Hechos 2:37 - Dios Iwene37 Ikenama jojodöma Pedro yöawi̧ a̧ja̧kwö yelösöda tjo̧'wo̧ tjo̧bekwibijadötö. Tjo̧'wo̧ tjo̧bekwö Pedronö ju'wedö Jesús webawedönö abebö a̧ja̧kwijadötö: —Dömöledö, jejenö ji̧tjöma ¿dakwö ja̧dakwa̧da?— abebö a̧ja̧kwijadötö. Gade chapit la |
Ja̧danö guardia jojodötjöbi ju'wedö abebö tja̧ja̧kwinobe: —¿Ökwödöja? ¿Dakwö ja̧bö di̧sebobö ökwödöma isabenö sulabenö domukwati̧ kabatibö balewachadösa jö̧ba̧löma?— Atjebökwe Juanma atadinobe: —Kwuluwedö tjimidi̧da emö kwö̧jaduwo. Ja̧danö ju'wibi, jojodönö 'döbebö naukwöma yebeabinöma kwemaduwoko. Ja̧danö ju'wibi, balada kwemaduwotö jö̧ba̧lö jojodönö omöna yöka̧laduwa, Bidöma sulabenö ja̧badö, jö̧ba̧löma. Kwuluwedö tjimidi̧da emö kwösödaduwo, Otiwa, jö̧ba̧lö— atadinobe Juanma.
Ja̧danö, isujunö do̧batö ichejebadöma, Jesús jö̧a̧li̧ a̧ja̧kwö, Ökwödötjö suli̧ jwibo̧da inawiyanö ikwawobö jobe, jö̧a̧li̧ a̧ja̧kwö, ikwawökönö jobetjöma bakwo̧nökwena latjekwibinobe. Jobadötjö la'aka luwedö abönö latjekwibinobe. Ja̧danö, jobadö tjökömanö tjömöayedöbi latjekwibinobe. Ja̧danö, Ökwödöma suli̧ juna̧ladösa, jö̧ba̧lö, latjekwibinobe okobe deinö. Latjekwibajabe okobe, Jesúsma jobujukwöda ö̧jinobe, nijakwö ö̧bemi badeibö jujukwöda.
—Chömöledö, damötjö da'dömine Davidma, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö yöbawö wȩyudijetö Judasnöma, Jesúsnö do̧batö tje'ewotö jö̧ba̧ladönö öbibö i̧'yakwo̧nöma. Damötjö jejenö laebijetö Dios iwenetjö, Davidmine iwȩyudinama. Ja̧ wene isabenö badekwachinobe, Judas sulabenö iyö loawa wene— yöbawijetö Pedroma—.
Abebö a̧ja̧kwökwe, teada̧lö eda̧lo̧ma, –Tjo̧wi yȩayi dewachakwa̧ yöneawachibobe, jo̧kwaijayonö jemi ikenama juluwanö yemidanö yi̧ibakobe. Kwitebonö baledakwa̧ abebö kwa̧ja̧kwobö jö̧ka̧litjö̧ma, yemidanö abebö a̧ja̧kwö kwicho, –jö̧ba̧lö atado̧, —jö̧ba̧lö Dios iteda yöawi̧ yöawinobe, Edom niji jawama.