Hechos 18:17 - Dios Iwene

¹⁷ Labebajadötjö ju'wedöma jelo̧nö, judío jojodö yötjaweju la'aka luwo̧nö, Sóstenes mikwo̧nö, do̧batibö kwakwabijadötö a̧petutjö, lȩekwa yöawakwawa wa̧kwawaka badeibö. Jejenö kwakwatjonö Galiónma jö̧ba̧lökönö ji̧jetö.

Hechos 18:17 Referans Kwoze

1 Corintios 1:1

Ötjöma Pablo mikwo̧sa, ja̧danö Diosda iteda ösödi̧danö ötjönö jwöinobe, Cristo Jesús webawo̧ batibobö. Ja̧danö, döjawo̧ Sósteneskwö ja̧nö böja kwialusöja chiwȩyudobe

1 Corintios 1:23

Jo̧kwaijayonö ökwödö yödawi̧ wenema biya̧da, Cristo midawö woina weneda. Ja̧ wenema judío jojodö tjöpöjödobe, suli̧ wene jö̧ba̧lö, ja̧danö judío jojodöböködö tjöpöjödobe waisakwawa jwii̧ jö̧ba̧lö.

Hechos 17:32

Jejenö yöawiawö̧, Diosma tjeachajinö ja̧inobe, jö̧ba̧lö, Atenasnö ju̧kwadötjö ju'wedöma oböda obijadötö Pablonö. Jo̧kwaijayonö ju'wedöma: —Yemidanö da̧ja̧kwobö jö̧da̧la ja̧ yökawaja̧ma— jö̧ba̧lijadötö.

Mateo 27:19

Pilatoma jobe lȩekwa yöbawo̧ iteaka wa̧kwawaka ö̧bena, ju'wibi baledinobe, ilekwoma jo̧banö yötjawobö wejinobe: —Bite Jesúsnö, sulabenö ja̧bö̧kö̧nö lȩkeba, chilekwe. Jo̧da yö̧te jo̧banö sulabenö chi̧'wi̧dikwobetjö̧ nöinö usula chemawatö— jö̧ba̧lö yötjawobö wejinobe Pilato ilekwoma.

Marcos 5:22

Ikenama bakwo̧, Jairo mikwo̧, judío jojodö ba̧nö tja̧ja̧kwa̧leju la'aka luwo̧ma, Jesús ö̧jobekwö 'ya̧wibijetö. Ichibö, Jesúsnö edö, öba a'o u̧yu̧ju̧ki̧junö bamatijetö nijakwö bȩbachibö.

Hechos 18:8

Jobe Corintonö jo̧ma, judío jojoma, judío jojodö yötjaweju la'aka luwo̧ma, Crispo mikwo̧ma, Pablo yöawi̧ a̧ja̧kwö Duluwo̧nö ösödijetö, Jesúsma chö̧jibinö pjabato̧, jö̧ba̧lö. Ja̧danö, jo̧ba ejunö ju̧kwadöbi okobe deinö ösödijadötö Jesúsnöma. Ju'wedöbi ba̧jekwadö Corintonö ju̧kwadöma, Pablo yöawi̧ a̧ja̧kwö ösödijadötö Jesúsnöma. Ikenama ösödajadönö ojwenö bu̧datijetö Pabloma.