Hechos 2:7 - Dios Iwene

⁷ Ayö. Bidö yöbawadöma Galileanö ju̧kwadö— jö̧bekwa̧lijadötö—.

Hechos 2:7 Referans Kwoze

Hechos 2:12

Ja̧danö, okobe deinö jojodöma, Dios O̧'wo̧ Luwo̧ teachibajawö̧ yötjawobe a̧ja̧kwö: —Biya̧ma ¿dakwö jö̧ba̧lö ji̧jö?— jö̧bekwa̧lijadötö.

Hechos 1:11

Jobadöma jö̧ba̧lijadötö: —Ökwödö Galilea jojodö ¿Tajawedö mölejȩbema eda̧lö kwuju̧kwaduwa? Jo̧ba Jesús tjo̧wi̧ mölejȩbe kaekwajabe. Ja̧danö, ökwödö kwuju̧kwaduwelö ȩwa̧jo̧ma yemidanö jejenö ichakwo̧—jö̧ba̧lijadötö jobadöma Jesús öba̧ja̧di̧ waisachadönöma.

Juan 7:52

Jejenö yöawiawö̧, Nicodemonö obö, öpöjödö jö̧tja̧linobe: —Nicodemo ¿ökwöbi Galilea jojoja?— obö jö̧tja̧linobe—. Jweinö edi Dios iwenema kwöwaisobö Galileabetjö ichokobe Dios yöawi̧ yöbawo̧ma— jö̧tja̧linobe.

Hechos 3:10

Tjedemi, ¿Tajijö? Itema tjöekwemi apjude, otiwade mikwade ö'öbö ba̧nö abeba̧lajibo̧. Jo̧banöma ¿dakwö otiwanö baibaja̧jö? jö̧ba̧lö, edijadötö.

Marcos 2:12

Jejenö weökwe, 'wabo̧ma omönanö a̧laibö, wa̧kwawapjo emibö ȩwa̧jijetö, jojodö tjeda̧lonö. Jojodöma jo̧ba ȩwa̧jobe edö omukwatijadötö, ¡Ayö! La'akatjöda ja̧jayema edajidökötö, jö̧ba̧lö. Ja̧danö, jobadö Jesús otidö loi̧ edajadöma Diosnö otiwanö omukwatö ösödijadötö, Ja̧ma Diosda ja̧ajabe, jö̧ba̧lö.

Marcos 1:27

Laebajobe okobe deinö edajadöma, yöba̧lakwawijadötö idödada: —¡Ayö!¿Tajijö? Abönö da̧ja̧kwemi bitema wainö jawadanö ba̧ja̧do̧, iteda waisinö ujulunö öba̧ja̧di̧ma. Ikena iteda ujulunö o̧'wo̧ luwo̧nö sulabo̧nö a'dewö loajabe. ¡Ayö! Sulabo̧bi jo̧ba wei̧ma a̧ja̧kwo̧— yöba̧lakwawijadötö.

Mateo 26:73

Ikenama, ja'yubeda lekwajabetjö, jobe ju̧kwadö ömadöma Pedro ö̧jobekwö ichö yötja̧linobe: —Isabenö jo̧bakwö kwebachinadötjö jojoköbena, kwiwene Galilea niji ju̧kwadö tjiwene ökwöi̧danö ökwöobetjö̧, öwaetjöda öwawobe jobadötjö jojoja— jö̧ba̧lö.

Mateo 21:11

Atjebawö̧, Jesúskwö kwebachadö jojodöma tjatadinobe: —Jo̧bama Dios yöawi̧ yöbawo̧ Jesús, Galilea nijitjö Nazaret comunidad jojo— jö̧ba̧lö tjatadinobe.

Mateo 8:10

Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.

Hechos 2:8

Jejenöma ¿dakwö ja̧bö yöba̧ladöjö ökwödö diwenekwena yöda̧li̧ma?