Hechos 17:25 - Dios Iwene

²⁵ Ju'wibi yötawa, ökwödöma jo̧banö ¿dakwö iyö pjadatakwa̧da? Ökwödö diyo jö̧ba̧löma jwiobe, jo̧banöma. Jo̧bada ja̧kwawa iyo̧, okobe jwiinö dujuna̧li iyo̧.

Hechos 17:25 Referans Kwoze

Génesis 2:7

Ikenama Isabenö Jo̧ Diosma nijitjö jojodanö otidijetö. Otidajökwe isu̧nö ja̧kwawa imiyupjo pjubijetö jojo baibanö.

Romanos 11:35

Bakwo̧bi deobe, Diosnö iyo̧ma, Diosma musido̧ baibanö. jö̧ba̧lö laebobe Dios iwenema.

Hechos 17:28

Ja̧danö, Diosma ökwödönö ja̧kwawa iyo̧. Di̧'yobebi te'ada̧lo̧. Ökwödö do̧'wo̧ luwo̧nö iyo̧ Diosma. Ja̧danö, bakwo̧ kwömöledöduwiso̧ma yöbawijetö: Isabenö okobe deinö ökwödöma Dios otidinawö̧sa, jö̧ba̧lö— yöbawijetö Pabloma—.

Isaías 42:5

Chömöledö, Isabenö Jo̧ Diosda mölȩjȩ otidajo̧, sedatö nöninama, ja̧danö jo̧bada bö̧jȩbi, okobe jwiinö bö̧jȩtjö pokwi̧bi otidinama. Jo̧bada okobe deinö bö̧jȩnö ju̧kwadönö tjo̧'wo emapjo iyo̧ma, bö̧jenö kwebachö ju̧kwadönö ja̧kwawa iyo̧ma Isabenö Jo̧ Diosda. Ja̧danö, jo̧bada baikwö yöawobe omudawö ujuninökwenö:

Diosnö ösödo̧ Job mikwo̧ usula emawina jawa 33:4

—Ötjöma Dios O̧'wo Luwo̧ otidinökwesa, ja̧danö ja̧kwawa chujuna̧li̧ma, Okobe Jwiinö Juluwo̧ Dios iyobetjö̧, 'yaba̧lo̧sa.

Diosnö ösödo̧ Job mikwo̧ usula emawina jawa 22:2

—Bö̧jȩ jojodötjö, bakwo̧bi Diosnö pjabato̧ma ö̧jo̧beji̧? Deobe, inesö waisadötjöbi, bakwo̧bi Diosnö pjabato̧ma deobe.

1 Timoteo 6:17

Cristonö ösödadötjö balada luwedönö baikwö yöbawidönö Timoteo, Aaa, ju'wedönötjö o̧penönöbedösa, jö̧ba̧lö tjomukwatokobö. Ja̧danö, böjȩ jawa tjujuna̧li̧, tupakwö jwiakwa̧ jawa tjujuna̧li̧ma tjo̧'wo̧ tjöwana̧lokobö yöbawidönö, Diosnöda tjo̧'wo̧ tjöwana̧lobö jo̧be. Jau, jo̧ba Diosda okobe jwiinö ökwödönö iyo̧ma, do̧'wo̧ ösöwanö dö̧jobö.

Diosnö ösödo̧ Job mikwo̧ usula emawina jawa 27:3

ina 'yaba̧lo̧ ja̧nö, Dios cho̧'wo chemobö weayi,

Diosnö ösödo̧ Job mikwo̧ usula emawina jawa 12:10

Jau chömöledö, Diosda okobe deinö bö̧jȩnö ju̧kwadö tjö̧ji̧ jawa webo̧, jo̧bada okobe deinö jojodönö iyo̧, tjo̧'wo emapjo tjemakobetjö̧, jö̧tö? Ja̧danö öwawinö öwawobe, ötjönö baledi̧ma Diosda weobetjö, baledökwesa, jö̧ba̧lö.

