Hechos 19:29 - Dios Iwene

²⁹ Ja̧danö, ba̧jekwadö Éfesonö ju̧kwadöma labinö jwöbeba̧lö labijadötö. Jwiinö tjölabobetjö̧ Pablokwö ichinadönö, Macedonia jojodönö, Gayonö, Aristarconö do̧batibö tötöbijadötö jojodö tjö̧bajeju jobekwö. Ichibö tebatijadötö jeju okwa.

Hechos 19:29 Referans Kwoze

Hechos 20:4

Ötjö, Lucas, Pablokwö chi̧'yijatö. Ju'wedöbi tjichijatö, bidö, Sópatro mikwo̧, Bereanö jo̧. Jo̧bama Pirro itji̧. Ju'wedö, Aristarcobi Segundobi mikwadö. Jobadöma Tesalónicanö ju̧kwadö. Jelo̧ Gayo mikwo̧. Jo̧bama Derbenö jo̧. Jelo̧, Timoteo. Ju'wedö Tíquicobi Trófimobi mikwadö. Jobadöma Asia nijinö ju̧kwadö.

Filemón 1:24

Ja̧danö, ötjökwö otidadö Marcos mikwo̧bi, Aristarco mikwo̧bi, Demas mikwo̧bi, Lucas mikwo̧bi detjawobedanö dokwa atjebobe ökwödönö.

Colosenses 4:10

Aristarco mikwo̧ma ötjökwö ka̧lena bo̧ chömöledö, ja̧danö jo̧bama deawobedanö dokwa jö̧ba̧lö aebobe ökwödönö. Ja̧danö, Bernabé ömöledöso̧ Marcos mikwo̧bi deawobedanö dokwa jö̧ba̧lö aebobe ökwödönö. Jo̧ba Marcos mikwo̧nö belö ökwödönö yötawijatö chömöledö, kwiteboduwibe ichibitjö̧ma, kwösodaduwonö jö̧ba̧lö.

Hechos 27:2

Di̧'yowima jelobetjö, Adromitio mikwobetjö ichö tjölamatinowi, Asia niji tjolabiyanö lamatiabö 'yowima. Jowinö a̧jibö di̧'yijatö. Jelo̧, Aristarco mikwo̧ma, Macedoniatjö da̧peachina, Tesalónicanö jo̧ma, ökwödökwö ichijatö.

1 Corintios 4:9

Jau chömöledö, ökwödö Jesús webawedöma la'aka luwedödanö dichejekwökö. Baikwö wanedö yötawa chömöledö: Böjȩ luwedö sulabenö ja̧badönö lȩbebö, jobadönö kwabö lotjobe. Ja̧danö, kwabö lotjakwa̧ abönö, okobe deinö tjöba a'otjö junadö, ju'wedö jobadönö otjo jö̧ba̧lö. Jobadöjayedödanö dichejekwobe ökwödöma chömöledö, Diosma ökwödönö ujuninobe ichejekwa, okobe deinö jojodöbi ángelesdöbi ökwödönö edö otjo jö̧ba̧lö.

1 Corintios 1:14

Jau chömöledö, biya̧ wene jwöjwököbakwawaduwi̧ wene omukwatö, Diosnö ösödö yöta̧lobe, otiwanö pjakatinobe ötjöda Corintio jojodönö ojwenö chubu̧datapji jö̧ba̧lö. Jau chömöledö, ökwödötjö sule Crisponöda, ja̧danö Gayonöda ojwenö chubu̧datijatö.

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.

Hechos 21:30

Wajwibö omöna jwöbeba̧lijadötö. Omöna wajwibö jwöbeba̧lijayonö jojodö ba̧jekwadö jobe ju̧kwadöma a̧ja̧kwö ölakwabinö bakobe ö'öbakwawijadötö Pablo ö̧jobekwö. Ichibö Pablonö do̧batö labebö tötöbijadötö a̧petukwö. Tötöbö latjebajabe okobema ju'wedöma apjude tumatijadötö, tupakwöda tjuju̧kwobö.

Hechos 19:22

Jejenö jö̧ba̧lö i̧'yakwa̧ abönö webijetö ömöledönö, du̧ju̧tajanö, Macedoniabe tji̧'yobö, Timoteonöbi, Eratonöbi. Tji̧'yonö Pabloma ji̧bijetö Asia nijinö, ja'yube lekwe.

