Hechos 19:22 - Dios Iwene

²² Jejenö jö̧ba̧lö i̧'yakwa̧ abönö webijetö ömöledönö, du̧ju̧tajanö, Macedoniabe tji̧'yobö, Timoteonöbi, Eratonöbi. Tji̧'yonö Pabloma ji̧bijetö Asia nijinö, ja'yube lekwe.

Hechos 19:22 Referans Kwoze

2 Timoteo 4:20

Erasto mikwo̧ma Corintio comunidadnö ö̧jibinobe, ja̧danö Trofimo mikwo̧ ö'wöchobetjö̧, Mileto comunidadnö chujunibinobe Trofimonö.

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.

Hechos 19:29

Ja̧danö, ba̧jekwadö Éfesonö ju̧kwadöma labinö jwöbeba̧lö labijadötö. Jwiinö tjölabobetjö̧ Pablokwö ichinadönö, Macedonia jojodönö, Gayonö, Aristarconö do̧batibö tötöbijadötö jojodö tjö̧bajeju jobekwö. Ichibö tebatijadötö jeju okwa.

Hechos 19:10

Ja̧danö, jobetjöma döbalataja o̧biya jenanö yöbawijetö. Jejenö lekwe yöawobetjö̧ okobe deinö Asianö ju̧kwadöma, judío jojodöbi, judío jojodöböködöbi a̧ja̧kwijadötö Duluwo̧ iwenema.

Hechos 18:5

Ja̧danö, ju'wi möle Silás, Timoteo Macedoniatjö labebö Pablo ö̧jobekwö 'yi̧jadötö, Corintobe. Tjichibaja̧ ikena jemi tupakwöbi Pabloma ba̧kwȩlö̧jatebö yöbawöda yöbawiabijetö. Yöbawiabijetö, Jesúsda Dios weinökwema, jö̧ba̧lö. Dö̧jibinö pjabato̧ma Jesúsda, jö̧ba̧lö, yöbawiabijetö Pabloma judío jojodönöma.

Hechos 16:3

Ja̧danö, Timoteo otiwanö omukwatö ö̧jiökwe Pabloma omukwatijetö, Aaa, bite Timoteonö ökwödökwö ichobö jö̧ta̧lijayonö ju'wedö, judío jojodöma, Timoteokwö wene tjujuna̧lakwawena, jö̧ba̧lö, omukwatijetö Pabloma. Jobadö judío jojodöma Timoteonö waisö, Abe'do judíoso̧bököobetjö̧ ötade bajalesado̧ 'wibebö loinökökwe, jö̧ba̧lö, tjöpöjödena, jö̧ba̧lö omukwatijetö Pabloma. Jejenöobetjö̧ Timoteokwö wene tjujuna̧lakwawapji jö̧ba̧lö, tji̧'yakwa̧ abönö Pabloma Timoteonöma ötade bajalesado̧ 'wibebö lobijetö.

Hechos 16:1

Ikenama Pablo, Silas 'ya̧jadöma Derbenö ichibijadötö. Jemi ikenama jobetjö labebö 'ya̧jadö Listranö ichibijadötö. Jobe bakwo̧ ji̧jetö, Timoteo mikwo̧, Jesúsnö ösödo̧ma. Jo̧ba ojo'doma Jesúsnö ösöduju. Jobujuma judío jojosujujijayonö jilekwema, Timoteo abe'doma griegoso̧, judíoso̧bökö.

Hechos 13:5

'Ya̧jadö, Chipre ö'wejesa'o ichibijadötö, Salamina comunidadnö. Ichibö judío jojodö yötjaweju okwa tebachö Dios iwene yöbawijadötö. Ja̧danö, jelo̧ma, Juan mikwo̧ma, griego tjiwene Marcos mikwo̧ma, Bernabékwö, Saulokwö ichajo̧ma jobadönö pjabatijetö.

1 Tesalonicenses 1:8

Jau chömöledö, okobe jwiinö Macedonia nijinöbi, Acaya nijinöbi yökawinaduwobe Dios iwenema. Ja̧danö, jemi tupakwöbi böjȩ bakwameachibanö ju̧kwadöma ökwödönö tja̧ja̧kwinobe, Diosnö kwösödaduwi̧ wenema. Jo̧kwajabetjö̧, ökwödö kwösödinaduwa wene ju'wedönö yödawoböma jwia, okobe deinö ida̧ökö ökwödönö tja̧ja̧kwinobetjö̧, Tesalónicanö ju̧kwadöma Diosnö ösödadötö, jö̧ba̧lö.