Hechos 14:17

Jejenö ujunibinajayonö Diosma iteda pjaati̧ma ba̧kwȩlö̧jatebö i̧sebijetö. Jo̧kwaobetjö̧, israel jojodöböködö, wainö sulabenö ja̧bö ju̧kwadöma Diosnö wajwitjijayonö jo̧ba otiwanö pjaati̧ma edijadötö. Ja̧danö ¿ökwödöja? Babebi Dios otiwanö pjaati̧ma kwedaduwobe. ¿Tajida jo̧ba pjaati̧ma? Biya̧: Ojwiyo o̧bi̧ weobe kwujuninaduwi̧ pokwobö, ju'wi möle kwukwaduwakwa̧ma. Ja̧danö, otiwanö kwö̧jaduwobe, kwakwawa kwanö, Dios pjaati̧ma. Ja̧danö, kwo̧'wo̧duwi ösöwachibanö kwö̧jaduwobö pjaatobe Diosma. Jau, damötjöbi Diosma iteda pjaati̧ma i̧sebinobe. Ja̧danö, babebi i̧sebobe Diosma iteda pjaati̧ma ökwödönöma. Jo̧kwaobetjö̧ jo̧banöda kwösödaduwo, ökwödönömaökö— yöbawijadötö Pablo, Bernabé.

Mateo 9:13

Ja̧danö jemi tupakwö weinobe jobadönö: —Biya̧ Dios iwene laebi̧ jawa waisachajaduwi, okwanö laebi̧ kwöwaisachibaduwobö, baikwö laebi̧ma: Inesö chösödi̧ma ajikwakwawedönö kwabö juwö kwiyaduwobömaökö, inesö chösödi̧ma lȩlö̧jinö edö jojodönö pjakataduwobö, jö̧ba̧lö laebobe. Ja̧danö, ötjöma otiwadösa jö̧ba̧lö omukwatadönö jwöböma ichö̧kö̧sa. Sulabedösa jö̧ba̧lö waisadönö jwöbö icho̧sa— jö̧ba̧lö yöawinobe.

Mateo 5:45

Jejenö ja̧köbaduwo, mölejȩbe jo̧ kwabe'doduwi i̧tji̧mu otiwanö ja̧bö tjö̧ji̧danö otiwanö ja̧bö kwö̧jaduwakobetjö̧. Jau chömöledö, kwabe'doduwima, sulabedönöbi, otiwadönöbi pjabatö bakweminö möle jawo̧nö idejatobö webo̧, ¿jö̧tö? Ja̧danö, sulabenö ja̧badönöbi, otiwanö ja̧badönöbi pjabatö, ojwiyo o̧bobö webo̧, ¿jö̧tö? Jau chömöledö, kwabe'doduwima okobe deinö jojodönö pjabato̧.

Isaías 57:16

Jau chömöledö, ba̧kwelöjatebö jojodökwö ölakwabikwawö chö̧jö̧kakwo̧sa, ja̧danö ba̧kwelöjatebö jojodökwö chödameakwökakwo̧sa. Jobekwö ba̧kwelöjatebö chö̧jitjö̧ma, tjo̧'wo luwo̧nö tjime'dawachibena, ja̧danö tjö̧ji̧ ja̧kwawa, ötjöda otidö chiyina ja̧kwawama 'dö̧ibajena.

Diosnö ösödo̧ Job mikwo̧ usula emawina jawa 34:14

Jau chömöledö, Diosda ja̧kwawa iyobetjö̧, okobe deinö 'yaba̧ladö tju̧ju̧kwobe. Okobe deinö 'yaba̧ladö dö̧ji̧ma, Dios itea ja̧kwawa dujuna̧lobetjö̧, ja̧danö Dios itea imuyupjo dujuna̧lobetjö̧, 'yaba̧ladösa, jö̧tö? Ja̧danö, Dios isabenö jojodönö suli̧ öwaedobö jö̧a̧litjö̧ma, ja̧ iteda jawama, iteda yemidanö 'döebena.

Deuteronomio 30:20

Ja̧kwawa jawa omudawö, kwuluwo̧duwi Isabenö Jo̧ Diosnö ile nikebaduwo chömöledö, ja̧danö jo̧banö 'diinö do̧ba̧lö, wei̧ a̧ja̧kwö kwö̧ja̧duwo. Jo̧batjöda ichi̧ chömöledö, ja̧kwawa kwö̧jaduwi̧bi, lekwe möle kwö̧jaduwakwa̧bi, jo̧kwajabetjö̧ jo̧banö 'diinö do̧ba̧lö kwö̧jaduwo, Isabenö Jo̧ kwa'dödö Abrahamnöbi, Isaacnöbi, Jacobnöbi yöbawö ujunina nijinö kwiteboduwi baibanö lekwe kwö̧jaduwakobetjö̧, —jö̧ba̧lö yöawinobe Moisesma, israel jojodönö.