Hechos 19:30 - Dios Iwene

³⁰ Ja̧danö, Pablobi jeju teachobö jö̧a̧lijayonö Jesúsnö ösödadöma, Tekacha, jö̧ba̧lö, teachobö webijöködötö, inia tjöinö ja̧tjapji jö̧ba̧lö.

Hechos 19:30 Referans Kwoze

Hechos 21:39

Jejenö jö̧a̧liökwe Pabloma jö̧ba̧lijetö: —Ötjöma jo̧bamaö̧kö̧sa. Ötjöma judío jojosa, Cilicia nijitjö Tarso comunidadtjö chojo'do jeminökwesa. Ja̧ comunidadma jalemi ö'wejetjö comunidad. Babema ökwönö ösödinö ateba, bidö jojodönö yötawo webitjö— jö̧ba̧lijetö.

2 Samuel 21:17

Jo̧kwaijayonö, Davidnö kwabö loo jö̧a̧lijayonö, David öpöo Sarvia jitji̧ Abisai mikwo̧ma Davidnö pjaatinobe, ja̧danö filisteo jojonö kwabö loinobe. Jemi ikenama, David ömöayedöma tjuluwo̧ Davidnö yöbawö tjujuninobe, —Duluwo̧, yemidanö döpöjojodökwö ölakwabikwawö di̧'yenama, la'akatjöda ökwödökwö kwichoböma wedökakwedösa bemi tupakwöma. Jau duluwo̧, ökwöma israel jojodönö jwebebö, deju̧wa̧'yu dejati̧danö jo̧ja, ja̧danö ökwödökwö kwichoböma wedökakobe, döpöjojodö ditebo jawa deju̧wa̧'yudanöbo̧nö kwabö lobö, titjebapji jö̧ba̧lö.

Hechos 19:9

Jejenö tja̧ja̧kwonö ju'wedöma tjuu 'ditjobetjö̧ öpöjödijadötö. Jobadöma Pablo yöawi̧ma, ji̧kwa mananö tjichibobö yöawi̧ma, öpöjödö tjo̧'wo̧ sulinö edö sulabenö yöba̧lijadötö jojodönö, Pablonöma. Jejenö yötja̧liökwe Pabloma jejutjö labebajijetö ju'wedö Jesúsnö ösödadönö öbibö. Jemi tupakwöma jejutjö yöbawijökötö. Jelejutjöda yöbawijetö, Tirano mikwo̧, ba̧ja̧dakwawa jojo, jo̧ba öba̧ja̧dejutjöda. Ju'wi möle jwiinö jeju okwa tebachö jojodö yötja̧li̧ atada̧lö yöbawiabijetö Pabloma.

Hechos 19:31

Ja̧danö, ju'wedö jobe la'aka luwedöma, Pablonö tjösödobetjö̧ webijadötö ju'wedönö yötjawajobö, Jejuma tekacha, jö̧ba̧lö, kwabö lotjakwö, jö̧ba̧lö.