2 Corintios 8:19

Ja̧danö, ju'wibi yötawa jo̧banö chömöledö, Jesúsnö ösödadö ko̧ko̧kwö tjö̧baji̧tenia ju̧kwadöma jo̧banö 'da̧batö tjujuninobe, jobadö tjiminö Jerusalénnö ju̧kwadönö iyawa balada jawa pjaatobö. Jau chömöledö, ja̧ balada iyawa dotidobe, Duluwo̧nö ösödakwawa baibakobetjö̧, ja̧danö dömöledönö pjaatakwawa dösödi̧ öwawakobetjö̧.

Hechos 21:38

Egipto jojokö̧, jö̧ba̧lö, chomukwatatö ökwönöma. Belöma, Egipto jojoma sulabenö ja̧inobe. Jo̧bama la'aka luwo̧nö öpöjödö ju'wedönö jwiinö sulabenö yöa̧linobe, la'aka luwo̧nö tjölakwabinö baibanö. Ba̧jekwadö, cuatro mil jenanö sulabedönöma, jojodönö kwabö lobadöma, la'aka luwo̧nö öpöjödö tjölakwabinö ja̧bö öbibö i̧'yinobe, jojodö deobekwö. Ökwöma jo̧badakö̧, jö̧ba̧lö, chomukwatatö— jö̧ba̧lijetö Pablonöma.

Hechos 20:34

Kwöwaisaduwa ötjöma chotidijatö ötjöda baladatjö emö ja̧nöda. Ötjökwö ichinadö tju̧kwabi pjabatö emiachijatö.

Hechos 19:32

Jeju okwa ba̧jekwadö ja̧jadöma okobe deinö labinö wainö jwöbeba̧lijadötö, bakwainö yöba̧lökönö. Jobadö jwöbeba̧ladötjö ju'wedöma, ba̧jekwadöma wajwibö ji̧jadötö jeju okwa ¿Tajawedö doko̧ko̧kwobeda? jö̧ba̧lö.

Hechos 17:8

Ja̧ yötja̧lakwawi̧ a̧ja̧kwö jobe ja̧nö jojodöbi, la'aka luwedöbi öpöjödijadötö. Wene nöinö juna̧lakwawijadötö Jesúsnö ösödadökwö, Bidöma César weina öpöjödadö, jö̧ba̧lö, yötja̧liawö̧.

Hechos 16:9

Jobe ichibajadö tjichibaja̧ yö̧te, Pabloma abemi i̧'wi̧dinö edijetö bakwo̧nö, Macedonianö jo̧nö. Jo̧ba Macedonianö jo̧ma o̧'wo̧ tjo̧bekwö aebobema a̧ja̧kwijetö: —Macedonia pebibö ichö pjabatidönö— aebobe a̧ja̧kwö 'wi̧di̧kwijetö Pabloma.

Hechos 13:5

'Ya̧jadö, Chipre ö'wejesa'o ichibijadötö, Salamina comunidadnö. Ichibö judío jojodö yötjaweju okwa tebachö Dios iwene yöbawijadötö. Ja̧danö, jelo̧ma, Juan mikwo̧ma, griego tjiwene Marcos mikwo̧ma, Bernabékwö, Saulokwö ichajo̧ma jobadönö pjabatijetö.

Hechos 16:12

Ichibö kwebachö di̧'yijatö Filipos comunidad jo̧bekwö. Filiposma Macedonia nijinö ji̧jetö. Ja̧danö, Filiposma Roma la'aka luwo̧ wei̧ a̧ja̧kwö tjö̧jemi, jobe ju̧kwadöma. Jobe Filiposma Roma la'aka luwo̧ weemi comunidadestjö bajalekwönönö ö'weje comunidadma. Ba̧jekwadö romano jojodö tjuju̧kwijatö jemi comunidadnö. Ökwödöma lekwe duju̧kwijatö jobema.

Hechos 19:21

Ikenama ja̧ baledinemi tupakwöma Pabloma, o̧'wo̧ ösöwanö jö̧ba̧lijetö: —Aaa, ötjöma babema Jerusalénbe chi̧'yocha. 'Ya̧jo̧ma kwetachocha Macedoniabebi, Acayabebi. Ikenama, Jerusalénnö kwebachö kabatiböma Romabe yöbawö chi̧'yocha— jö̧ba̧lijetö.

3 Juan 1:1

Gayo dokwa. Ötjöma Jesúsnö ösödadö tjuluwo̧sa. Ja̧danö, te'ada̧lakwawa jojosa. Ja̧danö, böja kwialusöjama ökwönö chiwȩyuda Gayo, Jesústjö chöjawo̧ chösödökwenöma. Gayo, ökwönö ile nibebo̧sa bakwainö Dios yöawi̧, isabenö ji̧ iwenema dösödobetjö̧.