja̧danö jobadötjö bakwo̧bi deakobe, yötja̧li̧ma omöna jö̧ba̧lö yöa̧lakwo̧ma. Jejenö waisanö yökawaduwobö ötjöda chiyakobe chömöledö, jo̧kwajabetjö̧ tjöba a'otjö kwö̧jaduwakwa̧ abönö yökawaduwakwa̧ omukwatöma kwö̧jaduwoko. Jau chömöledö, yödawakwa̧ baibenama Jesúsda yödawakwa̧ iyakwo̧ jö̧ba̧lö kwite'ada̧laduwo, isabenö ökwödönö otiwanö yökawaduwobö chiyakobetjö̧.

Lucas 12:11

Ju'wibi yöawinobe Jesúsma: —Ja̧danö, ötjönö kwösödaduwobetjö̧, ökwödönö do̧batö öbibö tjujunena, judío jojodö ba̧nö tja̧ja̧kwa̧leju jojodö tjöba a'otjöbi, lȩekwa luwedö tjöba a'otjöbi, la'aka luwedö tjöba a'otjöbi. Ja̧danö tjöba a'otjö junajadö, ökwödönö sulabenö yötja̧lena, bidöma sulabedö jö̧ba̧lö. Jejenö baledenama kwo̧'wo̧ tjo̧kekwaduwa chömöledö, ¿dakwö datadakwajö? ¿taji yöda̧lakwajö? jö̧ba̧löma, Dios O̧'wo̧ Luwo̧da kwatadaduwakwa̧ pjaatakobetjö̧.