Hechos 20:9 - Dios Iwene

⁹ Jȩko̧tjöma bakwo̧ möayo̧, Eutico mikwo̧ma ventana'donö ba̧nö Pablo yöawi̧ a̧ja̧kwa̧lijatö. Jo̧bama jobe ba̧nö, Pablo lekwe yöawobetjö̧ jo̧bama bö̧ti̧lö̧jachibiökwe abiba̧lijatö. Jejenö bö̧ti̧sinö abibö, omönanö, jobetjöma, tres pisos jenanö möobetjöma nijibe meijatö. Jejenö meiawö̧ ömöledöma juluwanö yutuibö tjedemi ida̧ökö ö'wö babibajo̧nöda tjedijatö.

Hechos 20:9 Referans Kwoze

Marcos 13:36

Otiwanö kwite'ada̧laduwo, wajwiköbaduwonö ichibö chedemi aba̧lö kwö̧lajaduwapji.

Hechos 14:19

Ju'wi möle ju'wedö judío jojodöma, Antioquíanö ju̧kwadöbi, Iconionö ju̧kwadöbi Pablo Bernabé tjuju̧kwobekwö 'yi̧jadötö, Listrabe. Jobe ichibö jobadöma tjo̧'wo̧ sulinö eda̧lö yöba̧lijadötö jobe ju̧kwadönöma, Pablonö tjölabobö. Jejenö yötja̧liawö̧ jojodöma jwiinö labijadötö Pablonö. Ja̧danö, labijidöma Pablonö inawiya ikwawijadötö, ö'wöchinö. Ikenama, tjo̧wi̧ ö'wö baibajabe, jö̧ba̧lö, tötöbö lobijadötö Pablonöma comunidad ö'öböbe.

Marcos 9:26

Jejenö weökwe, o̧'wo̧ luwo̧ sulabo̧ma jwöeba̧lobö ja̧bijetö tjemunö, buluka baibanö. Jejenö ja̧bö labebajijetö o̧'wo̧ luwo̧nö sulabo̧ma. Laebajabe okobe tjemuma ö'wö babibajo̧danö ichejekwiawö̧ ba̧jekwadö yöba̧lakwawijadötö, Ö'wö baibajabe, jö̧ba̧lö.

1 Reyes 17:19

Yöja̧lökwe, jobujunö atadö weinobe, —Kwitji̧nö iyitjö, —jö̧ba̧lö. Ja̧danö, ja̧pjö̧alökwe jitji̧nö emibö, mösȩko̧ ö̧lȩko̧be nöchö e'ewinobe tjemunö, ja̧danö iteda itea camapjonö öwaninobe.

Hechos 20:7

Jobetjöma, domingo möle, ajayi möle mikwi̧ möle, yi̧bena, ökwödöma ju'wedö Jesúsnö ösödadökwö ko̧ko̧kwö döba̧jijatö. Ko̧ko̧kwö ba̧jöma Jesús woina omukwatö ubasobu owö, pan kwanö döba̧jijatö. Kwanö kadatena Pabloma yöawijatö jojodönö, lekwe, yö̧te ja'ö baibanö. Ju'wi dewachö yȩayi ȩwa̧jo jö̧a̧laja̧ma Pabloma lekwe yöawijatö ja̧ yö̧tema.

Hechos 20:8

Ökwödöma mösȩko̧nö döba̧ijatö, la̧pa̧la̧yu̧bi̧ya ba̧jekwa o̧yu̧ dewȩko̧nö.

Hechos 20:10

Ikenama Pabloma jo̧ba meajobekwö yutuibö 'ya̧wibö ö'wöchajo̧nö, nijinö bo̧nö kabebö a̧pjö̧ibijatö. Ina a̧pjö̧a̧lö ja̧nö ö'wö babibajo̧ ömöledönö yöawijatö: —Kwo̧'wo̧ tjo̧bekwaduwökönuwi. Edaduwi. Bitema ö'wö babibajo̧ma yemidanö 'yaibajabe—yöawijatö Pabloma.