2 Corintios 8:1

Chömöledö, kwöwaisaduwobö yötawaduwakwö Macedonia nijinö otiwanö baledinama. Diosma isabenö lȩlö̧jinö pjabato̧ Macedonia nijitjö ko̧ko̧kwö tjö̧baji̧tenia ju̧kwadö Jesúsnö ösödadönöma, otiwanö ju'wedönö pjatjatakobetjö̧.

2 Corintios 1:16

Jau chömöledö, baikwö chomukwatina yötawa. Macedonia nijibe chi̧'yena, ja'ö 'da̧abibö kwiteboduwibe chichibobö chomukwatijatö, ja̧danö Macedonia nijibetjö chȩwa̧jenabi, yemidanö ja'ö 'da̧abibö kwiteboduwibe chichibobö chomukwatijatö, ja̧danö jemi ikenama, Judea nijibe chȩwa̧jakwa̧ pjakataduwobö chomukwatijatö chömöledö.

Hechos 20:1

Ikenama Éfesotjö jojodö ölakwabikwawö katjatajena Pabloma jwöbijetö jobe ju̧kwadö Jesúsnö ösödadönö tjichobö. Jejenö jwöbajo̧ ichajadönö yöba̧lijetö tjo̧'wo̧ ösöwachibanö tjomukwatobö Diosnö. Yöba̧lö kabatö, Ötjöma tjo̧wi̧ chi̧'ya, jö̧ba̧lö, Éfesotjö labebö, 'yi̧jetö Macedonia nijibe.

2 Corintios 11:9

Jau chömöledö, ökwödönö yöbawö chö̧jayi, Jesúsnö ösödadö Macedonia nijitjö ichajadöma ötjönö pjabatö tjichinobe, jo̧kwajabetjö̧ jwiti̧ jawama jobadöda tjiyinobe, ökwödö Corintio jojodötjö chemapji jö̧ba̧lö. Jau chömöledö, jejenö pjatjatinobetjö̧, ökwödökwö chö̧jayi la'akatjöda ja'yubebi ökwödötjö ateba̧lijökötö chömöledö, ja̧danö ju'wibi yötawaduwakwö, la'akatjöda ökwödötjö ateba̧lökakwo̧sa chömöledö.

2 Corintios 2:13

Jo̧kwaijayonö, döjawo̧ Tito deitjö̧, nöinö cho̧'wo̧ tjo̧achijatö, Titoma daijö, Corintio jojodönö dakwö yöawakwa̧jö jö̧ba̧lö. Jau chömöledö, Titoma kwiteboduwitjö ȩwa̧jo̧, jo̧babi ötjökwö Troasbe ichibakwo̧ jö̧ba̧lö chomukwatijayonö, deinobe. Jo̧kwajabetjö̧ jobetjö labebö, Macedoniabe chi̧'yijatö jo̧banö isakwö, ökwödönö yöawakwa̧ cha̧ja̧kwakobetjö̧.

Hechos 19:21

Ikenama ja̧ baledinemi tupakwöma Pabloma, o̧'wo̧ ösöwanö jö̧ba̧lijetö: —Aaa, ötjöma babema Jerusalénbe chi̧'yocha. 'Ya̧jo̧ma kwetachocha Macedoniabebi, Acayabebi. Ikenama, Jerusalénnö kwebachö kabatiböma Romabe yöbawö chi̧'yocha— jö̧ba̧lijetö.

Hechos 20:34

Kwöwaisaduwa ötjöma chotidijatö ötjöda baladatjö emö ja̧nöda. Ötjökwö ichinadö tju̧kwabi pjabatö emiachijatö.

2 Corintios 8:19

Ja̧danö, ju'wibi yötawa jo̧banö chömöledö, Jesúsnö ösödadö ko̧ko̧kwö tjö̧baji̧tenia ju̧kwadöma jo̧banö 'da̧batö tjujuninobe, jobadö tjiminö Jerusalénnö ju̧kwadönö iyawa balada jawa pjaatobö. Jau chömöledö, ja̧ balada iyawa dotidobe, Duluwo̧nö ösödakwawa baibakobetjö̧, ja̧danö dömöledönö pjaatakwawa dösödi̧ öwawakobetjö̧.